PETER INKHATNA 2:9 - LEKHARABU INTHENG (BSI)

⁹ Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INKHATNA 2:9 ပူးပေါင်းရင်းမြစ်များ

HLAHEI 106:5

Namihei hongkhang sōtna eiman hmu roh, namihei inpâkna kha ke’m eiman chensa roh, nami kachang hei hōina leh inlensakna khan eimanveisa roh.

HLAHEI 118:27

Rōngpu kha Pathen kae. Eini sik a ama akaṭha kae. Nankut a thing bâk matu una, rehōi kha phut jo ruh khana maichâm kimvea injôk jo ruh.

HLAHEI 135:4

Ama ta sik a Jacob kha akadeisōt, ama tanei sik a Israel mipuihei kha akadeisōt hei.

HLAHEI 22:30

Hnunga khangther he’n ama anrazen sik; anmani’n akahong sik khanghei hneng Rōngpu ṭong anhri sik.

HLAHEI 33:12

Rōngpu kha an-Pathen kachang jât-hei kha anmahâm kaṭha. Atâ kachang sik a akadeisōt jo hei kha mi mahâm kaṭhahei kae!

HLAHEI 73:15

Ke’n khavahei seng kha kaleihri jo’nchu nami inkhat kapōa leichôn mak jo ning.

ISAIAH 26:2

Khōpui kot-hei mahlâng ruh taksen ka-om jât leh ṭōndik katlo jât-hei hlutna sik.

ISAIAH 41:8

“Tâk-kha, kasōk Israel nangni chu, kakadeisōt mipui kha nangni chei kae, kaṭhōn Abraham, sōn leh pâr chei kae.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 44:1

Rōngpu’n ati, “Tûn rangei roh, kasōk, Israel, kakadeisōt mipui, Jacob sōn leh pârhei.

ISAIAH 61:6

Khana nangni Rōngpu thempu, ni-Pathen sōk-hei tia anmanhret sik chei. Nangni’n jât-hei nei leh hao hei kha nanhōi pui sik. Khahei kha nanta achang jâra inlensak sik jo chei.

ISAIAH 62:12

Nangni “Pathen Mi Intheng hei,” “Rōngpu Tahuksōt mihei,” tia anbek sik jo chei. Jerusalem kha, “Rōngpu Talungset Khōpui,” “Pathen Tadahlon mak Khōpui,” inti sik jo.

ISAIAH 66:21

Ke’n anmani ṭhahrep thempu leh Levi a kasyem sik hei.

ISAIAH 9:2

Khō inthim thōia ka-om mihe’n, vâr kalentak inkhat anhmu jo. Anmani ram kajing rahle thōia leika-om hei. tâk-kha tûnchu vâr in anchunga asat manvâr jo.

MALACHI 3:17

Akahratpen Rōngpu’n ati, “Anmani kami kachang sik hei. Ke’n ṭōn kha katlosōt ning khan anmani katak khet kachang sik jo hei. Apa khan ama inzen asapa alungset kapōa ke’n anmani kalungset sik hei.

MATTHEW 4:16

Khō inthim thōia ka-om mihe’n vâr kalen inkhat anhmu sik. Khana thina ram daihlim thōia aka-om hei chunga vâr kha hong kavâr sik.”

MATTHEW 5:16

Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

LUKE 1:79

khana thina daihlim thōia ka-om rakip hei chunga marvâna inphut ajōngsat manvâr sik, lung mōngna hlam a nikethon ensuina atlo sik.”

JOHN 17:19

Anmani’m kadiktak a nang hneng an-intōksōt theina sik anmani sik kei kabinga nahnenga a’ntōksōt eng kae.

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

ṬŌNTLOHEI 26:28

Agrippa’n Paul hneng ati, “Hiva pha katôitek shunga hin Christian inkhat manchang tor sik a namandon eng mo?”

ROMANHEI 9:24

Ajârchu einihei hi Jehudihei kâra rōk changloa Jât-hlop hei kâra inphut a’m abeksōt mipui me kha kae.

CORINTHIANHEI INKHATNA 3:17

Achang jâra mi inkhat in Pathen bek-inn kha asuk manhmang inchu, Pathen in ama kha asuk manhmang sik kae. Ajârchu Pathen bek-inn kha a’ntheng kae, khana nangni kalalen kha ama bek-inn chei kae.

EPHESIANHEI 1:14

Pathen in amihei hneng ale’ntepna eini tachen sik manchênna kha Rathla hi kae, khana amihei hneng pui katluk ning leh hnōm apek sik me manchênna kha hi kae. Ama lûrna kha choi ka-ân rih!

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

EPHESIANHEI 3:21

pha rakip a Christa Jesua leh bekrup shunga Pathen kha ahei tik a lûrṭhak rasoh! Amen.

DÂNRABU INHNINA 10:15

Tâk Rōngpu’n nanpu-nanpahei alungsetna kha khang hrep a kangar, mihlop-hei kanek a nangni kha akadei chei khana tûn katlung ama kadeisōt lakachang chei.

DÂNRABU INHNINA 14:2

Nangni chu Rōngpu nan-Pathen ta chei kae; raleichunga mi rakip hei kâra inphut ama mi kachang sik a akadeisōt jo chei kae.

DÂNRABU INHNINA 18:2

Phung ralak-hei kapōa anmani ram neimak hei ning; Rōngpu intepna kapōa, anmani chen khachu Rōngpu thempu changna ahnemna kha kae.

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 7:6

Hihei hi tlo hei ruh ajârchu nangni Rōngpu nan-Pathen ta chei kae. Raleichunga mihring hiseng kâra ama’n ami sik a ahlopdet a akadeisōt jo chei kae.

PHILIPPIANHEI 3:14

Khava jâra chunga hringkhō chenna sik Jesu Christa a Pathen bekna eng, tloman hmutorna sik a kei intlunhrek a bitin kaneia katlân eng.

COLOSSIANHEI 1:13

Ama’n eini khō inthim ratha hratna inphut ahuksōt jo me, khana asapa marit rengram shunga kahringa aṭhōi manhlut jo mea kae,

TIMOTHY INHNINA 1:9

Eini’n heikhat nitlo jâra changloa, tâk amarit me jâra leh amantlukna jâra, ami kachang sik a abek mea ahuk jo me kae. Hiva maritna hi pha ale’nphut mak hma Jesu Christa jâra aleipek jo me kae,

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

ṬONGPHÔNG 1:6

khana a-Pathen leh a-Pa inzen sik a rengram thempuhei amanchang jo me. Jesu Christa kha are-rea ratha kahrat leh akalûr changṭhak rasoh! Amen.

ṬONGPHÔNG 20:6

Hiva akathi hma inkeia hringsōtna kachen hei kha mikahōihei leh mahâm kaṭha hêr hei kha kae. Vōihni tlukna thina khan anchunga ratha heite neimak jo; anmani Christa leh Pathen thempu kachang sik jo hei, khan chu kum 1,000 ama leh inṭhōia vai antarônsap sik kae.

ṬONGPHÔNG 5:10

Nang in anmani kha ni-Pathen inzen sik a thempuhei rengram nasyempek jo hei, khana anmani’n raleichung vai antarôn sik kae,” tia hla ansak.”

SAMUEL INKHATNA 12:22

Rōngpu’n inthenga intepna anei, nangni dahlon mak chei ning, ajârchu nangni hi ama mi manchang sik cheia intluk a kae.