PETER INKHATNA 2:25 - LEKHARABU INTHENG (BSI)

²⁵ Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.

PETER INKHATNA 2:25 ပူးပေါင်းရင်းမြစ်များ

HLAHEI 119:176

Kemōng inhmang kapōa kalôn-invai jo eng; khava jâra jōng ina nasōk ajōng enroh, ajârchu nadân kha heisak lo tlomak eng.

HLAHEI 80:1

Eh Israelhei Kakhempa, arangei roh; kemōng rup hlamkakeipa, athei pek roh. Mathla kanei ranhringhei chunga, nalen in-ongna chunga a’n-ongpa,

ISAIAH 13:14

“Babylona ka-om ramlak mihei kha anram et a katlân sik hei, sha kahnong heia inphut shakhi akatlânsōt kapōa, khana ankakhem kase kemōnghei kapōa.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 53:5

Tâk-kha eini setnahei jâra ama’n sungbi arôn jo, eini’n ṭhatmak nitlo jâra ama anvōk jo. Ama inrengtak a ankarâkna khan eini amandam jo me, ama antakabenna khan amantheng seng jo me.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

JEREMIAH 23:2

Amihei ka-ensui ankatinta sik rahōi kasōk vaikarônhei chungchânga, Israel Rōngpu Pathen khan ahri kha hi kae: “Nangni’n kamihei, tinta mak chei; nanhnong kachek heia, nanchai dâk jo hei. Hiva ṭhatmak nantlo jâra tûn ke’n karâkna kapek sik chei kae.

EZEKIEL 34:6

Khava jâra kakemōnghei kha tlâng leh bung inshânga kalôn lele jo hei. Raleichunga inchai katheksō jo hei, tûte inkhat in jongmak hei, ajongna sik a’m tlomak hei.

EZEKIEL 37:24

Kasōkpa David kapō inkhat in anreng kachang sik. Anmani vaikarôn inkhat thōia inchun sik jo hei khana taksentak a kaṭong anjui sik jo.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MATTHEW 18:12

“Mi inkhat in kemōng 100 anei khana inkhat kalôn inhmang jo, khan chu mipa khan heimo atlo sik a nantamandon? Tlâng sira phi kasâk 99 kha adahlon heia akalôn inhmang inkhat kha avajong sik?

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

ṬŌNTLOHEI 20:28

Khava jâra nanbing et leh Rathla Intheng in nankut chunga anganse jo chei rup-hei hi kaṭhatak a ching jo hei ruh. Asapa thisen jâra atâ amanchang jo, Pathen Bekrup sik akemōng kakhem chang ruh.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 3:1

Pathen tabek jo ka-Christian sōpuihei! Eini’n nihrisōt taksenna chunga Thempu Kalen kachang sik a Pathen tajōngtir Jesu kha mandon ruh.

HEBREWHEI 5:2

Ama ahlam katamtak a tlâksamna anei jâra heite inhret mak hei tloṭhena kha malung kadaia athōk tor a kae.

PETER INKHATNA 3:20

Khava rathlahei kha, Noah rakōng suilaia Pathen in thōk-hlatak a ahngâk hei khana Pathen ṭong inngeimak rathlahei kha kae. Rakōnga mi akatlômtek, ankhenga mi 8 rōk tuia inphut ahuksōt heia kae,

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.