PETER INKHATNA 2:24 - LEKHARABU INTHENG (BSI)

²⁴ Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 2:24 ပူးပေါင်းရင်းမြစ်များ

A’NPHUTNA 22:6

Abraham in Isaac kha inthoina sik thing alei manchoi khana ama’n hmei mansûkna sik hmeira-ê kahring leh chem aleichoi. Khanga ansepum a

HLAHEI 147:3

Malung kakōi hei kha amandam pek nôk hei khana annatbi hei kha akatōmpek hei.

HLAHEI 38:4

Kasetna tuikalen khan akachûm jo eng; khahei kha rôn sik a akahrik hêr phur inkhat kae.

SŌKSŌT 28:38

Aaron in khavakha amachea akhit sik kae, Israel sahe’n kahnenga antatōk rakip, mipui he’n ṭhena ṭhahrep anleitlo’num Rōngpu Ke’n karahlângna sik a kae.

ṬONGCHÎK-HEI 20:30

Pha khat a, nijui hlam kha thleng sik niti pha leh malung nat niratō ri.

ISAIAH 53:11

Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

LEVI-DÂN 16:22

Ke khan ansetna rakip kha mi tlâkmakna ram ṭhahrep a a’nrôn sik jo.

LEVI-DÂN 22:9

“Ke’n kapek chei chôndânhei hi thempu rakip in antanit sik kae. Achangmak inchu, a’ntheng chôndân anjuimak jâra themmô anchen sik khana kathi sik hei. Kei Rōngpu eng kae, ke’n kaman theng hei kae.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MIJAHEI 18:22

Israel alak he’n Pōn-inn antahnai hêrmak sik kae khana anbinga thina kha anta heirôn manhlut mak sik kae.

MATTHEW 27:26

Khava pha Pilate in Barabbas amasō pek jo hei; khana Jesu khachu amanjem hei sōa thingrakea makhei hlon sik a apek sōt jo hei.

MATTHEW 5:20

Khan chu ke’n kahri pek chei kae, Pathen lungdo tlona chunga khan Dân ojahei leh Phariseehei kanek a nangni taksenthei nanchang rōk leh khan marvân Rengram kha akahlut tor sik chei kae.

MATTHEW 8:17

Hivahi Isaiah sânkathem taleihri, “Ama khet in ninatna rakip aloa khana hri rakip arônsō jo,” ti kha huitlungna sik a atlo kae.

MARK 15:15

Pilate in mipui malung mantlai sik amadu jâra Barabbas amasō pek jo heia Jesu kha amanjem heia thingrakea makhei hlon sik a apek jo hei.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

JOHN 19:1

Khava sōa Pilate in Jesu kha aṭhōia amanvōk jo hei.

ṬŌNTLOHEI 10:35

Tu jât-jât um chang rasoh ama inmuk leh akadik katlo rakip kha ama sik a rahlângthei kae.

ṬŌNTLOHEI 10:39

Jerusalem leh Israel ram pumpui shunga aṭōn leitlo inhret inchênkhet hi keini ung kae. Khang’khan ama kha thingrakea anhem mankop a anleithat jo.

ṬŌNTLOHEI 13:29

Khang’khan ama chungchânga ṭong intheng taleihri rakip kha a’ntlosōa, thingrakea inphut anlo mathlâk a thlân inkhat a anleihre jo.

ṬŌNTLOHEI 5:30

Jesu kha thirkir vâng thingrakea nanhembek a nanleithat, tâk kanpi leh kanpuhei Pathen in thina inphut akei mathōi jo.

ROMANHEI 6:11

Khavakha leh in-anghrep a nangni setna chungchânga khan chu akathi jo chei, tâk Jesu Christa a Pathen leh inchunna shunga khan chu akahring jo chei inkhat a a’ndon sik chei kae.

ROMANHEI 6:13

Khan chu nantaksa bâk inkhat rōk um akaṭhamak ṭōn hmangna sik nantaphe mak sik kae. Khava kanek a, akadik ṭōn tlona sik nantaksa pumpui phesōt una, thina inphut hringna nanhei kaṭhōi Pathen hneng nanbinga inpek inhlut ruh.

ROMANHEI 6:16

Nangni’n tu mo inkhat thōia sōk changna sik nan-inpek inhlut pha aṭong nantajui nakapupa sōkkhet nanchang jo kha nanmanhret a kae, thina heikarôn sōt setna sōk achang inum, khana ṭongjuia Pathen leh akadik a dasapna sik sōk kha achang inum.

ROMANHEI 6:2

Kha changmak! Eini setna kathi jo me, heikhong mo setna shunga alaka-om ṭhak tor sik me?

ROMANHEI 6:22

Tâk-kha tûnchu nangni setna inphut masō kachang jo chei, Pathen sōk akachang jo chei kae. Ṭhatchômna nantahmu khachu hringkhō inkhat ahnenga nanta tōksōtpet kha kae, khana khava tahei rôn sōt khachu kumleikōa hringna kae.

ROMANHEI 6:7

Ajârchu mihei anthi pha, anmani kha set rathahrat a inphut masōsōt jo hei kae.

ROMANHEI 7:6

Tûnchu, hei-achang inum, Dân a inphut kasōk jo me, ajârchu pha khat a eini kurkhum a anileikada hnenga khan chu akathi jo me kae. Tûnchu dân marō inzet dungjuia khan eini’n nirazen changmak jo, tâk Rathla hlamthera nirazen jo kae.

CORINTHIANHEI INKHATNA 15:3

Apui karônpen khachu, ke’n kaleichen kha nangni kapeksôn chei kae; ti chu ṭong inthenga a’nzet dungjuia, eini set jâra Christa kha kathi jo,

CORINTHIANHEI INHNINA 6:17

Khava jâra Rōngpu khan ahri, “Nangni’n anmani nantadahlon nger sik hei kae anmania inphut a’nṭhensōt sik chei kae. A’nthengmak inti leh heite nantatlosap mak sik kae, khana ke’n nangni karahlâng sik chei.

GALATIANHEI 3:13

Tâk-kha Dân tarôn sōt hâksêrna kachen kha Christa kachang joa, eini hâksêrna inphut ning leh hnōma Christa khan amasō jo me; ṭong intheng in hinga, “Tu achang inum thinglera a’nkheihlon kha hâksêr kachen kae,” ati.

EPHESIANHEI 5:9

ajârchu ṭhatna, dikna leh ṭong kadik inti rakip kara katamtak lōkna akanei khachu, vâr hi kae.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

COLOSSIANHEI 2:14

ama’n nibatna madu ka-om mak tintana rabu leh a’nkhit dânhei kha alosōt pek jo me, khana khavahei kha pui katluk a thingrake chunga thirkir vâng akir mankop sō jo kae.

COLOSSIANHEI 2:20

Nangni Christa leh kathisap jo chei, khana vânhnōi ralei vaikarôn rathla a inphut masō jo chei kae. Khan chu heisa mo hiva raleichung ta kapōa alakahring chei? Heisa mo khang khava dânhei kha nantalajui.

COLOSSIANHEI 3:3

Ajârchu nangni kathi jo chei, khana nanhringkhō kha Pathen hneng Christa leh inṭhōia a’nthup jo kae.

HEBREWHEI 10:10

Ajârchu Jesu Christa’n ataksakhet vōi khat rōk a ahei tik sik a inpek sōt a Pathen tamadu kha atlo jo jâra, eini nikhenga setna inphut amantheng jo me kae.

HEBREWHEI 10:5

Khava jâra Christa khan raleichunga ajōng sik ting, ama’n Pathen hneng ati, “Nang in ran vânga inthoi leh tōkna madu mak che, tâk nang in kei sik taksa inkhat namantluk pek eng.

HEBREWHEI 12:13

Khana nanke kangōi kha azeng makna sik leh adamna sik hlam intluna khan seṭhak ruh.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

HEBREWHEI 9:28

Khava kapōa Christa kha’m mi katamtak setna kalosōt sik a vōi khat inthoina le’ntōksōt jo. Ama vōi 2 changna, setna chunga ensuina sik changloa, ama kahngâk ṭhak hei kahuk inhring sik a, alajōng inlâr nôk sik kae.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:7

Kasahei, tûte’n hōnmathlâk mak chei rasoh! Christa kha akadik achang kapōa, tu achang inum ṭōndik katlo kha mikadik kae.

ṬONGPHÔNG 22:2

khōpui shung atlâk a akalōng kha amanhmu eng. Tuidung pang inkhat et a hringna thingkung kahmông, kum khat a ve 12, thla khat a vōi khat sam inra. Khana abō kha jât-hei damna kae.