PETER INKHATNA 2:23 - LEKHARABU INTHENG (BSI)

²³ Mi’n inzakna anpek pha ama’n tûte manzak male mak, inrengna ade pha mi maṭhitna neimak, tâk ṭongtan kadikpa Pathen chunga inhōrṭhak a ka-om.

PETER INKHATNA 2:23 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

HLAHEI 10:14

Tâk-kha bōina leh khōdeng theina kha nang in nachîk a nahmu, khana inthōpuina sik ahei tik a intluk ṭhak che. Inthōpui kasehei khan nahnenga ho’npek inhlut hei; inthōpui inngei hei kha ahei tik a nabôm hei.

HLAHEI 31:5

Nang ta-ensui sik a kabinga nahnenga inpek sōt eng, Rōngpu, nang in nahuk sik eng; nang chu taksenthei Pathen che kae.

HLAHEI 37:5

Nabinga Rōngpu hneng inpek inhlut roh; ama taksen roh, khana ama’n nang a’nthōpui sik che;

HLAHEI 7:11

Pathen chu akadik ṭongkatan kha kae; mikaṭhamak-hei kha ahei tik a themmô apek hei.

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

ISAIAH 53:7

“Ama inhnaktak a anleitlo manrim, tâk insinsaktak a aleide; ama’n ṭong beikhat bek um hrimak. That sik a kemōngte kapōa, asam vo sik kemōng kapōa, ama’n ṭong beikhat bek um hrimak.

LUKE 23:41

Hei-achang inum eini tachen hichu akadik kae, eini’n nitlona rahōi kasōk hrep kha nihmu kae. Tâk-kha ama hichu akaṭhamak heite tlolo kae.”

LUKE 23:46

Khava pha Jesu’n rasa inhnaktak a a-ôna, “Apa, nakut chunga karathla kapek che,” ati. Hi ahria kathi jo.

LUKE 23:9

Khava jâra Herod in Jesu kha ṭong katamtak aleider, tâk Jesu’n heite leimasôn mak.

ṬŌNTLOHEI 17:31

Ajârchu akadeisōt mi inkhatpa jâra vânhnōi pumpui hi akadik a ṭong atanna sik kanikhō kha atep jo. Amapa kha thina inphut akei mathōi jo jâra khan hivahi mi rakip hneng malâr manchênna anei jo!”

ṬŌNTLOHEI 4:29

Tûnhin Rōngpu, keini anmaṭhitna ung hi amanhret pek roh, khana nasōk keini’n naṭong hi kangamtak a kanhri torna sik ahnōm pek roh.

ṬŌNTLOHEI 7:59

Khanga andenglai Stephen khan Rōngpu hneng, “O Rōngpu Jesu, karathla arahlâng pek roh!” tia leika-ông.

ṬŌNTLOHEI 9:1

Khava laitak nôk khan Rōngpu kajuihei kha Saul in that manram sik a rahnak a aleimaṭhit hei. Thempu Kalen hneng kasea

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.

EPHESIANHEI 6:9

Akapuhei, nansōk-hei chunga omchen in-angtlinga om ruh, khana maṭhitna kha hai ruh. Nangni’m, nansōk he’m in-angtlinga ṭongkatan marvâna nankapu inkhat rōk ta chei kae ti hi mandon ruh.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.

TIMOTHY INHNINA 1:12

khava sik jâra ke’n khōdeng kathei kae. Tâk-kha tûn katlung kei inngamna kanei, ajârchu ke’n kataksen ama kha kamanhret, khana ama’n kei amannganna eng Kani kha ajōng tlung mak kârseng ama’n kei ahuk tor eng ti hi kamanhret manchên.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

HEBREWHEI 12:3

Aleithōk hei seng kha mandon ruh; mikasehei khangtuk hrep hōtna aleide kha! Khava jâra nangni nanbinga haina sik nanratha manset mak ruh.

PETER INKHATNA 3:9

Akaṭhamak kha akaṭhamak vâng male mak ruh, a-emak leh hâksêrna anikapek hei kha hâksêrna pek male mak hei ruh; khava kanek a, mahâmṭhat pek jôk hei ruh, ajârchu Pathen in abeklai chei, pek sik cheia ale’ntep kha hiva mahâmṭhatna hi kae.

PETER INKHATNA 4:19

Kha achang inchu, Pathen lungdo dungjuia khōdeng theina kade hei kha’n ankasyempa, an-intepna hui inthlung ṭhakpa kha, anṭōntlo ṭhatna vâng pui katluk a antaksenna kha antamalâr sik kae.

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.