PETER INKHATNA 2:17 - LEKHARABU INTHENG (BSI)

¹⁷ Mi rakip kaja hei ruh, akataksen nanta’nloipui hei lungset ruh, Pathen kaja ruh, Rengkalen Caesar kha’m kaja ruh.

PETER INKHATNA 2:17 ပူးပေါင်းရင်းမြစ်များ

A’NPHUTNA 20:11

Abraham in amasôn, “Hivahin Pathen kaṭit tûte om mak hei ninga kha kanuhmei ompuina sik a kei anithat sik eng tia kaleimandon.

A’NPHUTNA 22:12

Ama’n ati, “Naipangpa kha tônthei mak tin, heite tlothei mak tin. Tûnchu nang in Pathen nakaja, aṭong najui ti kamanhret jo; ajârchu nasapa inkhat rōk nanei kapha’m ahnenga maner mak che.”

A’NPHUTNA 42:18

Ni 3 tluk ning Joseph in an-hnenga, “Kei Pathen kaṭit mi eng kae, ahlam inkhat a nangni hringkhō kaṭhensōt pek sik chei.

THUHMINGHEI INKHATNA 29:20

Khava sōa, David in mipuihei hneng ahri, “Rōngpu nan-Pathen kha manpâk ruh”. Khana mipui seng in anpusōn Rōngpu Pathen kha anmanpâk a, anmani’n anlu anmankuna Rōngpu Pathen leh rengpa kajana anpek hei.

HLAHEI 111:10

Singna sik a hlam khachu Rōngpu kajana pek hi kae; aṭongpek kajui rakip hei chunga ama’n ṭong kadik a atan. Ama hi kumleikōa choi ka-ân sik kha kae!.

SŌKSŌT 20:12

“Ke’n kapek sik chei ram khan hringkhō kaseia nan-om theina sik a nanpa leh nannu kaja hei ruh.

ṬONGCHÎK-HEI 1:7

Themna chenna sik a ahma inkeipena Rōngpu kha nakaja sik kae. Mikamo he’n singna hi heitea sakmak hei, khana themna sik inchu hnōm mak hei.

ṬONGCHÎK-HEI 23:17

Mikaset-hei chunga nathang manset mak roh; Rōngpu kaja sik kha nahringkhō ṭōn manchang roh.

ṬONGCHÎK-HEI 24:21

Kasapa, Rōngpu kha kajana nei roh, khana reng kha rangei manlûrna nei roh. Anmani chunga re katlohei kha leh inmatna heite neimak roh.

MI INTHEIPA 8:2

Rengpa tahri kha tlo roh, khana inrangtak a Pathen hneng intepna neimak roh.

LEVI-DÂN 19:32

“Katerhei sik kajana leh lulenna malâr ruh. Ṭit leh kajana pum a kei ajui ruh; kei Rōngpu eng kha kae.

ZECHARIAH 11:14

Khava sōa 2 tlukna khōnghre kha kasuk thlek, “Pum khat” inti kha, khana Judah leh Israel kâra inmatna hrui kha intan jo.

MATTHEW 22:21

Anmani’n anmasôn, “Rengkalen Caesar ta kae.” Khava pha Jesu’n ahnenga ati, “Caesar ta kha Caesar pek ruh, Pathen ta kha Pathen pek ruh.”

JOHN 13:35

Nangni khat leh khat nan-inlungset a achang inchu, nangni kasonle chei kae tia mi rakip in anmanhret sik chei.”

ROMANHEI 12:10

Christa a inkhat leh inkhat sōpui kapōa marittak a inlungset ruh, khana inkhat leh inkhat injatō chetna sik malung manhlut ruh.

ROMANHEI 13:7

Khava jâra nantabat kha pek hei ruh; nanbing tâ leh nanneinâk ramsêr ṭheina achanga pek hei ruh, khana kajana leh manlûrna ankhenga chunga malâr ruh.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

EPHESIANHEI 5:21

Christa kajana jâra nangni inkhat leh inkhat ṭong injui ruh.

PHILIPPIANHEI 2:3

Nangni’n tabing maduna inphut heite tlomak ruh khan chu heite kanimak maduna inphut inlensak mak ruh, tâk khat leh khat hnenga malung innemtak a om ruh, ahei tik a milak-hei kha nangni kanek a akaṭhadet a lo hei ruh.

TIMOTHY INKHATNA 6:1

Pathen rahming leh niṭong hrile hi tûte’n anhrimaset makna sik, sōk rakip in ankapuhei kha heirakip a kaja sik rahōi kasōk tia mandon hei rasoh.

HEBREWHEI 13:1

Christa a sōpui kapōtak a khat leh khat inlungset ṭhak ruh.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 2:13

Rōngpu jâra ratha kanei mihring rakip thōia om ruh: ratha kanei chunghnung Rengkalen Caesar thōia’m,

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”

SAMUEL INKHATNA 15:30

Saul in amasôn, “Kei kaset jo eng. Tâk-kha kamipui hlamkakeihei leh Israel rakip hei hmaikunga bekchu kajana anei roh. Rōngpu na-Pathen kha kamukna kanei theina sik kei leh inṭhōia inle rih.”