PETER INKHATNA 2:16 - LEKHARABU INTHENG (BSI)

¹⁶ Ning leh hnōma aka-om hei kapōa om ruh; nanning nanhnōma nan-om kha ṭhatmak heikhat makhuna sik manchang mak ruh, tâk Pathen sōk kapōa om ruh.

PETER INKHATNA 2:16 ပူးပေါင်းရင်းမြစ်များ

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

JOHN 15:22

Kei kajōng mak a, anhnenga kaleihri mak achang inchu, anmani’n ansetna jâra masetna antachen mak sik kae; tâk tûnchu anmani ansetnahei kha rangei mandamna sik om mak jo.

ROMANHEI 6:18

Nangni setna inphut masō jo chei kae, khana dikna sōk akachang jo chei kae.

ROMANHEI 6:22

Tâk-kha tûnchu nangni setna inphut masō kachang jo chei, Pathen sōk akachang jo chei kae. Ṭhatchômna nantahmu khachu hringkhō inkhat ahnenga nanta tōksōtpet kha kae, khana khava tahei rôn sōt khachu kumleikōa hringna kae.

CORINTHIANHEI INKHATNA 7:22

Ajârchu Pathen tabek jo sōk khachu Rōngpu sik a chu masō jo kae; kha leh in-angtlinga masōa ka-omsa inkhat Christa tabek jo khachu ama sōk kae jo.

GALATIANHEI 5:1

Christa’n eini ning leh hnōma amasō jo me, khava ning leh hnōm kha nichen jo kae! Khava jâra ning leh hnōmtak a ngir ruh, khana sōk changna sik, nanbinga hnōm nôk mak ruh.

GALATIANHEI 5:13

Kasōpuihei, nangni sik a chu, masōsōt sik a bek chei kae. Tâk-kha hiva masō nanchangna hi nantaksa tamadu leh rangeina khan nangni amatuna sik ahlam kha manchang mak ruh. Khava kanek a inkhat leh inkhat lungsetnating inzentō jôk ruh.

EPHESIANHEI 6:6

Anmani’n anhngâklai rōk cheia, anmani mantlâina sik changloa, Christa sōk kapōa Pathen tamadu hlam a malung kahlut a aṭōn tlo ruh.

COLOSSIANHEI 3:24

Rōngpu khan amihei sik chen amantluk tloman kha nangni apek sik chei, mandonsōt ruh. Ajârchu razenna nantatlo akapu kadiktak kha Christa hi kae.

THESSALONIANHEI INKHATNA 2:5

Keini ṭonghri themna vâng nanhnenga akahong ung changmak, khan chu kan-inphâmna makhuna sik ṭongkahri kha’m changmak ung ti inchêna nanmanhret, khava chunga Pathen kansâkhi kae!

JAMES 1:25

Tâk-kha mihring ning leh hnōma a’nsō puikatluk dân chunga malung akahlut ṭhak hei, môk a anrangei leh antamahngi bât changlo, tâk ṭōn vâng akatlosōt hei kha, anṭōn tlona chunga Pathen in vângṭhat apek sik hei.

JAMES 2:12

Eini ning leh hnōma ani’nsō dân khan anchunga ṭong alatan sik mihei kapōa nanbinga inlo una ṭonghri ruh khana ṭōntlo ruh.

PETER INHNINA 2:19

Anmani khet um insuk inhmangna omchen sōk anchang lai khan, mihei kha ning leh hnōma omna sik intepna anneipek hei, ajârchu mi inkhat hi heikhat tator jo achang inchu khava akatorpa sōk akachang jo kae.

JUDE 1:4

Ajârchu nikâra Pathen inhret mak mi ṭhahrep marûk a hongkahlut jo hei, anmani’n ni-Rōngpu leh mi inthei oja inkhat rōk Jesu Christa kha hnōm mak hei, tâk anhurna omchenhei thuptheina sik a Pathen maritna me ṭong kha aluk-alet a anhmanga kae. Anmani’n antachen sik masetna kha Ṭong intheng in hmalaia inphut aleihrisa jo kae.