PETER INKHATNA 2:15 - LEKHARABU INTHENG (BSI)

¹⁵ Mikamo he’n hei manhret loa anhrina kha, nanṭōn kaṭha tlo vâng nantamandai sik hi Pathen in amadu chei.

PETER INKHATNA 2:15 ပူးပေါင်းရင်းမြစ်များ

JOB LEKHARABU 2:10

Job in amasôn, “Nang in akae makjen nahri! Pathen in akaṭha hei kha apek me pha, inpâk a nirahlâng. Ama’n inrengna ahei tir pha, heisik a mo a’nphin sik me?” Job in inrengna heijalai aleide inum Pathen dōina ṭong heite leihri mak.

JOB LEKHARABU 5:16

Sarahei hneng inhōrna apek hei, mikaṭhamak-hei kha amandai hnger hei.

HLAHEI 107:42

Mikadik he’n khavakha anhmua inpâk hei, tâk mikaṭhamak seng chu amandai hnger hei.

HLAHEI 5:5

Nang in mi inlensak-hei kha en-hnâm tor mak hei che; mikaṭhamak rakip namater hei.

ṬONGCHÎK-HEI 9:6

Heite inhret mak hei leh nan-inthlop kha bâng ruh, khana hringna chen ruh. Themna hlam kha jui ruh,” amanti hei.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

MATTHEW 25:2

Ankâra 5 chu kamohei, khana alak 5 chu kasinghei.

MATTHEW 7:26

“Tu achang inum hiva kaṭonghei akatheia akajuimak mi kha nêrdi chunga inn kasak mikamopa kapō kha kae.

ROMANHEI 1:21

Anmani’n Pathen anmanhret, tâk ama chen, kajana kha pek mak hei, manpâk um manpâk mak hei. Khava kanek a anmalung pui katluk a kamoa, anmandona akarōksai kha inthim in amakhusi jo.

GALATIANHEI 3:1

Nangni Galatia mikamohei! Tu’n mo athlim chei? Thingrake chunga Jesu Christa athije kha nanhmit in inchêntak a nanleihmu jo.

DÂNRABU INHNINA 32:6

Mikamo, mandonna kaneimak mihei, Hinga mo Rōngpu kha nantatlo sik? Ama chu nanpa, nankasyem kae, ama’n nangni jât inkhat a asyem chei kae.

THESSALONIANHEI INKHATNA 4:3

Jông leh kîk a inphut pum inthenga nan-inthengseng sik hi Pathen tamadu kha kae.

THESSALONIANHEI INKHATNA 5:18

Heirakip chunga mi manpâk thei ruh. Christa Jesu leh inchunna shunga nanhringkhōa khanga nantatlo sik kha Pathen tamadu kae.

TIMOTHY INKHATNA 1:13

hmalai ama masetna ṭong kaleihria kaleisuk manrima khana inzak kaleipek jo tâk inum. Kha’num Pathen in kei amarit eng ajârchu ke’n ama leitaksen mak eng, khan chu ke’n heimo kaleitlo manhret mak eng.

TITUS 2:8

Na’ndōipui hei khan nachunga ṭhatmak hri sik manhret loa inzak anchenna sik tûte tahrimaset tor mak sik ṭonghei kha hmang roh.

TITUS 3:3

Ajârchu eini vōi khat akamo, ṭong kajuimak leh akadik mak leikachang me. Ṭhatmakna tinga hōina leh madu rangei sōk leikachang me. Nihringkhō hi ṭhatmak leh mi chunga thangsetna nileihmang, mihe’n anlei enkada me, eini’n nilei-enkada hei.

PETER INKHATNA 2:12

Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.

PETER INKHATNA 3:16

tâk kajatak a leh malung innemtak a tlo ruh. Christa kahnung kajui nanchang jâra nan-omchen kaṭha tlo akahri inset he’n anmanuisō chei pha, anmani’n anṭong hrisōt a khan an-inzakna sik, nangni mandon ṭhen theina kha mantheng seng ruh.

PETER INKHATNA 3:17

Ṭōnse tloa demanrim sik kanek a, Pathen lungdo achang inchu ṭōn kaṭha tlo jâra demanrim sik kha kaṭha jôk.

PETER INKHATNA 4:2

Khava jâra tuna inphut a nanralei hringkhō hi mihring tamadu dungjuia changloa, Pathen lungdo dungjuia akahring nger sik chei kae.

PETER INHNINA 2:12

Hiva mihei hin avângphông mandonna vâng ṭōn antlo, ramsha kapōa sur heia that sik hrep a a’ntet hei kae; antamanhret phâk hêrmak hei kha anmanuisō heia kae. Ramshahei kapōa suk manhmang sik hei kae,

JUDE 1:10

Tâk-kha hiva mihei hinchu antamanhret phâkmak heirakip kha anhrimaset; anmanuisō, khana ranhring kapōa aphônga manhretna antaneitak khan asukset heia kae.