PETER INKHATNA 2:13 - LEKHARABU INTHENG (BSI)

¹³ Rōngpu jâra ratha kanei mihring rakip thōia om ruh: ratha kanei chunghnung Rengkalen Caesar thōia’m,

PETER INKHATNA 2:13 ပူးပေါင်းရင်းမြစ်များ

ṬONGCHÎK-HEI 17:11

Ahei tik a bōina insōṭhak mikaṭhamak-hei hnenga thina khan inrimna ṭong karônpa kapōa kahong sik.

ṬONGCHÎK-HEI 24:21

Kasapa, Rōngpu kha kajana nei roh, khana reng kha rangei manlûrna nei roh. Anmani chunga re katlohei kha leh inmatna heite neimak roh.

JEREMIAH 29:7

Kurkhum a katirna chei khōpuihei lensōtna sik a ṭōn tlo ruh. Anmani sik a kahnenga derna nei ruh, ajârchu anmani ankhangsōt inchu, nangni’m kakhangsōt sik chei.

MATTHEW 22:21

Anmani’n anmasôn, “Rengkalen Caesar ta kae.” Khava pha Jesu’n ahnenga ati, “Caesar ta kha Caesar pek ruh, Pathen ta kha Pathen pek ruh.”

MARK 12:17

Jesu’n anhnenga, “Caesar ta kha Caesar pek ruh, khana Pathen ta kha Pathen pek ruh,” ati. Khana anmani’n Jesu chunga andet-hla hêr joa kae.

LUKE 20:25

Ama’n anhnenga, “Chu achang inchu Caesar tâ kha Caesar hneng pek ruh, khana Pathen tâ kha Pathen hneng pek ruh,” ati hei.

EPHESIANHEI 5:21

Christa kajana jâra nangni inkhat leh inkhat ṭong injui ruh.

TITUS 3:1

Vaikarônhei leh ratha kaneihei ṭong juina sik, ahlam rakip a akaṭha tlona intlukna sik namihei kha manthei hei roh.

PETER INKHATNA 2:17

Mi rakip kaja hei ruh, akataksen nanta’nloipui hei lungset ruh, Pathen kaja ruh, Rengkalen Caesar kha’m kaja ruh.

PETER INHNINA 2:10

kakhôk chet a khava akabōk antaksa maduna kajuihei leh Pathen ratha neina kahnōise hei chunga. Oja kadikmak hei kha inlensak hei khana anracham kase, khana chungtinga akalûr hei kha kajana heite pek mak hei; khava kanek a, inzakna anpek jôk heia kae.