PETER INKHATNA 2:12 - LEKHARABU INTHENG (BSI)

¹² Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.

PETER INKHATNA 2:12 ပူးပေါင်းရင်းမြစ်များ

HLAHEI 37:14

Mikaṭhamak he’n sarahei leh khōdeng katheihei, khana akadik katlohei thatna sik a anchemjâm anradok a ansai ankeia kae.

HLAHEI 50:23

Kei ani inja he’n manpâkna antapek eng kha, inthoina kha kae; khana kaṭong kajui rakip kha kahuk nger sik hei.”

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

DANIEL 6:4

Khana alak mi ka-ensui leh vaikarônhei khan Daniel in ram shunga a’nhling a’nkaina chunga aṭhena anlei jongvet a kae, kha’num hmutor mak hei, ajârchu Daniel kha taksen theitak kae khana akadik mak leh malung intheng mak inkhatbek leitlo mak.

MATTHEW 10:25

Achang jâra them inchu inkhat in a-oja kapō ahongchang sik khana sōk inkhat in akapu kapō ahongchang sik kha atlaipui sik kae. Inn kapu kha Beelzebul anphō’nchu, a-innshung mihei hrep khachu heituk a rahming kasetak vâng antabek sik hei mo!

MATTHEW 5:11

“Kei nanjui eng jâra mi’n inzakna anpek cheia antlo manrim cheia khana nanchunga akaṭhamak maleisei hingja anhri pha a nanmahâm kaṭha;

MATTHEW 5:16

Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

MATTHEW 9:8

Mipuihei khan kha anhmu pha kaṭi jo hei, khana mihei hnenga hiva kapō torna ratha kha apek jâra Pathen kha anmanpâk jo.

LUKE 1:68

“Eini’n Israel Pathen Rōngpu kha choi ka-ân rih! Ama amihei inthōpui sik a kajōnga khana amasō jo hei.

LUKE 19:44

Anmani’n nang leh nakur bang shunga ka-om mi seng ansuksetpet sik; hlung inkhatbek um a-omna hmun a khan indahlon mak ning, ajârchu nakahuk inhring Pathen ajōngna sik pha leimanhret mak jo che.”

LUKE 6:22

“Mihring sapa sik jâra, nangni mi’n anhōt cheia, anhnōm mak cheia, inzak anpek chei pha, khana mikaṭhamak anti chei pha, nanmahâm kaṭha!

JOHN 13:31

Judas in adahlonsō hei kahnunga, Jesu’n, “Tûnchu Mihring Sapa lûrna kha hong-inphông jo; tûn ama inphut Pathen lûrna kha hong-inphông jo.

ṬŌNTLOHEI 15:14

Ama ta kachang sik mihei kha ankâra inphut alosōt heia, heituk-hrep mo Pathen in Jât-hlop hei kha amankhôk sak hei ti kha tuna khan Simon in ahri manchên jo.

ṬŌNTLOHEI 24:13

Khana tûntûna anmaherna eng ajâr inchênkhet nahmai kunga malâr sik heite neimak hei.

ṬŌNTLOHEI 25:7

Paul kha aheitlung pha Jerusalema inphut a akava Jehudihei kha akimvea kangir heia, manchênna antamalâr tor mak ṭong kakhôk hingja vâng maherna anleiphut jo.

ṬŌNTLOHEI 28:22

Tâk-kha namalung mandon kha kanthei hnōm ajârchu hmun rakip a mihe’n hiva nang loiruphei chunga hin dōina ṭong anhria kae.”

ROMANHEI 12:17

Mi inkhat in nanchunga ṭōnse atlo’nchu, ama kha ṭōnse vâng male mak ruh. Mi rakip in kaṭha tia antamandon ṭōna khan inṭang ruh.

ROMANHEI 13:13

Khōvâr mihei kapōa eini’n omchen kaṭha tlo rih; hur inthok, ju inrui, omchen kaṭhamak, omngai kachangmak, innâk-inse, thangset, tlomak jo rih.

ROMANHEI 14:18

Khana mihe’n Christa kha hinga anrazen pha Pathen kha anmantlai khana milak he’n anhnōm heia kae.

ROMANHEI 15:9

khan chu Pathen lungset maritna jâra Jât-hlop he’num Pathen kha anmanpâk theina sik a kae. Ajârchu ṭong intheng in ahri: “Khava jâra Jât-hlop hei kâra kamanpâk sik che; Nang choi ka-ânna hla kasak sik.”

CORINTHIANHEI INKHATNA 14:25

ale’nthup mandonna rakip aphôngsōt pek sik jo hei, khana anmani inkun heia Pathen ankamuk sik jo, “Kadiktak a nankâra hin Pathen ka-om,” tia anbeia anphông sik jo.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

CORINTHIANHEI INHNINA 13:7

Keini’n kanṭōn pui kanmathluk ti malârna changloa, nangni’n akadik kha nantlo theina sik, keini akatlasam kapō kanchang jo’num, nangni’n akadik mak nantlo makna sik Pathen hneng kantader pek chei kae.

CORINTHIANHEI INHNINA 8:21

Keini mantlukna hi Pathen hnenga rōk changloa, mihring hmit-hmua’m akadik tlo sik hi kantamadu kae.

EPHESIANHEI 2:3

Kadik khet a eini nikhenga vânhnōi mihei kapōa nimalung leh nitaksa tamaduhrep kha nitloa kahring me. Ni-om ngaia chu, mi rakip in-ang me, eini Pathen hnuknat akade sik kha leikachang me.

EPHESIANHEI 4:22

Khava jâra nan-om ngaia ani inhring nunchen marō kha dahlon jo ruh, ama mihōnna, madu rangei na’n asuk manhmang jo nunchen marō kha.

PHILIPPIANHEI 1:27

Tûn, apui karônpen khachu, kei nanka-en kahong tor inum, kahong tor mak inum, mandonna inkhat rōk leh maduna inkhat rōk a ṭong kaṭha taksen jâra inpunkhôma, nanre thōkna ṭongjai kha katheina sik khan chu nanhringkhō kha ṭong kaṭha tamadu dungjuia nanchôn sik kha kae.

PHILIPPIANHEI 4:8

Achaina, kasōpuihei, manpâk thei kachang ṭōn kaṭha hei: akadik seng, malung kalen, omchen kadik, malung intheng, madu ka-om khana kajathei kachang hei seng hi nanmalunga kasip a om rasoh.

THESSALONIANHEI INKHATNA 4:12

Khang’khan akataksenmak hei kajana kha nanchen sik, khana nanmaduna chunga tûte hnenga a’nngaimak sik chei kae.

TIMOTHY INKHATNA 2:2

eini kahōia malung kamōnga Pathen ṭit leh kajana neia omchen kadik a ni-omtheina sik, renghei sik a leh ratha kanei rakip sik a derna neiṭhak ruh.

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

TIMOTHY INKHATNA 5:10

omchen kaṭha achen sik kae: asahei kaṭha kavei, a-inna khōhme inthlung, Christian sōpuihei malung innemtak a sepa katlo, malung inrim hei inthōpui khana ṭōn kaṭha rakip tlona sik malung kapek sōt mi akachang sik kae.

HEBREWHEI 13:18

Keini sik aderpek ṭhak ruh. Keini’n a’nthengseng mandon ṭhen theina kha kannei ti kanmanhret, ajârchu pha rakip a keini’n ṭōn kadik kantlohnōm ṭhak a kae.

HEBREWHEI 13:5

Sêr madu hringkhō kha masō ruh, nannei khakham kha tlaipui ruh. Ajârchu Pathen in ati jo, “Ke’n nangni dahlon mak chei ning, masō’m masō mak chei ning.”

JAMES 3:13

Nankâra mikasing, manhretna kanei ka-om mo? Anmani’n singna leh malung innem vâng ṭōn kaṭha tloa, hringkhō kaṭha vâng khan antamalâr sik kae.

PETER INKHATNA 2:15

Mikamo he’n hei manhret loa anhrina kha, nanṭōn kaṭha tlo vâng nantamandai sik hi Pathen in amadu chei.

PETER INKHATNA 3:16

tâk kajatak a leh malung innemtak a tlo ruh. Christa kahnung kajui nanchang jâra nan-omchen kaṭha tlo akahri inset he’n anmanuisō chei pha, anmani’n anṭong hrisōt a khan an-inzakna sik, nangni mandon ṭhen theina kha mantheng seng ruh.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

PETER INHNINA 3:11

Hing’hin neinâk seng hi a’nhmangsō sik jo jâra, heikhong khova mi mo aleikachang sik jo chei? Nanhringkhō nanta mantheng sik khana Pathen hneng nantapek sōt sik kae,

RUTH 3:14

Khang’khan amanu kha akethlōna karek jo, tâk amanu hme hmutheina sik kani kha ahong vâr mak hma katho jo, ajârchu khana khan a-om kha mi inkhat in antamanhret sik a Boaz in madu mak a kae.