PETER INKHATNA 1:6 - LEKHARABU INTHENG (BSI)

⁶ Tûnhin pha bongkhat enmansinna katamtak nande manrim jâra nanchunga inrengna kha alaka-om nger sik achang inum, khava sik a khan inpâk ruh.

PETER INKHATNA 1:6 ပူးပေါင်းရင်းမြစ်များ

HLAHEI 119:28

Kei malung inreng in ahlō jo eng; naṭong tepna kapōa amanhrat nôk roh.

HLAHEI 119:75

Naṭongtan hei kha kadik ti kamanhret, Rōngpu, khana nang kha taksenthei nachang jâra karâkna kha napek eng.

HLAHEI 34:19

Mikaṭha he’n khōdeng theina katamtak anratō, tâk khōdeng theina rakip a inphut Rōngpu’n ahuk hei.

HLAHEI 35:10

Kamalung pumpuia Rōngpu hneng kahri sik, “Nang kapō tûte inkhatbek om mak. Ratha kahrat heia inphut akatlasam hei, mikasuk inrim heia inphut sara khōdeng katheihei kha nahrung hei.”

HLAHEI 69:20

Inzakna antapek eng hin kamalung asukkhōi; khana inhōrna kasea ka-om eng. Lungsetna kachen sik a le’nhōr eng, tâk heite leiom mak; lum lona kachen sik a le’nhōr eng, tâk heite leihmu mak eng.

HLAHEI 9:14

Jerusalem mihei hmaikunga kangir theina sik, khana kachoi ka-ânna che ajâr rakip kahri pek theina sik hei. Nahuksōt eng jâra inpâk sik eng.

HLAHEI 95:1

Hong ruh, Rōngpu kha choi ka-ân rih! Ani kahrungpa, Pathen manpâkna hla sak rih!

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

MATTHEW 11:28

“Phur kahrik karôna akachâm hei, nankhenga kahnenga hong ruh, ke’n châm manhngat chei rong.

MATTHEW 26:37

Peter leh Zebedi sa 2 hei aleiṭhōi hei. Malung inrimna leh lungdongna’n amakhusi jo,

MATTHEW 5:12

Inpâk ruh khana tlai ruh, ajârchu marvân chunga inpâkman kalen kha dapek jo chei kae. Nanhma aleika-om sânkathemhei kha’m hinga anta leisuk manrim hei kae.

LUKE 1:47

kakahuk inhring Pathen jâra karathla inpâk,

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

LUKE 2:10

tâk ngeva khan anhnenga ati, “Ṭimak ruh! Mi rakip sik a inpâkna kalentak ṭong kaṭha kha kajōng rôn pek chei.

JOHN 16:22

Khang’khan nangni’m kati sik cheia kae: tûn nangni inrim chei, tâk ke’n nangni ka’nhmupui nôk sik chei, khana nanmalung shunga inpâkna kasip sik, nangnia inphut tûte’n antalosōt tor mak sik jo inpâkna kae.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ROMANHEI 12:12

Nan-inhōrna khan nanmalung mantlai rasoh, khōdeng theina kha dehrat ruh, pha rakip a derṭhak ruh.

ROMANHEI 5:11

Tâk-kha khaseng rōk kha changmak; tûn eini Pathen ṭhōna ani kasyem ni-Rōngpu Jesu Christa a Pathen ṭōntlo jâra khan eini inpâk a katlai jo me.

ROMANHEI 5:2

Pathen maritna manhret pum a tuna ni-omna shunga hin ama’n taksen jâra aṭhōi manhlut me kae. Khava jâra Pathen lûrna nichen sik tia inhōrna nineia a’n-or me kae!

ROMANHEI 9:2

Ti chu ke’n heituk a’nreng eng mo khana heituk bânglo jena kamalung akana jo mo,

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

CORINTHIANHEI INHNINA 6:10

kanmalung inrim ravâng, ahei tik a keini inpâk ung; sara kachang kanpō, tâk mi katamtak kanmanhao hei; heite kaneimak kanpō, kha’num kadiktak a chu heirakip kannei.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

PHILIPPIANHEI 2:26

Ama adammak ṭong nanthei jâra amalung inrim khana nangni nankhenga inhmupui sik a arangei hêr chei.

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

PHILIPPIANHEI 4:4

Rōngpu leh nan-inchunna shunga khan ahei tik a a’npâkṭhak chei chang rasoh. Avea kahri nôk, inpâk ruh.

THESSALONIANHEI INKHATNA 1:6

Nangni’n keini leh Rōngpu omchen kha nantamanchu kae; nangni’n khōdeng theina katamtak nande ravâng, Rathla Inthenga inphut inpâkna ṭong akajōng kha nanchen joa kae.

JAMES 1:2

Kasōpuihei, mathlemna rakip nanchunga ahong tlung pha leh kanmahâm kaṭha tia mandon ruh,

JAMES 1:9

Christian sara kachang hei kha Pathen in akadom manshâng hei pha ala’npâk nger sik hei kae,

JAMES 4:9

Inrim una peng ruh, ṭap ruh, nanmanuina kha ṭapna vâng, nan-inpâkna kha malung natna vâng manthleng ruh!

PETER INKHATNA 3:17

Ṭōnse tloa demanrim sik kanek a, Pathen lungdo achang inchu ṭōn kaṭha tlo jâra demanrim sik kha kaṭha jôk.

PETER INKHATNA 4:7

Heirakip a’nchaina sik pha kahnai jo. Nangni’m nander torna sik nanbinga insurthei una insing thei ruh.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

SAMUEL INKHATNA 2:1

Hannah’n ader: “Rōngpu’n kamalung hi inpâkna amansip; Ama ṭōntlo pekna eng jâra heituk a a’npâk jo eng mo! Kaka-en kadahei kamanuisō hei; Pathen in a’nthōpui eng jâra heituk a akahōi jo eng mo!