PETER INKHATNA 1:3 - LEKHARABU INTHENG (BSI)

³ Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,

PETER INKHATNA 1:3 ပူးပေါင်းရင်းမြစ်များ

RENGHEI INKHATNA 8:15

Ama’n ati, “Israelhei Rōngpu Pathen choi ka-ân ruh! Kapa David hnenga ale’ntepna kha anit a, hinga aleiti,

THUHMINGHEI INKHATNA 29:20

Khava sōa, David in mipuihei hneng ahri, “Rōngpu nan-Pathen kha manpâk ruh”. Khana mipui seng in anpusōn Rōngpu Pathen kha anmanpâk a, anmani’n anlu anmankuna Rōngpu Pathen leh rengpa kajana anpek hei.

THUHMINGHEI INHNINA 31:8

Reng Hezekiah leh aṭōn karônhei khan khangtuk katam pekna kha anhmu pha, anmani’n Rōngpu leh ami Israelhei chunga amanpâk heia kae.

HLAHEI 41:13

Israelhei Pathen, Rōngpu kha, manpâk ruh! Tûnum ahei tik a’m ama manpâk ruh! Amen! Amen!

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

SŌKSŌT 34:6

Rōngpu kha ahmai kunga kasesōt a ahei hrisōt, “Rōngpu kei hi lungset leh maritna kasip, hnuk kanaloi mak khana lungset kalen leh taksenthei kachang eng kha kae.

ISAIAH 26:19

Kanmi aleikathi jo hei kha hongkahring nôk sik hei! Antaksa hei hongkahring nôk sik. Anthlâna aleikaje hei seng kathōisōt sik hei khana inpâk hla anhongsak sik. Radaitui akadi rik-rak in ralei amahlimseng kapōa, Rōngpu’n kasôttak a aleikathi jo hei kha amanhring ther nôk sik hei.

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

JOHN 1:13

Anmani khachu ngai dungjuia mihring pa inkhat in amatet heia Pathen sa ahong kachang emak hei; Pathen khet kha anpa leikae.

ROMANHEI 12:12

Nan-inhōrna khan nanmalung mantlai rasoh, khōdeng theina kha dehrat ruh, pha rakip a derṭhak ruh.

ROMANHEI 15:13

Rathla Intheng hratna vâng nan-inhōrna kha akhangchet thei ṭhakna sik, ama nantaksenna vâng mōngna leh inpâkna rakip kha inhōrna kung kachang Pathen in mansip chei rasoh.

ROMANHEI 4:25

Eini setna jâra ama akathi sik a pek sōt jo kae, khan chu eini Pathen leh akadiksap nichang theina sik, ama akahring sik a keimathōi jo kae.

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

ROMANHEI 8:11

Thina inphut Jesu akakei inthoi Pathen rathla kha nanshunga a-om inchu, Christa kha thia inphut akakei inthōipa Rathla nanshunga aka-om khan nantaksa akathihei kha hringna ahongpek nôk sik hei.

ROMANHEI 8:24

Ajârchu inhōrna vâng eini hukmanhring akachang me kae; tâk eini’n ni’nhōrna kha nileihmusa jo achang inchu, khavakha inhōrna kadik changmak. Ajârchu heikhat hmusa jo chunga tu mo a’nhōr phung aka-om?

CORINTHIANHEI INKHATNA 13:13

Hing’hin hiva 3 hei hi ka-om ṭhak hei: taksen, inhōr, lungset; khana akalenpen khachu lungset hi kae.

CORINTHIANHEI INKHATNA 15:20

Tâk-kha akadiktak khachu Christa kha thina inphut kathōi jo, hivahi akathia akaje hei kha’m kathōisōt sik heitina manchênna kha kae.

CORINTHIANHEI INHNINA 1:3

Ni-Rōngpu Jesu Christa Pa leh Pathen kha eini’n manpâk rih, ama lungset maritna kasip, inthōpuina rakip jōng sōkna Pathen kha kae!

GALATIANHEI 6:16

Ajârchu hiva chôndân kajuia anhringkhō kahmang hei kha, Pathen mihei seng kha leh inṭhōia, lung mōngna leh maritna’n ompui hei rasoh!

EPHESIANHEI 1:17

ke’n ni-Rōngpu Jesu Christa Pathen, akalûrpen Pa hnenga, Rathla kha apekna sik chei, ama nanmanhretna sik a, nangni singna apekna sik chei kader. Khana Pathen in amalârpek sik chei.

EPHESIANHEI 1:3

Ni-Rōngpu Jesu Christa Pa leh Pathen kha eini’n manpâk rih! Ajârchu Christa leh ni’nchunna shunga hin, Pathen in marvân ram a rathla vângṭhat rakip kha apek mea mahâm kaṭha amanchang me.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 2:4

Tâk-kha Pathen maritna me leh alungsetna me hingtuk hrep kalen,

EPHESIANHEI 3:20

Nishunga ṭōnkatlo ṭhakpa ratha hratna vânga khan, niderna heirakip kakhe chet a leh nimandona kakhe chet a akatlosōt tor ama hnenga khan:

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.

COLOSSIANHEI 1:27

Mi rakip sik a akanei akahao leh akalûr ṭong in-ip hi, amihei tamanhret sik a Pathen ṭōnmantluk kae. Khava ṭong in-ip khachu Christa kha nanshunga ka-om ti kha kae, hivahi Pathen lûrna nanchen sappui sik tina kae.

THESSALONIANHEI INKHATNA 1:3

Rōngpu Jesu Christa a nan-inhōrna khan heituk-hrep ṭōn inhnak amantlo chei, khan chu nantaksenna kha heituk-hrep a ṭōn tlona nantahmang ti kha ni-Pathen leh ni-Pa ângshunga kanmandonsōt a kae.

THESSALONIANHEI INKHATNA 4:13

Sōpuihei, inhōrna kaneimak hei kapōa, nanmalung a’nrim makna sik, akathihei chungchânga akadik kha nantamanhret sik kamadu.

THESSALONIANHEI INHNINA 2:16

Ani’nlungset leh amaritna vâng akatlasam mak ratha hrokna leh inhōrna kahnet anikapek ni-Pa Pathen leh ni-Rōngpu Jesu Christa khet khan,

TIMOTHY INKHATNA 1:14

Khana ni-Rōngpu khan akatluk set alungsetna kha kachunga ajōng bun khum jo eng khana Rōngpu Jesu Christa leh ni’nchunna shunga nita kachang jo lungsetna leh taksenna kha kei apek jo eng.

TITUS 2:13

khanga nikahuk inhringpa Jesu Christa leh akalen Pathen lûrna kha ajō’nlârna pha, vângṭhatna kania ni’nhōrna kha nihngâk a nileiom shung seng sik amanse me kae.

HEBREWHEI 3:6

Tâk-kha Christa kha Pathen innshung karôn sik a taksen ka-om tak Sapa inkhat kae. Eini’n niratha hrokna leh ni’nngamna kha atorna katlung nimatu manhnet tlit inchu, eini a-innshung me kha kae.

JAMES 1:18

Akutsyem rakip kâra eini’n hma inkeipen kha nichang theina sik, ṭongdik vâng khan alungdotak a ajōngṭhōi jo me.

PETER INKHATNA 1:13

Khava jâra ṭōn katlo sik a nanmalunga intluk ruh. Insing thei ruh khana Jesu Christa ajo’nlâr pha pek sik chei mahâmṭhatna chunga inhōrna pui katluk a nei ruh.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

PETER INKHATNA 1:23

Ajârchu akathithei kachangmak, akathi hêrmak Pa inkhat sahei kapōa, kumleikōa Pathen ṭong kahring ṭhak vâng a’ntether jo chei kae.

PETER INKHATNA 2:2

Ahei tik a arathla netui intheng ka-in hnōma tui kahre ṭhak, khavakha nan-inle nankhangna sik khana hukmanhring nanchenna sik, naipang a’ntether kha pō ruh.

PETER INKHATNA 3:15

Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,

PETER INKHATNA 3:21

Hiva tui hi atûna nangnihei kahuk inhring tuihlut tlona akhing mêrchîkna inkhat kae, taksa innim rasi manthengna changmak, tâk mandon ṭhen theina vâng Pathen hneng intepna kha kae. Hivahin Jesu Christa hringsōtna jâra ahuk manhring jo chei.

PETER INKHATNA 3:5

Ajârchu hmalaia Pathen tinga malung kahlut, Pathena inhōrna kanei nuhmeihei kha khanga anpuisehei thōia ka-om heia anhme ṭhatna anleisyem.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:3

Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.

JOHN INKHATNA 3:9

Pathen sa kachang jo mi inkhatbek in setna tlomanjôn nôk mak jo ning, ajârchu Pathen chônngai kha anshunga ka-om jo; khana Pathen kha an-Pa achang jo jâra, anmani set tlomanjôn theimak jo hei.

JOHN INKHATNA 4:7

Kaṭhōn marit hei, eini khat leh khat inlungset rih; ajârchu lungset hi Pathena inphut kae. Tu achang inum lungsetna kanei mi kha Pathen sa leh Pathen inhret kha kae.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.

JOHN INKHATNA 5:18

Pathen sa inkhatbek in setna tlomanjôn mak jo ti eini’n nimanhret, ajârchu Pathen Sapa khan akahuk hei khana akaṭhamak inkhat khan suk manset tor mak hei.

JOHN INKHATNA 5:4

ajârchu Pathen sa rakip in vânhnōi hi antatorthei jo kae. Khana eini’n taksen vâng vânhnōi hi nitor jo kae.