PETER INKHATNA 1:22 - LEKHARABU INTHENG (BSI)

²² Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 1:22 ပူးပေါင်းရင်းမြစ်များ

JOHN 15:17

Khava jâra hivahi kaṭong pek chei kae: khat leh khat inlungset ruh.

JOHN 15:3

Nangni chu ke’n mantheina kaleinei jo chei khana amanthengsa jo chei kae.

JOHN 17:17

Akadik vâng khan anmani hei hi nahnenga tōksōt hei roh; nang ṭong chu akadik kae.

JOHN 17:19

Anmani’m kadiktak a nang hneng an-intōksōt theina sik anmani sik kei kabinga nahnenga a’ntōksōt eng kae.

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

ṬŌNTLOHEI 6:7

Khang’khan Pathen ṭong kha abân bâna inzer chet-chet jo. Jerusalema’m sonle kha kapungsa chet-chet jo hei, khana thempu katamtak inum khava taksenna kha anleirahlâng jo.

ROMANHEI 1:5

Jât rakip he’n antaksenna sik leh anjuina sik a hlamkei theina, Christa sik a sonle inkhat changna intōk-hrepna kha Pathen in ama a inphut kei apek jo eng.

ROMANHEI 2:8

Alak he’nchu bingta rōk anmandon khana akadik mak kha juitheina sik akadik kha anhlonsōt, anchunga Pathen hnuk natna leh inhângna kha ajōng mathlâk sik.

ROMANHEI 8:13

Ajârchu nangni mihring ngai tamadu dungjuia nanhring inchu, kathi sik chei; tâk Rathla khan nanset ṭōntlohei kha nanmanhai inchu, kahring sik chei.

CORINTHIANHEI INHNINA 6:6

Pathen sōk kanchang hi kan-inthengna, kanmanhretna, kandehratna leh lungsetna vâng kanmalâr, khan chu Rathla Intheng vâng, lungsetna kadiktak vâng,

GALATIANHEI 3:1

Nangni Galatia mikamohei! Tu’n mo athlim chei? Thingrake chunga Jesu Christa athije kha nanhmit in inchêntak a nanleihmu jo.

GALATIANHEI 5:5

Keini sik a chu, Pathen in ama leh kadiksap a ada sik ung ti hi kan-inhōrna kae; Khana hivahi taksena inphut ṭōn katlosōt Pathen Rathla ratha hratna vânga khan kantahngâk kae.

GALATIANHEI 5:7

Nangni kaṭha nenga ka-om chei! Akadik kajui sik a tu mo nankakhâm? Heikhong mo amathlem chei?

EPHESIANHEI 4:3

Nangni akakhit inchun lung mōngna vâng Pathen tapek chei pumkhat kha kaṭhadek a inda kaṭha ruh.

PHILIPPIANHEI 1:9

Nanlung setna kha manhretna kadiktak leh pui katluktak a in-ensuina leh inṭhōia ahong khang chetna sik a ke’n derna kanei,

THESSALONIANHEI INKHATNA 3:12

Nangni inkhat leh inkhat chunga leh mi rakip chunga keini’n kanlungsetna chei alen kapōa manlen pek chei rasoh.

THESSALONIANHEI INHNINA 1:3

Sōpuihei, nangni jâra keini’n Pathen kantamanpâk ṭhak sik kae. Ajârchu nangni inkhat et in milak sik a lungsetna nantanei kha kalen chet-chet a, khana nantaksenna kha hingtuk hrep akhangtou jâra Pathen kantamanpâk sik hi akadik kae.

THESSALONIANHEI INHNINA 2:13

Rōngpu talungset sōpuihei, nangni jâra keini’n ahei tik a, Pathen kantamanpâk ṭhak sik kasōk. Ajârchu nangni’n akadik kha nantaksen jâra Rathla rathahrat vâng Pathen in ama mi intheng amanchangna sik chei hma inkeia hukmanhring sik a akadei jo chei kae.

TIMOTHY INKHATNA 1:3

Macedonia kajōna kaseting kaleimathok che kapōa khan, Ephesus a nang na-om sik kamadu. Sova hmun a mi ṭhahrep in akadik mak chôndân antamanthei heiso, anbângna sik ṭong napek nger sik hei kae.

TIMOTHY INKHATNA 1:5

Hiva ṭongpekna jârpen khachu, taksenna kadiktak leh mandon ṭhen theina, khana malung inthengtak a inphut lungsetna kha ahong sōk theina sik a kae.

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

TIMOTHY INKHATNA 5:2

nupui katerhei kha nanu kapōa, nuhmei naipanghei kha naser kapōa, malung inthengtak a thlop hei roh.

TIMOTHY INHNINA 1:14

Eini shunga ka-om Rathla Intheng ratha hratna vâng khan akaṭha neinâk ngansena che kha kaṭha inda roh.

HEBREWHEI 11:8

Taksen jâra Pathen in pek sik a ale’ntep ram kajōna sena sik Abraham kha abek pha aṭong aleijuia kae. Khonting mo ajōn sik manhret lo jen a aram kha aleidahlon.

HEBREWHEI 13:1

Christa a sōpui kapōtak a khat leh khat inlungset ṭhak ruh.

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

JAMES 1:21

Khava jâra a’nthengmak leh akadik mak omchen rakip a inphut tlânsōt ruh. Pathen hneng hlut ruh, khana nankahuk inhringtor sik ṭong nanmalung shunga aling jo kha rahlâng ruh.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

PETER INKHATNA 2:17

Mi rakip kaja hei ruh, akataksen nanta’nloipui hei lungset ruh, Pathen kaja ruh, Rengkalen Caesar kha’m kaja ruh.

PETER INKHATNA 3:1

Khava kapōa nuhmeihei nanpuise hei ṭong thōia om ruh, ajârchu ankâra ṭhahrep in Pathen ṭong antaksen mak inchu, nan-omchen kaṭha vâng anmani’n anta hongtaksen hnōm sik kae. Nangni’n ṭong beikhat nanta hripek sik hei rangei mak,

PETER INKHATNA 3:20

Khava rathlahei kha, Noah rakōng suilaia Pathen in thōk-hlatak a ahngâk hei khana Pathen ṭong inngeimak rathlahei kha kae. Rakōnga mi akatlômtek, ankhenga mi 8 rōk tuia inphut ahuksōt heia kae,

PETER INKHATNA 3:8

A’nchaina: nangni nankhenga malung pumkhat a mandonna inkhat rōk nantanei sik kae; sōpui kapōa inkhat leh inkhat inlungset ruh, inkhat leh inkhat insinsak leh lum inlona nei ruh.

PETER INKHATNA 4:17

Ṭongtan inphutna sik pha kha kahong jo, hma inkeipena Pathen khet mihei chunga ṭong antan sik kae. Eini chunga ṭongtan a’nphut achang inchu, Pathena inphut Ṭong kaṭha akataksenmak hei inchaina kha heimo akachang sik?

PETER INKHATNA 4:8

Heirakip chunga nangni khat leh khat lungri tak a inlungset ruh, ajârchu lungset in setna katamtak akahuksia kae.

PETER INHNINA 1:7

bek-ôina chunga Christian rangeina; rangeina chunga inlungsetna besa ruh.

JOHN INKHATNA 3:11

A’nphutbia inphut nantaleithei ṭong manrôn kha hi kae: eini khat leh khat a’nlungset sik me kae.

JOHN INKHATNA 3:23

Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

JOHN INKHATNA 4:12

Tûte’n Pathen kha lahmu phung hêrmak, tâk eini khat leh khat ni’nlungset inchu Pathen kha eini inchunna shunga ka-om, khana nishunga alungsetna kha pui amathluk a kae.

JOHN INKHATNA 4:20

Eini’n Pathen nilungset nitia, nisōpuihei ni-en kada he’nchu, malei kasei me kae. Ajârchu mihe’n anhmit a antahmu ansōpuihei hmen anlungset tor mak inchu, anhmit a antahmu mak Pathen kha lungset tor mak hei ning.

JOHN INKHATNA 4:7

Kaṭhōn marit hei, eini khat leh khat inlungset rih; ajârchu lungset hi Pathena inphut kae. Tu achang inum lungsetna kanei mi kha Pathen sa leh Pathen inhret kha kae.

ṬONGPHÔNG 2:4

Tâk-kha nachunga kahnōm makna hi ka-om: nang in hma inkeia nalungset eng kapōa tûnchu alungset mak jo che.