PETER INKHATNA 1:20 - LEKHARABU INTHENG (BSI)

²⁰ Vânhnōi insyem mak hma inphut Pathen in ama alei kadeisōt jo, khana kani hnung intonga hin nangni sik a amalârsōt jo kae.

PETER INKHATNA 1:20 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

ṬONGCHÎK-HEI 8:23

Heirakip insyem mak hma, ahma inkeipena kei aleisyem eng, kei raleichung ansyem mak hma kei aleisyem jo eng.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

ṬŌNTLOHEI 2:23

Aṭōn mantluk dungjuia Pathen in Jesu kha nankut chunga pek sōt sik a ṭong mathlâkna aleinei; khana makhei hlon sik a set kaneihei kut a nanphesōt a nanleithat jo.

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

ROMANHEI 8:29

Sapa kha sōpui katamtak kâra upapen achangna sik, Pathen talei kadeisōtsa hei kha Sapa kapōa anhong changna sik, ahlop a aṭhensōt heia kae.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.

EPHESIANHEI 1:10

Apha atluk pha, Pathen ṭōnmantluk achaina sik khachu, marvân leh raleia kutsyem rakip akhôm mantûp sōa Christa khan anlu akachang sik kha kae.

EPHESIANHEI 1:4

Eini ahmai kunga ṭhenakase a’ntheng nichangna sik, vânhnōi ralei ansyem mak hma inphut Pathen in atâ kachang sik a, Christa leh inchunna shunga aleikadei jo me kae. Ama lungset jâra

EPHESIANHEI 3:11

Pathen in alungdo dungjuia kumsôt a sik a aleimantluk ṭōn kha ni-Rōngpu Jesu Christa jâra atlo jo.

EPHESIANHEI 3:9

khana Pathen ṭōnmantluk in-ip kha heikhong mo ṭōn vânga ahon’rôn sōt sik ti kha mi rakip manhmu theina sik, ṭōn hi Pathen in kei apek jo eng. Heirakip Kasyempa Pathen in, ama ṭōn in-ip hei hi kum kasôttak aleithup heia kae,

COLOSSIANHEI 1:26

khavakha kumsôt a mi rakip hnenga aleithup ṭong in-ip, tûnchu amihei hneng aphôngsōt jo kha kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 1:2

tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

HEBREWHEI 9:26

khanga achang inchu, vânhnōi ralei insyembia inphut ave-avea inrimna aleide jo akachang sik kae. Kha changloa, tûnchu pha rakip a’nchai sik ting, ama intōksōtna hin setna rakip a’nthengna sik ahei tik a sik a vōi khat rōk ava’nlâr kae.

PETER INKHATNA 1:2

Ṭong kajui sik leh athisen vâng sukmantheng sik cheia alungdotak a nangni akadei jo chei kae khana arathla vâng mi intheng amanchang jo chei kae. Maritna leh lung mōngna kha pui katluk a nanta chang rasoh.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JOHN INKHATNA 3:5

Setnahei kalosōt sik a Christa kha jōng inlâr khana ama chu setna heite neimak ti hi nanmanhret.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.