PETER INKHATNA 1:17 - LEKHARABU INTHENG (BSI)

¹⁷ Mi rakip ama ama ṭōntlo dungjuia in-angtlinga ṭongkatan Pathen hneng nander pha, Apa nantia kae; kha achang inchu, nanhringkhō alaka-om seng hichu ama kajana hmang jo ruh.

PETER INKHATNA 1:17 ပူးပေါင်းရင်းမြစ်များ

A’NPHUTNA 47:9

Jacob in, “Kei khōhme hringkhō hi kum 130 katluk jo. Khava kumhei kha kapa-kapuhei khōhme hringkhō kaseihei kha leh in-ang loa, katôi khana kei hringkhō hi intak eng,” ati.

THUHMINGHEI INKHATNA 29:15

O Rōngpu, nang in namanhret ung, ti chu kanpu sōnhei tatlo kapōa, rehring sur leh khōhmea kanhringkhō leikathleng jo. Kanhringkhō hi kani daihlim aseri kapō kha kae, thina kha keini’n pesōt tor mak ung.

THUHMINGHEI INHNINA 19:7

Rōngpu kha kaja ruh khana kasing tak a ṭōn tlo ruh, ajârchu Rōngpu ni-Pathen kha mihōnna, ôtum neina khana marûk sêr pekna hei hi en-hnâm mak a kae.”

JOB LEKHARABU 34:19

Ama’n vaikarônhei chunga, khana sarahei dōina sik mikahaohei chunga ôtum heite neimak, ajârchu ama’n mi rakip asyem hei kae.

HLAHEI 39:12

Rōngpu, kaderna rangei roh; khana kapengna athei pek roh; nahnenga kaṭap pha kakabôm sik ahongpek roh. Kapu kapahei kapōa, pha bongkhat sik a khōhme hrep eng kae.

HLAHEI 89:26

Ama’n kahnenga, “Nang kapa leh ka-Pathen che kae; kakasan leh kakahukpa che kae,” ati sik.

ṬONGCHÎK-HEI 14:16

Mikasing he’n bōina inphut inpesōtna sik insing thei hei, tâk mikamo he’n heitea sakloa inrangtak a ṭōn anphutbât a kae.

ṬONGCHÎK-HEI 28:14

Pha rakip a Rōngpu ṭong jui roh kha achang inchu hōina nahmu sik. Naracham aset inchu, nang inhmang sik che.

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

ZEPHANIAH 3:9

“Khava sō rōk leh ke’n jât mihei mandonna hi kathleng pek sik hei, khana anmani’n Pathen hlop-hlop hneng changloa kei hneng rōk derna annei sik eng, ankhenga kaṭong anjui sik. Anmani ankhenga kei anjui sik eng.

MATTHEW 16:27

Ajârchu Mihring Sapa kha Apa lûrna leh inṭhōia marvân ngevahei leh akajōng sik kae, khava pha mi rakip anṭōntlo dungjui et a tloman apek sik hei.

MATTHEW 22:16

Anmani’n ansonlehei leh Herod mihei ahnenga antir hei. Anmani’n, “Oja, nang in akadik nahri kanmanhret che. Nang in, tûte lûrna leh lenna chunga kajana neiloa, mihei sik a Pathen lungdo kha kadik a namanthei hei, ajârchu nang in tûte inkhat lulenna kha donmak che.

MATTHEW 6:9

Achang jâra nangni’n hinga nantader sik kae: ‘Marvâna ka-om kan-Pa: Narahming kaja om rasoh;

ROMANHEI 11:20

Khavakha kadik; anmani antaksen mak jâra akatlek hei kae; khana nangni’n nantaksen jâra anhmun kha nantaleihlō kae. Khava jâra inlensak mak ruh, khava kanek a ṭit jôk ruh.

CORINTHIANHEI INHNINA 1:2

Nipa Pathen leh Rōngpu Jesu Christa khan maritna leh mōngna pek chei rasoh.

CORINTHIANHEI INHNINA 5:6

Khava jâra keini ahei tik a kanratha kahrok a kae. Khana keini hiva taksa innshunga kanla-om lai seng Pathen inna inphut inhla ung ti hi kanmanhret.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

CORINTHIANHEI INHNINA 7:11

Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

GALATIANHEI 2:6

Kha’num hlamkakei inhlem hei kha tu-anchang inum kei sik a chu an-in angmakna omdek mak; ajârchu mihei kha Pathen in avângting enmak, khava hlamkakeihei chungchânga, kei sik a chu athera hrina sik om mak.

EPHESIANHEI 1:17

ke’n ni-Rōngpu Jesu Christa Pathen, akalûrpen Pa hnenga, Rathla kha apekna sik chei, ama nanmanhretna sik a, nangni singna apekna sik chei kader. Khana Pathen in amalârpek sik chei.

EPHESIANHEI 3:14

Khava jâra ke’n Pa ângshunga kamarkhup kathlep a a’nkun eng kae,

EPHESIANHEI 6:9

Akapuhei, nansōk-hei chunga omchen in-angtlinga om ruh, khana maṭhitna kha hai ruh. Nangni’m, nansōk he’m in-angtlinga ṭongkatan marvâna nankapu inkhat rōk ta chei kae ti hi mandon ruh.

DÂNRABU INHNINA 10:17

Rōngpu nan-Pathen hi ratha neina rakip leh pathen rakip chunga akahratpen kae. Ama akalen leh ratha kanei kae, ama chu ṭit sik kha kae. Ama’n ôtum neimak khana ama’n sêrmarûk sâk mak.

PHILIPPIANHEI 2:12

Khava jâra kaṭhōnhei, kei leh ni-omsap laia kaṭong nantajui ṭhak kapōa khan, tûn nanhnenga ka-om mak pha hin kaṭong nantajui sik hi akakhôk chet apui karôn kha kae. Nan-inhuk inhringna pui atlukna sik, ṭittak leh ratha innok pum a ṭōn tlo ṭhak ruh,

COLOSSIANHEI 3:25

Khana ṭōn kadikmak katlo mi kha atloṭhe dungjuia a’npek male sik kae; ajârchu Pathen in mi rakip a’n-angtling dân vânga ṭong atan kae.

HEBREWHEI 12:28

Khava jâra eini’n a’nhling tor mak rengram kha nichen jo jâra inpâk rih. Pathen kha eini’n ṭittak leh kajatak a amalung nimantlaina sik kamuk me sona manpâk rih;

HEBREWHEI 4:1

Tûnchu aleihri châmhngatna kha nichen theina sik ṭongtep kha apek jo me. Khana nangni tûte inkhat in khava ṭongtepsa châmhngatna kha hlut loa a-om makna sik insing thei rih.

PETER INKHATNA 2:11

Kaṭhōn marit hei, hiva vânhnōia hin khōhme leh rekatlânhei hnenga kapōa kahei ngek chei. Ahei tik arathla kadōiṭhak taksa tamadu leh rangei heia khan inpek mak ruh.

PETER INKHATNA 3:15

Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,