PETER INKHATNA 1:12 - LEKHARABU INTHENG (BSI)

¹² Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

PETER INKHATNA 1:12 ပူးပေါင်းရင်းမြစ်များ

SŌKSŌT 25:20

Ranhring 2 hei kha anhmai a’nhnget sik hei, akamna asing kha anmathla antazar khum sik kae.

ṬONGCHÎK-HEI 1:23

Karasei che pha a rangei roh; ke’n ṭongpek kaṭha kapek sik che, khana kei themna kha chen kaneipui sik che.

ISAIAH 32:15

Tâk-kha vōi khat chu Pathen in arathla kha eini sik ajōngtir sik. Ramhâng hei kha ralei thai ṭhatna hmun lahong kachang sik, khana hleihmun a kara katamtak lahong inlōk hi sik.

ISAIAH 53:1

Mipui he’n anmasôn, “Tûnna kanṭong thangkōi hi tu’n mo ataksen sik? Tu’n mo hiva chunga hin Rōngpu bân rathahrat hi ahmutor sik?

DANIEL 10:1

(Cyrus in Persia reng achang kum 3 tlukna Belteshazzar tia’m a’nhret, Daniel hneng ṭong inkhat hong inlâr. Khava ṭong khachu kadiktak a manhret sik le’ntak hêr. Khavakha ahnenga hmangtalâra ahri manchên pek a kae).

DANIEL 12:13

“Daniel nang chu, achaina katlunga taksenthei chang roh. Nang chu kathi sik che, tâk pha inchai ning khan nang tloman inhlâng sik a kathō sik che.”

DANIEL 12:9

Ama’n amasôn eng, “Daniel, nang tûn akase sik jo che kae, ajârchu hiva ṭonghei hi pha a’nchaimak kârseng thup a da sik hei kae.

DANIEL 2:19

Khava jân a khan hmangtalâr inkhat a Daniel hneng a’nthup omchen kha inphôngsōt jo, ama’n chung Pathen achoi ka-âna ahri:

DANIEL 2:22

Ama’n ṭong inri leh in-ip aphôngsōt; inthima a’nthup kha amanhret, ama khet kha vâr in akatōmbit a kae.

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

DANIEL 8:13

Khava sōa ngeva inkhat in inkhat hneng ṭong ader kha kalei thei, “Hmangtalâra a’nhmu omchenhei hi pha khongja katlung alaka-om sik hei mo? Pha khongja katlung mo ṭit ka-om tak setna hin ani tina inthoina kahlang kha alathleng sik? Pha khongja katlung mo marvân remi leh Bek-inn kha chōnpha anlaka-om sik hei?”

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

JOEL 2:28

“Khava sō leh mi rakip chunga karathla kaheibun mathlâk sik: nansanu, nasapa he’n kaṭong anphông sik; nankater he’n rahmang annei sik, khana nankhangdông he’n hmangtalâr anhmu sik.

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

ZECHARIAH 12:10

“David sōn leh pârhei leh Jerusalema mipuihei kha lungsetna leh der hnōmna malung kapek mansip sik hei. Anmani’n antasun hlon mi inkhat kha an-en sik jo, naipang inkhat rōk chunga ṭajaisui kapōa kaṭap sik hei. Sapa hma inkeipen athi pha ṭajai kapōa anmani’n malung kana tak a ansui sik.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MARK 16:15

Jesu’n anhnenga ahri, “Vânhnōi raleia se ruh khana mihring rakip hneng ṭong kaṭha hi vahri ruh.

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 2:26

khana Rōngpu ṭongtep Messiah kha ahmu mak kârseng akathimak sik a aleihri manchên pek.

LUKE 9:6

Khava pha sonlehei khan andahlona khō rakip a kalôn heia, hmun rakip a Ṭong Kaṭha anvahria akana mihei anmandam jo hei.

JOHN 15:26

“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.

ṬŌNTLOHEI 10:44

Khang’khan Peter in ṭong ahrilai, aṭong hri inngeia ka-om mi rakip chunga Rathla Intheng jōng kaṭum jo.

ṬŌNTLOHEI 16:10

Khava hmangtalâr kha Paul in aneisō sōa, Macedonia kajōna akase sik a intluk jo ung, ajârchu khava hmun a ka-om mihei hnenga Ṭong kaṭha kaphông sik a Pathen in abek ung kae ti kha leikahnōm unga kae.

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

ṬŌNTLOHEI 4:31

Anderna nei kha anchaichai leh an-intûpna hmun kha hong innok jo. Khang’khan Rathla Intheng kasip phet jo heia, Pathen ṭong kha kangamtak a anleiphông manphut jo.

ṬŌNTLOHEI 4:8

Rathla Intheng kasip phet a Peter in aleimasôn hei, “Eh mipui hlamkakeihei leh upahei,

ṬŌNTLOHEI 8:25

Rōngpu ṭong anphônga sâkhi anpeksō pha, Peter leh John kha Jerusalemting inle nôk jo hei. Anhlam jōnna Samaria khō katamtak a ṭong kaṭha anleiphông.

ROMANHEI 1:15

Khava jâra Rome a ka-om nangni hneng um Ṭong kaṭha hri sik hi karatha akahrok kae.

ROMANHEI 1:17

Ajârchu Pathen in heikhong mo ama khet leh inṭhōia mi amandik ti hi ṭong kaṭha hin amalâr: hivahi a’nphutbia inphut a’nchaina katlung taksen jâra kae. Ṭong intheng in hinga ahri, “Taksen jâra Pathen ângshunga dikna kachen mi kha kahring sik,” ati.

ROMANHEI 10:15

Tirlehei kha antirmak he’nchu heikhong mo ṭong kha antavahrile sik? Ṭong intheng in hing’hin ahri: “Ṭong kaṭha karôn tirlehei kethon hi heituk-hrep a’nlak jo mo?”

ROMANHEI 15:19

ṭōn-inlak leh det-hla vânga, khana Pathen Rathla hratna vânga, aleitloa kae. Khava jâra Jerusalema inphut Illiricum katlunga kasena senga Christa chungchânga ṭong pui katluk a kaleiphông jo.

CORINTHIANHEI INKHATNA 2:10

Tâk-kha ṭong in-ip kha, Pathen in Rathla vâng eini amanthei jo mea kae. Rathla khan, Pathen ṭōnmantluk inritak a a’n-ip heirakip kapha kha ajōngsōt jo.

CORINTHIANHEI INHNINA 1:22

nikapu changna mêrchîkna nichunga akanam khum leh akarōi bukna heirakip eini sik a akakhōr manbuk kha manchênna sik a Rathla Intheng nimalung shunga anikapekpa kha kae.

CORINTHIANHEI INHNINA 6:6

Pathen sōk kanchang hi kan-inthengna, kanmanhretna, kandehratna leh lungsetna vâng kanmalâr, khan chu Rathla Intheng vâng, lungsetna kadiktak vâng,

GALATIANHEI 1:12

Hivahi tûte’n amanthei mak, khan chu mihring inkhat a inphut a kahmu’m changmak. Hivahi Jesu Christa ama khet in aphôngpek eng kae.

GALATIANHEI 1:16

Jât-hlop hei hneng ama chungchânga, Ṭong kaṭha kavahrile theina sik ke’n, ani’nse sik a, tûte hneng leise mak eng,

EPHESIANHEI 3:10

Tûna pha hinchu bekrup a inphut, Pathen singna kha hmesō ahlop-hlop a, marvân ram a ratha kaneihei leh ngeva vaikarôn he’n anmanhretna sik a kae.

THESSALONIANHEI INKHATNA 2:9

Sōpuihei, heikhonga ṭōn kantaleitloa ale’nreng ung mo ti kha nangni’n kadiktak a nanmandonsōt sik! Pathena inphut Ṭong kaṭha kha kanhrile pum a, nangni kankachok makna sik chei sûn leh jân ṭōn kantloa kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 11:13

Hiva mihei seng hi taksenna shunga leikathi jo hei. Pathen ṭongtep pek neinâk kha leichanmak hei, kha’num kahlajap a inphut anhmuphâk hei, anleirahlâng hei, khana raleia khōhme leh rekatlân anchang kha inchêntak a leikahnōm hei.

HEBREWHEI 2:4

Kha leh inṭhōia Pathen in alungdo dungjuia Rathla Intheng kutchoi kha asempek heia ṭōn-inlak katamtak leh det-hlana hei aleitloa anmani tatlo chunga asâkhi kha aleibesa pek hei.

HEBREWHEI 4:2

Ajârchu anmani taleithei kapōa, eini’num Ṭong kaṭha kha nithei jo. Anmani’n ṭong kha anthei ravâng anchunga ṭhatthei heite leitlosōt mak, ajârchu ṭong kha anthei pha taksenna leh inṭhōia leirahlâng mak hei.

PETER INKHATNA 1:25

tâk Rōngpu ṭong khachu ahei tik a ka-om ṭhak.” Hiva ṭong hi nanhnenga a’nhri inthang jo Ṭong kaṭha kha kae.

PETER INKHATNA 4:6

Khava sik jâra Ṭong kaṭha kha mi kathihei kâr a’m a’nhri inthangle kae, mi rakip ṭong antan kapōa khava taksa hringkhōa ṭong antan hei chunga khan; anrathla hringkhōa Pathen ahring kapōa anhring theina sik hivahi anhnenga ava’nhri kae.

ṬONGPHÔNG 5:11

Khan nôk chu ke’n ka-ena, marvâna ngeva lishing raja hei rasa kathei! Anmani len in-ongna kimvea ranhring 4 leh upahei leh kangir heia,