PETER INKHATNA 1:11 - LEKHARABU INTHENG (BSI)

¹¹ Anmani’n apha kha heitik, khana heikhonga ajōng katlung sik kha jongsōtna sik le’nṭang hei. Christa Rathla anshunga aka-om khan aleikhing pek hei, Christa’n inrim ade sik leh abâna alûrna sik hridekna kha hiva pha hi kae.

PETER INKHATNA 1:11 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

MATTHEW 26:24

Mihring Sapa kha ṭong intheng tahri kapōa akathi sik kae, tâk Mihring Sapa kha mikut chunga akapek sōt sikpa kha heituk a ṭitpek aka-om jo mo! Ama ale’ntet hêrmak achang inchu ama sik a akaṭha jôk sik kae!” ati.

LUKE 24:44

Khava sōa anhnenga ati, “Kei chungchânga Moses Dân shunga a’nzet rakip, sânkathemhei tamazet, khana Hlarabua ale’nzet kha ahong katlung sō nger sik kae tia nangni leh nileiom saplai kaleihri pek chei kha hivahei hi kae.”

JOHN 12:41

Isaiah’n Jesu lûrna kha ahmu jâra hivahi Jesu chungchânga ahri kae.

ṬŌNTLOHEI 16:7

Anmani Mysia ramri anphak pha, Bithynia ramṭhen shunga hlut sik anleirei, tâk Jesu Rathla khan hnōmpek mak jo hei.

ROMANHEI 8:9

Tâk-kha nangni chu mihring ngai tamanthei chei dungjuia hringmak chei; khava kanek a, Pathen Rathla kha nanshunga kadiktak a a-om inchu, Rathla tamanthei chei dungjuia akahring jo chei kae. Tu achang inum Christa Rathla kaneimak mi kha Christa mi changmak.

GALATIANHEI 4:6

Nangni asa nuhngâk leh pase nanchang malârna sik, Pathen in Sapa Rathla kha nimalung shunga ajōng tira, khava rathla khan, “Apa, kapa” tia abek a kae.

PETER INHNINA 1:21

Ajârchu sânsōt sik ṭong kha mihring lungdoa inphut hongsōk phungmak, tâk Rathla Intheng in mihei chunga ṭōn atloa Pathena inphut akajōng ṭong kha antasânsōt kae.

ṬONGPHÔNG 19:10

Ama inmuk sik kei akekunga inkun jo eng, tâk ama’n kahnenga ahri, “Kha tlomak roh! Ke’m nang leh khana Jesu tamalârsōt akadik intu inhnet hei seng leh a’n-ang, sōk inkhat eng kae. Pathen jôk kamuk roh!” Ajârchu Jesu tamalârsōt akadik kha sânkathemhei manhlimna kapek kha kae.