PETER INKHATNA 1:10 - LEKHARABU INTHENG (BSI)

¹⁰ Hiva hukmanhring chungchânga hin sânkathem he’n insing theitak a anta leijonga anta lei-ensui kae, khana hiva Pathen tapek sik chei mahâmṭhatna hi anmani’n anta leisânsōt kae.

PETER INKHATNA 1:10 ပူးပေါင်းရင်းမြစ်များ

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

ṬONGCHÎK-HEI 2:4

A’nthup a aka-om sêr leh sum a-emak leh nei najong sik kapōhrep a singna kha jong roh.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 9:3

Khana ke’n bu kahngōia, borapōn kasia khana ravut kâra in-ong enga Rōngpu Pathen hneng malung kahluttak a kaleider.

HAGGAI 2:7

Jât rakip kahlon mathla sik hei, ankarōi seng hivahin heichoi sik kae, khana Bek-inn kha karōi in kasip sik jo.

ZECHARIAH 6:12

Chunghnung Rōngpu’n hing’hin ahri tia manthei roh, ‘Thing bâk tia inhret mi khan a-omna inphut hong kakhangtou sik khana Rōngpu Bek-inn asak manther sik.

MATTHEW 13:17

Kahri manchên pek chei kae, nangni tahmu hei hi sânkathemhei leh mikadik katamtak he’n anleihmu hnōmhêr, tâk leihmu tor mak hei, khan chu nangni tathei hei hi anleithei hnōm, tâk leithei tor mak hei.

MATTHEW 26:24

Mihring Sapa kha ṭong intheng tahri kapōa akathi sik kae, tâk Mihring Sapa kha mikut chunga akapek sōt sikpa kha heituk a ṭitpek aka-om jo mo! Ama ale’ntet hêrmak achang inchu ama sik a akaṭha jôk sik kae!” ati.

LUKE 10:24

Ke’n kahri pek chei kae reng leh sânkathem katamtak he’n nangni tahmu kha anhmuhnōm, tâk leihmu tor mak hei, nangni tathei kha antheihnōm, tâk leithei tor mak hei.”

LUKE 24:44

Khava sōa anhnenga ati, “Kei chungchânga Moses Dân shunga a’nzet rakip, sânkathemhei tamazet, khana Hlarabua ale’nzet kha ahong katlung sō nger sik kae tia nangni leh nileiom saplai kaleihri pek chei kha hivahei hi kae.”

JOHN 5:39

Nangni’n Ṭong intheng rabu shunga kumsôt hringna kanhmu sik tia nanteia nanjong. Khana hiva Ṭong intheng hei hin kachungchânga antahri kae!

JOHN 7:52

Anmani’n anmasôn, “Kaṭha jo, nang um Galileea inphut mi che mo? Ṭong intheng kha tei roh, Galileea inphut sânkathem sōk phungmak ti namanhret sik.”

ṬŌNTLOHEI 10:43

Tu achang inum ama taksenna kanei rakip hei setnahei kha arahming ratha neina jâra rangei mandam anchen sik tia ama chungchânga sânkathem rakip in anta leihridek jo kae.”

ṬŌNTLOHEI 17:11

Khava hmun a ka-om mihei kha Thessalonica mihei kanek a anmalung le’ntheng. Anmani’n ṭong inhri kha malung kahluttak a anleirangei, khana Paul tahri kha akadik khet mo ti hmusōtna sik a nitina Ṭong intheng anleiteia kae.

ṬŌNTLOHEI 28:23

Khava jâra Paul leh kanikhō inkhat intep jo hei, khana kanikhō ajōng tluk pha Paul omna hmun a khan mi hingja kahong jo hei. Jîngkâra inphut jân katlung Pathen Rengram ṭong kha ahri manchên pek jo hei, khana Moses Dânrabu leh Sânkathemhei ṭong mazet hei aleipan a Jesu chungchânga anrahlâng theina sik le’nṭanga kae.

ṬŌNTLOHEI 7:52

Sânkathem inkhatbek nanpi leh nanpuhei tasuk manrim mak aleika-om hei mo? Amak hma pek a Asōk kadik ajōng sik aleikaphông, Pathen ṭongkarônhei kha anleithat hei. Khana tûn nangni’n ama khet kha nanpek sōt a nanleithat a kae.

HEBREWHEI 11:13

Hiva mihei seng hi taksenna shunga leikathi jo hei. Pathen ṭongtep pek neinâk kha leichanmak hei, kha’num kahlajap a inphut anhmuphâk hei, anleirahlâng hei, khana raleia khōhme leh rekatlân anchang kha inchêntak a leikahnōm hei.

HEBREWHEI 11:40

ajârchu Pathen in eini sik a akaṭhachet mantlukna alaneipek mea kae. Eini leh ni’nthlop leh rōk anmani pui tlukna akae sik kha ama ṭōn mantlukna kha kae.

PETER INKHATNA 1:11

Anmani’n apha kha heitik, khana heikhonga ajōng katlung sik kha jongsōtna sik le’nṭang hei. Christa Rathla anshunga aka-om khan aleikhing pek hei, Christa’n inrim ade sik leh abâna alûrna sik hridekna kha hiva pha hi kae.

PETER INKHATNA 1:13

Khava jâra ṭōn katlo sik a nanmalunga intluk ruh. Insing thei ruh khana Jesu Christa ajo’nlâr pha pek sik chei mahâmṭhatna chunga inhōrna pui katluk a nei ruh.