NEHEMIAH 9:8 - LEKHARABU INTHENG (BSI)

⁸ Ama kha ṭong kajui inkhat achang kha nahmu sōt, khana ama leh ṭong intepna inkhat naleinei. Canaanhei ram, Hit leh Amorhei ram Periz hei, Jebush-hei khana Girgash hei ram kha ama sōn leh pârhei omna ram akachang sik a, ahnenga pek sik a le’ntep che. Nang in naṭongtep kha najui, ajârchu nang chu taksenthei che kae.

NEHEMIAH 9:8 ပူးပေါင်းရင်းမြစ်များ

A’NPHUTNA 12:7

Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.

A’NPHUTNA 15:6

Abram in Rōngpu chunga ataksen, khava jâra Rōngpu’n achunga amalung katlâia, ama arahlânga kae.

A’NPHUTNA 22:12

Ama’n ati, “Naipangpa kha tônthei mak tin, heite tlothei mak tin. Tûnchu nang in Pathen nakaja, aṭong najui ti kamanhret jo; ajârchu nasapa inkhat rōk nanei kapha’m ahnenga maner mak che.”

SAMUEL INHNINA 22:31

Hiva Pathen hi, heituk a aṭōn tlohei pui akatluk jo mo, aṭonghei heituk a nganse thei akachang jo mo! Inhrungna kajōng hei sik a, ama kha pho kapō kae.

THUHMINGHEI INKHATNA 1:14

Canaan kha Jebush, Amor, Girgash,

THUHMINGHEI INKHATNA 16:16

Abraham leh ṭongkamna asyem kha, Isaac leh intepna asyem kha.

EZRA 9:15

Rōngpu Israelhei Pathen, nang chu akadik che kae, tâk-kha keini hi nalamanhring unga kae. Nahnenga kanṭhena hei seng kanphông; nang omna heihlutna sik ratha neimak jo ung. ”

NEHEMIAH 9:33

Keini karâkna pekna sik a akadik kha natlo jo; keini kanset jo tâk inum nang chu taksenthei kachang che.

HLAHEI 116:5

Rōngpu kha maritna kasip khana kaṭha; ni-Pathen chu lungset kathem kae.

SŌKSŌT 3:17

Ke’n anmani Egypt ram a êng kasetak a antlo manrimna heia inphut ṭhōisōt sik heia kamandon jo, khana ram ṭhatna leh ralei thai omna, Canaanhei, Hit-hei, Amorhei, Periz hei, Hivhei leh Jebush-hei ram a kaṭhōi sik jo hei.

SŌKSŌT 3:8

khava jâra Egypt miheia inphut ankahuksōt sik a khana Egypt a inphut ram thai omna, khana tuna Canaanhei, Hit-hei, Amor, Periz hei, Hivhei, khana Jebush-hei omna ram son ankaṭhōisōt sik a kei akahong eng kae.

EZEKIEL 33:24

Ama’n ati, “Akathithei mihring, Israel ram shunga a’nhmangthâm jo, khōpuia ka-om mihei hin anhri: ‘Abraham kha abing rōk a kae, tâk ram hingre aleipek. Eini chu katam jo me, khava jâra tûnchu ram hi nita kachang jo.’

MIJAHEI 13:29

Amalek-hei kha thlang intonga ka-om hei; Hit, Jebush, khan chu Amorhei kha tlângrama katla hei; khana Canaanhei kha Mediterranean tui-ôngpui panga leh Jordan Tuidung pang kajuia ka-om hei.”

MIJAHEI 23:19

Pathen hi, malei kasei mihring kapō changmak. Ama hi malung kathleng lele mihring inkhat changmak. A’ntepna jo rakip kha, ama’n atlo; Ama’n ahri kha intlosōt a kae.

ṬŌNTLOHEI 13:22

Ama kha alosōt sōa, Pathen in David kha reng amanchang. Ama chungchânga Pathen in hing’hin aleihri: ‘Kamantlo hnōm kalungdo rakip akatlo sik, Jesse sapa David kha kami madutak kae,!’

DÂNRABU INHNINA 26:3

Khava pha, thempu ṭōnkarôn hnenga se ruh khana ahnenga vati ruh, ‘Ke’n tûn Rōngpu ka-Pathen hnenga, ama’n nipa-nipuhei hnenga pek sik a ale’ntepna, ram kha kahlut jo eng tia hrina kanei jo.’

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

DÂNRABU INHNINA 7:1

“Rōngpu nan-Pathen in nan-omna sik ram a aṭhōi sik chei, khana inphut a jât katamtak ahnong sōt sik hei. Ram kajōna nanse pha, nangni kanek a akalen leh ratha kanei jât 7 ahnong sōt sik hei: Hit, Girgash, Amor, Canaan, Periz, Hiv khana Jebush-hei.

DÂNRABU INHNINA 9:5

Nangni ṭhatna jâra a-emak leh akadik nantlo ti jâra Rōngpu’n anram kha amanhlō chei changmak. Anmani anṭhatmak jâra Rōngpu’n ahnong sōt sik hei kae khana nanpu nanpa Abraham, Isaac khana Jacob hei hneng intepna aleinei kha amathlung hnōm jâra kae.

TITUS 1:2

khavakha kumleikōa hringna sik a inhōrna chunga khan akangir kae. Hiva hringna ṭong hi, malei kaseimak Pathen in pha ale’nphut mak hma, aleitep peksa me kae,

HEBREWHEI 11:17

Taksen jâra Pathen in Abraham a-enmansin pha, Abraham in asapa Isaac inthoina sik atōksōt a kae. Pathen ṭong inteppui kha Abraham kae; achang ravâng sapa inkhat rōk anei kha inthoina inkhat a tōksōt sik a le’ntluk a kae.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

JOSHUA 11:23

Rōngpu’n Moses ṭong apek kapōa, Joshua’n ram pumpui kha ahlō jo. Joshua’n khavakha Israelhei hneng anchen sik a aṭhen pek hei, phung inkhat a ṭhen khat et asempek hei. Khana mipuihei kha retlo le’nhnga jo hei.

JOSHUA 11:3

Ama’n Jordan pang lang hnia ka-om Canaan, Amor, Hit, Periz, khana tlângrama Jebush-hei hneng, inṭhōia Mizpah ram Hermon Tlângkhama ka-om Hivhei hneng um ṭong aleitir jo.

JOSHUA 23:14

“Tûnchu kei thina sik pha kahong jo. Nangni inkhat et in nanmalung nanrathla shunga Rōngpu nan-Pathen in akaṭha rakip ale’ntepna dungjuia apek jo chei ti hi manhret ruh. Ale’ntepna rakip kha ama’n atlo jo; inkhatbek akatlasam om mak.

JOSHUA 9:1

Jordan tlaitlâk tinga reng rakip in Israelhei retorna hi anmanhretsō jo, hmebunghei leh akhama, Mediterranean tuipui pang kajuia phaicham rakip, sak tinga Lebanon katlung; hihei hi Hit, Amor, Canaan, Periz, Hiv leh Jebush renghei kae.

JOHN INKHATNA 1:9

Tâk-kha eini’n nisetnahei Pathen hneng nihrisōt inchu, aṭong tepna kha ajui sik khana akadik kha atlo sik: nisetnahei kha arangei mandam sik me khana dikmak nilei tlona rakip a inphut amantheng sik me.