NEHEMIAH 9:34 - LEKHARABU INTHENG (BSI)

³⁴ Kanpu kanpahei, kanrenghei, kanhlam kakeihei leh thempu he’n nadân hngâk mak jo hei. Anmani’n naṭongpek leh nagîkna hei kha rangei mak hei.

NEHEMIAH 9:34 ပူးပေါင်းရင်းမြစ်များ

RENGHEI INHNINA 17:13

Rōngpu’n asânkathemhei leh aṭongkarônhei Israel leh Judah hei kagîk sik a ajōngtir, “Nan-omchen kadikmak hlam hro bâng ruh, khana Nanpa-nanpuhei hneng kaleipek Dânrabu shunga aka-om, khava nôk kha kasōk sânkathemhei vânga nanhnenga kajōng mathlung, kaṭong pek kha jui ruh!” ati.

RENGHEI INHNINA 17:15

Ama mansena ṭong juihnōm mak hei, anpu anpahei leh ama ṭong intepna kha juimak hei, khana ama gîkna hei kha anmani’n heitea teimak hei. Akahnem mak limsyem ankamuk, anbibinga hnemna kase kachang hei, khana Rōngpu’n ankimvea jât-hlop hei omchen anmanchu makna sik a ṭong apek hei kha juimak heia, anmani’n jât-hlop hei omchen jôk anjuia kae.

THUHMINGHEI INHNINA 29:6

Nipusōnhei kha Rōngpu ni-Pathen hnenga taksenthei leichang mak hei khana ama madu makna kha anleitloa kae. Ama omna hmun kha anmani’n donmak heia hnung ansungsia kae.

EZRA 9:10

“Tâk-kha tûnchu, Eh Pathen, heirakip asōksōa hin keini’n heimo kantati sik jo? Keini’n ave nôk a ṭongpek-hei kha jui nôk mak jo ung,

NEHEMIAH 9:30

Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

NEHEMIAH 9:33

Keini karâkna pekna sik a akadik kha natlo jo; keini kanset jo tâk inum nang chu taksenthei kachang che.

NEHEMIAH 9:35

Nang vângpekna leh inṭhōia, reng he’n namihei vai anrôn hei nang in naleipek hei akalen akaṭha ram a khan anleiom pha; tâk-kha anmani setna inphut he’nle mak hei, nang arazen mak hei che.

JEREMIAH 29:19

Ke’n kasōk sânkathem heia inphut ṭong kapek ṭhak hei kha anjuimak jâra anchunga hivahi akasōk sik kae. Anmani’n rangei hnōm mak heia kae.

JEREMIAH 44:17

Keini’n tlo sik kantati kha kantlo sik. Keini’n Marvân Rengnu kan-pathennu kha inthoina kantōk sik, khana kanpu sōnhei, kanrenghei, kanhlam kakei he’n Judah khōpui heia leh Jerusalem khōpuia anta leitlo kapōa keini’n inthoina ju kansô sik. Khanga kantlo leh sâk sik hingja kannei, kahao ung, heite bōina neimak ung.

JEREMIAH 44:4

Ke’n kamater ṭit ka-om ṭōnhei kha nantlo makna sik a ani kahri pek sik a kasōk sânkathem kajōngtir ṭhak hei.

EZEKIEL 5:6

Tâk-kha Jerusalem in kei ṭongpek chunga arahe kase khana jât-hlop hei kanek a amanu ṭhatchet mak khana akimvea ka-om ram hlop hei kanek a ṭong juichet mak ti hi amalâr. Jerusalem in kaṭong pek ahlon sōt khana kadân jui sik a hnōm mak.

DANIEL 9:6

Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

DÂNRABU INHNINA 31:21

ṭit ka-om inrimna katamtak anchunga jōng katlung sik. Tâk hiva hla hichu ansakṭhak sik, hivahin ankadōia sâkhi kachang sik. Tûnhin um, pek sik heia kale’ntepna ram a kaṭhōi mak hma hei hin, heimo antamandon kamanhret.”