NEHEMIAH 9:32 - LEKHARABU INTHENG (BSI)

³² “Eh Pathen, kan-Pathen, heituk a akalen che mo! heituk a ṭit aka-om leh ratha kahrat jo che mo! Naṭong sekamna kha taksen theitak a nanit a kae. Assyria reng he’n keini anlei-ôt ung pha inphut tûn katlung um, keini heituk a khōdeng kantathei jo mo! Kanrenghei, kanhlam kakeihei, kanthempu hei leh sânkathemhei, kanpu kanpahei leh kanmipui rakip khōdeng kanthei jo. Keini heituk a khōdeng kantathei jo mo amandonsōt pek roh!

NEHEMIAH 9:32 ပူးပေါင်းရင်းမြစ်များ

RENGHEI INKHATNA 8:23

khana ader jo, “Israelhei Rōngpu Pathen, marvân chunga leh ralei thōia nang kapō pathen om mak! Namihei leh na-intepna kha nanit khana malung pumpuia nang anjui che pha nalungsetna kha namalârpek hei.

RENGHEI INHNINA 15:19

Tiglath Pileser, Assyria Reng kalenpen khan Israel chunga re aleitlo, khana Menahem in ram shunga aratha neina sik, ama hnōm pekna chenna sik a dangka kilograme 34,000 aleipek.

RENGHEI INHNINA 15:29

Peka rengchang laia kae, Assyria reng kalenpa Tiglath Pileser in Ijon khōpuihei, Abel Beth Maacah, Janoa, Kedesh, khana Hazor khan chu Gilead ramṭhen, Galilee, khana Naphtali a mihei kha rekahringa asur heia Assyria ram a aṭhōi hei.

RENGHEI INHNINA 17:23

Achaina chu Rōngpu’n atlo sik seng kha, asōk sânkathemhei vânga aleigîk dek hei kapōa, ahmai kunga inphut ahnong sōt jo hei. Khava jâra Israel mipuihei kha Assyria ting rekahringa ankei jo hei, khana khan tuning katlung laka-om hei.

RENGHEI INHNINA 17:3

Assyria Rengkalen Shalmaneser in achunga re aleisō; ama’n Shalmaneser hnenga kahlut, akumtina ramsêrṭhei apek a kae.

RENGHEI INHNINA 17:6

Hoshea vairôn kum 9 tlukna, Assyria rengkalen khan Samaria kha ahlō jo, Israelhei kha Assyria ting rehringa ankei hei, khana ṭhahrep chu Hala khōpuia, ṭhahrep Gozan ramkeia Habor tuidung hneng, khana ṭhahrep in Media khōpui shunga khō amantlâk jo hei.

RENGHEI INHNINA 23:29

Josiah’n vai arôn lai Egypt reng, Reng Neko khan Assyria rengkalen inthōpui sik a Euphrates Tuidung katlunga remi aheiṭhōi hei. Reng Josiah’n Egypt remihei kha Megiddo a aleikhâr hei khana ama kha anleithat jo.

RENGHEI INHNINA 25:7

Zedekiah hmit-hmua, asahei kha anthatpek hei; khava sō leh Zedekiah hmit ankhersōtpek a hruia ankhit a Babylon ting ankei jo.

EZRA 4:10

hihei hi leh inṭhōia mihlop-hei, akalen ratha kaneitak Ashurbanipal in an-inn et a inphut athonsōt heia Samaria khōpuia leh tlaitlâk Euphrates ramṭhen a khō amathlâk hei kha inveisa hei.”

EZRA 4:2

Khava jâra Zerubbabel leh phungṭhen alu kachang hlamkakeihei inhmupui sik a vakase heia anti, “Bek-inn sak nôkna kha bôm chei rung. Nangni takamuk Pathen kha keini’m kankamuk, khana hiva hmun a omna sik a ani heikatir Assyria rengkalen Esarhaddon pha khana inphut inthoina kanta heitōk ṭhak jo kae.”

EZRA 9:13

Keini setna leh ṭhena jâra karâkna kanchensō katlunga, kan-Pathen nang in kanrahōi kasōk hrep kanek a akatlômdet vânga karâkna napek ung khana akahring sik a nalahnōm pek ung ti hi kanmanhret a kae.

NEHEMIAH 1:5

“Rōngpu, Marvân Pathen! Nang chu kalen che, nang kaṭit a keini kangir ung. Nang inlungset leh naṭongpek kajuihei chunga na’ntepna kha taksentak a natlosōt.

HLAHEI 47:2

Chunghnung Rōngpu kha ṭit sik kae; ama hi rengkalen kae, vânhnōi pumpui vaikarôn kae.

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

HLAHEI 66:5

Hong ruh va-en ruh, Pathen in heimo atlo, mihring sik aṭōntlo inlak-hei hi.

SŌKSŌT 18:8

Israelhei hukna sik a Rōngpu’n Egypt rengpa leh mipuihei hnenga aleitlo rakip kha Moses’n Jethro hnenga aleihri pek jo.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

DANIEL 9:4

Ke’n ka-Rōngpu Pathen hnenga kader khana kamihei setna kalei hrisōt a kae. Ke’n kati, “Rōngpu Pathen, nang kalen che khana keini’n kankaja che. Nang naṭongtep chunga taksenthei kachang che, khana nang inlungset mihei chunga bângtik neilo lungsetna namalâr khana naṭongpek kha natlosōt a kae.

DANIEL 9:6

Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

DANIEL 9:8

Kanrenghei, kanvai karônhei, kanpu sōn he’n inzak ka-om tak a leikachôn hei, khana Rōngpu nang kadōia setna anleitlo jo.

LEVI-DÂN 26:18

“Hiva kapha hi’num nani juimak inchu, nankarâkna kha aja 7 kakhea kapeksa sik chei.

LEVI-DÂN 26:21

“Nangni’n nanidōi ṭhak enga nanijui hnōm mak inchu, nankarâkna kha aja 7 kamankhesa sik kae.

LEVI-DÂN 26:24

nangni kahnget sik chei khana ahma kakei kanek a aja 7 a’nhnakdet vânga karâkna kapek sik chei.

LEVI-DÂN 26:28

ka nuknat a kahei hnget sik chei, nankarâkna kha ahma kakei kanek a aja 7 kamankhôk chet nôk sik.

DÂNRABU INHNINA 7:12

“Hiva ṭongpek-hei seng hi taksentak a nanjui inchu, Rōngpu nan-Pathen khan nangni leh ale’ntepna chunga ahnōm ṭhak sik khana alungsetna inthlengmak kha nanhnenga amalâr ṭhak sik.

DÂNRABU INHNINA 7:13

Nanpungna sik leh sa katamtak nanneina sik alungset sik cheia kha mahâmṭhat apek sik chei; hmuchi-sachi, vomhrui ju, olive thaitui nanneina sik nanhlei hei kha vâng apek sik hei. Ran leh kemōng katamtak apek cheia vâng apek sik chei. Nanhnenga pek sik a ama’n nanpu-nanpahei hneng ale’ntepna ram shunga khan hiva mahâmṭhat seng hi apek sik cheia kae.

DÂNRABU INHNINA 7:21

Khava jâra anmani ṭitmak hei ruh. Rōngpu nan-Pathen khan a-ompui chei; ama chu Pathen kalen leh ṭit nger sik inkhat kha kae.

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,