NEHEMIAH 9:30 - LEKHARABU INTHENG (BSI)

³⁰ Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

NEHEMIAH 9:30 ပူးပေါင်းရင်းမြစ်များ

RENGHEI INHNINA 18:11

Assyria rengkalen in Israelhei kha rehringa asur heia Assyria katlunga aṭhōi hei, khana ṭhahrep chu Hala khōpuia, ṭhahrep in Gozan ramṭhen a Habor Tuidung hneng, ṭhahrep in Media khōpui heia ka-om hei.

RENGHEI INHNINA 21:10

Rōngpu’n asōk sânkathemhei amanhri hei,

THUHMINGHEI INHNINA 24:19

Rōngpu’n anmani ahnenga anhong inlena sik a gîkna kapek sik a sânkathem aleitir hei, tâk mipuihei khan rangei hnōm mak heia kae.

EZRA 9:10

“Tâk-kha tûnchu, Eh Pathen, heirakip asōksōa hin keini’n heimo kantati sik jo? Keini’n ave nôk a ṭongpek-hei kha jui nôk mak jo ung,

NEHEMIAH 9:20

Nang naṭhat jâra heimo antatlo sik kha namanthei hei; manna vânga navei hei, khana tui in sik napek hei.

NEHEMIAH 9:26

“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 95:10

Khava mihei kha kum 40 shunga, ning kahongche jo heia kae. Ke’n kalei ti, ‘Heituk a ṭong kajuimak hei mo! Kaṭong pek jui sik hnōm mak hei.’

ISAIAH 28:10

Ama’n eini ṭongrahme vânga, ahlam ahlam a, ṭongrup vânga manthei sik arei me?”

ISAIAH 42:24

Israel kha inru mikachom hei hnenga tu’n mo apek sōt? Rōngpu amatak in kae, achunga dōina setna nileitlo jo mipa khan kae! Ama’n amadu kapōhrep a omchen mak me, khan chu mansena apek me kha eini’n juimak me.

ISAIAH 48:9

“Karahming hi mihe’n anchoi ka-ânna sik, kahnuk natna rakip kakhâma kae; ke’n kahnuk kamale khana nangni suk manhmang mak chei ning.

ISAIAH 63:10

tâk-kha anmani’n an-indōipui khana ama rathla intheng kha amalung anmanchâm pek. Khava jâra Rōngpu kha ankadōi hong kachanga anchunga re ajōng tloa kae.

JEREMIAH 25:4

Rōngpu’n asōk sânkathemhei ahei tir ṭhak he’num nangni’n rangei mak chei khana donmak chei.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 44:4

Ke’n kamater ṭit ka-om ṭōnhei kha nantlo makna sik a ani kahri pek sik a kasōk sânkathem kajōngtir ṭhak hei.

JEREMIAH 44:5

Tâk-kha nangni’n anṭong rangei mak chei khana nanmalung manhlut mak chei. Nangni’n pathen ralak hnenga inthoina tōkna nanṭōnse tlo kha masō dekmak chei.

JEREMIAH 7:25

Nanpusōn he’n Egypt ram a anheisōk kania inphut tuning katlung, ke’n nanhnenga kasōk-hei, kasân kathemhei, kahei tir ṭhak hei.

ṬAJAISUINA 2:17

Rōngpu’n atlo sik a maṭhitna aleinei kha achaina chu atlosōt jo: Ama’n pha kasôttak gîkna aleipek ung kapōa, lungset inveiloa asuk manhmang jo ung. Ama’n kan-inrepuihei kha torna kha apek jo hei, keini thlûkna khan anmani inpâkna apek jo hei.

DANIEL 9:6

Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

ZECHARIAH 7:12

khana anmalung kha hlung kapōa anmansak a kae. Tenlaia sânkathemhei hneng ke’n kalei tir jo mantheina kha anrangei mak jâra kei anmani chunga kahnuk kana hêr.

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

MIJAHEI 11:26

Hlamkakei 70 hei kâra 2, Eldad leh Medad kha rephōra leika-om hei Pōn-inna leise mak hei. Rephōra khan rathla kha anchunga jōng kachu jo, anmani’m sânkathemhei kapōa ông anphut jo.

ṬŌNTLOHEI 13:18

khana kum 40 nêrdiram a aleithōkpui hei

ṬŌNTLOHEI 28:25

Khava jâra, ankâra inhnōmtōna omloa, Paul in hiva inkhat hi ahrisō pha anleidahlon jo: “Nanpu sōnhei hneng Isaiah Sânkathema inphut Rathla Intheng in heituk kaṭha a ṭong aleihri mo!

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

ROMANHEI 2:4

Achangmak leh alungsetna akalen, amandona leh ade hratna hi heitea nasakmak leikachang thei. Pathen hi lungset kathem kae ti hi nang in inchêna namanhret ajârchu ama’n namalung thlengtheina sik a hlam akeitheina sik che ajonga kae.

PETER INKHATNA 1:11

Anmani’n apha kha heitik, khana heikhonga ajōng katlung sik kha jongsōtna sik le’nṭang hei. Christa Rathla anshunga aka-om khan aleikhing pek hei, Christa’n inrim ade sik leh abâna alûrna sik hridekna kha hiva pha hi kae.

PETER INHNINA 1:21

Ajârchu sânsōt sik ṭong kha mihring lungdoa inphut hongsōk phungmak, tâk Rathla Intheng in mihei chunga ṭōn atloa Pathena inphut akajōng ṭong kha antasânsōt kae.

PETER INHNINA 3:9

Rōngpu kha aṭong tepsa chunga insum tia, mi ṭhahrep in antamandon kapōa inranga tlosōt mak, khava kanek a ama’n amadosōt pek chei kae, ajârchu tu inkhat inhmang sik madu mak, tâk mi rakip in ansetna inphut anhei inhe theina sik amadu kae.