NEHEMIAH 9:26 - LEKHARABU INTHENG (BSI)

²⁶ “Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

NEHEMIAH 9:26 ပူးပေါင်းရင်းမြစ်များ

RENGHEI INKHATNA 14:9

Nang hma vaikarônhei kanek a setna kalen chet natlo joa kae. Nang in nadahlon enga kamuk sik a limsyem leh thir limhei nasyem heia kahnuk namannat a kae.

RENGHEI INKHATNA 18:13

Jezebel rengnu’n Rōngpu sânkathemhei athat lai khan anmani 100 kha, 50 et a rup hnia hlungkhur shunga kathup hei, khana bu leh tui kaleithak hei kha theimak che mo?.

RENGHEI INKHATNA 18:4

khana Jezebel in Rōngpu sânkathemhei athat lai hei, Obadiah hin sânkathem 100 aṭhōi heia, 50 et a hlungkōk inhnia athup heia antasâk sik bu leh tui avathak hei.)

RENGHEI INKHATNA 19:10

Ama’n amasôn, “Rōngpu Chunghnung Pathen, ke’n ahei tik a karazen che, nang rōk. Tâk-kha Israel mipui he’n nang leh nanle’ntepna kha ansukkhōi jo, namaichâm anṭhet maphûr jo, khana nasânkathemhei anthatsō jo hei. Kei rōk kahring jo eng, ke’m that sik a anrei eng!”

RENGHEI INHNINA 21:10

Rōngpu’n asōk sânkathemhei amanhri hei,

RENGHEI INHNINA 21:11

“Reng Manasseh in hiva mater ka-om tak hei hi atlo hei, Canaan mihei tatlo kanek a akaṭhamak chet atlo; limhei leh Judah mihei kha setna ting aching hei.

THUHMINGHEI INHNINA 36:16

Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.

NEHEMIAH 9:18

Anmani’n sehratche kapō lim inkhat anleisyem khana Egypt a inphut anhei kaṭhōi kha hiva Pathen hi kae anti! Heituk a inzakna antapek jo che mo!

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

NEHEMIAH 9:30

Akum akum a nang in detheitak a anmani nalei gîk hei. Nasânkathemhei khan ṭong anhrina sik a hlimna napek hei, tâk-kha namihei kha ankōr kaset, khava jâra jât-hlop hei kha namantor heia kae.

HLAHEI 50:17

Kei tamandik sik che kha’m hnōm mak che; kaṭong pek hei kha’m nahlon sōt hei.

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 2:30

Ke’n karâkna kapek che, tâk ṭhatchôm dekmak; nang mandikna sik a ṭōn amantlo hnōm mak che. Hnuk kase shabakkai kapōa, nasânkathemhei kha nathat heia kae.

JEREMIAH 2:7

Neinâk kaṭha ralak leh theikara kahōia ansâkna sik a, ram thai omna hmun a anmani kahong ṭhōi hei. Tâk anmani’n karam kha anmanhmang jo, kapek hei ram kha anmanbōk jo.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 42:19

Khava sōa kahri nôk a “Judah ram a dahlona ka-om mipui nangni Egypt ram a semak ruh tia Rōngpu’n ahri pek jo chei. Khava jâra tûn ke’n karakôk chei kae

ṬAJAISUINA 3:42

“Keini kaset jo ung khana inphin jo ung, khana O Rōngpu nang in arangei mandam mak che.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

MATTHEW 21:35

Rahōn kasânhei khan asōk-hei kha anleisur hei, inkhat anvōk a, inkhat anthat a, khana alak inkhat kha hlung vâng andenga kae.

ṬŌNTLOHEI 7:52

Sânkathem inkhatbek nanpi leh nanpuhei tasuk manrim mak aleika-om hei mo? Amak hma pek a Asōk kadik ajōng sik aleikaphông, Pathen ṭongkarônhei kha anleithat hei. Khana tûn nangni’n ama khet kha nanpek sōt a nanleithat a kae.

DÂNRABU INHNINA 32:14

Ansehrat pui, ankepui he’n sene pui katluk a anpek hei, kemōng, ke leh se kaṭhapen, gehu kaṭhapen leh madu ka-ompen vomhrui theiju annei hei.

DÂNRABU INHNINA 32:15

“Rōngpu mihei kha kahao chet-chet hei, tâk anrahe kase; antak kha kathai jo khana sâk in a-ê jo hei ankasyempa Pathen kha anmasō jo, ratha kanei huksōtpa kha anhlonsōt jo.

ṬONGKATANHEI 10:6

Israel he’n Rōngpu kadōia setna antlo nôk jo. Baal leh Astarte, khana Syria, Sidon, Moab, Ammon khana Philistihei pathen limhei ankamuk joa kae.