NEHEMIAH 9:17 - LEKHARABU INTHENG (BSI)

¹⁷ Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

NEHEMIAH 9:17 ပူးပေါင်းရင်းမြစ်များ

RENGHEI INKHATNA 6:13

Nang in nasyemsōt Bek-inn shunga kamihei kâra ka-om sik eng, khana ke’n dahlon hêrmak hei ning.”

RENGHEI INKHATNA 8:57

Rōngpu ni-Pathen khan nipusōnhei aleiompui hei kapōa, a-ompui ṭhak me rasoh; eini adahlon hêrmak rasoh khana ahlon sōt mak rasoh;

THUHMINGHEI INHNINA 36:13

Zedekiah khan Reng Nebuchadnezzar chunga adōi jâra ama’n Zedekiah kha rumhrat tak a ṭongpek ajuina sik a Pathen rahminga inhâksêrna amanneia kae. Ama khan Rōngpu Israel Pathen hneng ahong inhe sik leh malung athleng sik kha rahe kasetak a leihnōm mak.

EZRA 9:9

Keini sōk leikachang ung, tâk kansōk changna khan adahlon mak che. Nang in Persia rengkalen kha lungset namanrôn ung khana akahring sik a leh suk manhmanga aka-om jo nabek-inn akasyemther sik a khana Judah leh Jerusalema inhukna kajong sik a nahnōm pek ung.

NEHEMIAH 9:31

Kha’num, nang lungsetna alen jâra, anmani hlonsōt mak hei che khana manhmang mak hei che. Nang hi lungset leh maritna kasip Pathen che kae!

HLAHEI 106:13

Tâk-kha aṭōn leitlo kha inrangtak a anleimahngia, ama mansena hngâk lo jen a le’nhling jo hei.

HLAHEI 106:7

Egypt a kanpu kanpa he’n Pathen ṭōn leitlo inlak kha leimanhret mak jo hei; hmun katamtak a alungsetna aleimanhmu hei kha anleimahngi jo, khana Tuipui Kasen a khan Akahratpen kha anleidōi jo.

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

HLAHEI 78:10

Pathen leh anṭong intepna kha leijui mak hei; ama dân jui sik kha leihnōm mak hei.

HLAHEI 78:11

Aṭōn leitlo hei khana aṭōn inlak leitlo hei antahmu kha anmahngi jo.

HLAHEI 78:38

Achang ravâng Pathen inchu amihei alungset hêr hei. Ansetna arangei mandam hei, suk manhmang mak hei. Pha katamtak ahnuknat kha akei male, ahnuk inthak kha aleikhâm.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

SŌKSŌT 32:9

Hiva mihei hi hingtuk hrep anracham kase ti hi kamanhret jo.

ṬONGCHÎK-HEI 1:24

Kahnenga hong roh tia kabek chea hme kalâk che, tâk nang in rangei mak che. Kabekna che hin namalung hlutmak.

JEREMIAH 18:15

A-e ravâng, kami he’nchu anmahngi jo eng; milimhei hnenga marim katui anro mankhut a kae. Ansena sik hlam a inpai inthlûk jo hei; hlam marō kha hromak jo hei, anmani’n kebi inhmulo hlam anhro jo.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

EZEKIEL 5:6

Tâk-kha Jerusalem in kei ṭongpek chunga arahe kase khana jât-hlop hei kanek a amanu ṭhatchet mak khana akimvea ka-om ram hlop hei kanek a ṭong juichet mak ti hi amalâr. Jerusalem in kaṭong pek ahlon sōt khana kadân jui sik a hnōm mak.

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

JOEL 2:13

Nanmalung akakōi khan nanchâmna kha malâr rasoh; nanpōn keihler rōk in latluk mak.” Rōngpu nan-Pathen hneng hong inle ruh. Ama chu lungset leh maritna kasip kae; dehratna anei khana aṭongtep anit; pha rakip a rangei mandamna sik a intluk khana karâkna pek mak a kae.

LEVI-DÂN 26:44

Kha’num, ankadōihei ram a an-omlai khan pui katluk a dahlonna leh suk manhmangna chu tlomak ning. Khanga enchu anmani leh kalei intepna khana kei anmani Pathen Rōngpu ka-ena kha amanbâng sik joa kae.

NAHUM 1:3

Rōngpu kha ahnuk nabeimak tâk-kha ama ratha kaneitak kae khana ṭhena kaneihei kha karâkna pek loa masō hêrmak. Rōngpu sena khan thlipui hong kahrâng; sûmphai hei hi akebōk vaiphinhei kae!

MIJAHEI 14:11

Rōngpu’n Moses hneng ati, “Hiva mihei hin heituk chenmo antahlonsōt sik eng? Ankâra ṭōn-inlak katamtak katlosōt jo’num, heituk chenmo antataksen mak sik eng.

MIJAHEI 14:41

Tâk-kha Moses’n ati, “Khan chu tûn heisik a mo Rōngpu ṭong nanta juimak? Nangni’n hmesō mak tin chei!

MIJAHEI 16:14

Nang in thlai ṭhatna ram a naṭhōi sik ung changmak khana hleipuk leh vomhrui rahōn napek sik ung changmak, khana tûnchu keini kahōn sik a a’ntluk che kae. Keini hongmak ning!”

ṬŌNTLOHEI 7:39

“Tâk-kha nipi leh nipuhei khan aṭong jui sik leikada hei; ama anlei hnengsōt khana khava kanek a Egypt a inle nôk sik macheng anleimadu.

ROMANHEI 9:15

Ajârchu ama’n Moses hneng, “Ke’n kamadudu chunga khan maritna kanei sik kae; ke’n kamadudu chunga khan lum lona kanei sik kae,” ati.

HEBREWHEI 12:25

Khava jâra ṭong kahripa ṭong kha nanthei kada makna sik insing thei ruh. Raleichunga rathla ṭong kapekpa inngeimak kha leitlânsōt tor mak. Kha achang inchu marvâna inphut ṭong jōng kahripa ṭong kha nirangei mak inchu heituk kakhe chet a tlânsōt a’ntak sik mo!

SAMUEL INKHATNA 12:22

Rōngpu’n inthenga intepna anei, nangni dahlon mak chei ning, ajârchu nangni hi ama mi manchang sik cheia intluk a kae.