NEHEMIAH 9:16 - LEKHARABU INTHENG (BSI)

¹⁶ Tâk-kha kanpu sōnhei kha inlensak hei khana anrahe kase, khana naṭong jui sik hnōm mak hei.

NEHEMIAH 9:16 ပူးပေါင်းရင်းမြစ်များ

RENGHEI INHNINA 17:14

Tâk-kha anmani’n aṭong juidek mak hei, anmani Rōngpu an-Pathen akataksenmak, anpu anpahei kapōa anracham kase.

THUHMINGHEI INHNINA 29:6

Nipusōnhei kha Rōngpu ni-Pathen hnenga taksenthei leichang mak hei khana ama madu makna kha anleitloa kae. Ama omna hmun kha anmani’n donmak heia hnung ansungsia kae.

THUHMINGHEI INHNINA 30:8

Anmani kapōa ṭong inngeimak changmak ruh, tâk-kha Rōngpu kha jui ruh. Rōngpu nan-Pathen in ahei tik a sik amanthengsōt Jerusalem Bek-inna hong ruh, khana nanchunga ahnuk anat nôk makna sik a kamuk ruh.

THUHMINGHEI INHNINA 36:13

Zedekiah khan Reng Nebuchadnezzar chunga adōi jâra ama’n Zedekiah kha rumhrat tak a ṭongpek ajuina sik a Pathen rahminga inhâksêrna amanneia kae. Ama khan Rōngpu Israel Pathen hneng ahong inhe sik leh malung athleng sik kha rahe kasetak a leihnōm mak.

NEHEMIAH 9:10

Nang in aram shung rengpa leh vaikarônhei leh mipui dōina sik a nang in ṭōn-inlak naleitlo hei, ajârchu anmani’n heituk-hrep a mo namihei kha anta-ôt hei ti nang in namanhret a kae. Khana tuning katlunga rahming ṭhatna nachen kha laka-om ṭhak a kae.

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 106:6

Kanpu kanpahei taleitlo kapōa keini’n setna kantlo jo; keini akadik mak leh akaṭhamak leikachang jo ung.

HLAHEI 81:8

Kamansena chei hi, kamihei, rangei ruh; Israel, kaṭong narangei sik hi heituk a kamadu che mo!

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

SŌKSŌT 32:9

Hiva mihei hi hingtuk hrep anracham kase ti hi kamanhret jo.

ṬONGCHÎK-HEI 29:1

Amandikna che kataia naracham namanse chet-chet inchu, ni khat chu nang anhrop neng sik chea kha heitik che’num ṭhamak jo che ning.

ISAIAH 48:18

“Nangni’n kaṭong pek chei hi ajui rōk nanjui inchu! Khan chu mahâmṭhatna kha nangni sik a akakang hêrmak kavadung kapōa kalōng sik! Torna kha nanhnenga kahong sik tuipui in-nông in tuipangting ahei inlet kapōa.

ISAIAH 48:4

Nangni nanracham kase sik thir ngara kangar sik chei khana sum-êng kapōa kasak sik chei ti kamanhret chei.

ISAIAH 63:10

tâk-kha anmani’n an-indōipui khana ama rathla intheng kha amalung anmanchâm pek. Khava jâra Rōngpu kha ankadōi hong kachanga anchunga re ajōng tloa kae.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

EZEKIEL 5:6

Tâk-kha Jerusalem in kei ṭongpek chunga arahe kase khana jât-hlop hei kanek a amanu ṭhatchet mak khana akimvea ka-om ram hlop hei kanek a ṭong juichet mak ti hi amalâr. Jerusalem in kaṭong pek ahlon sōt khana kadân jui sik a hnōm mak.

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.

DÂNRABU INHNINA 31:27

Heituk a ṭong inngeimak leh rahe kasehei mo ti hi kamanhret. Kei hringkhō shunga Rōngpu kadōia anrahe leikase, kathisōa chu kakhe chet a anrahe kase sik.

DÂNRABU INHNINA 32:15

“Rōngpu mihei kha kahao chet-chet hei, tâk anrahe kase; antak kha kathai jo khana sâk in a-ê jo hei ankasyempa Pathen kha anmasō jo, ratha kanei huksōtpa kha anhlonsōt jo.

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 9:13

“Rōngpu’n kahnenga ahri nôk, ‘Hiva mihei hi heituk a rahe kasehei mo ti ke’n kamanhret.

DÂNRABU INHNINA 9:27

Nasōk Abraham, Isaac khana Jacob mandonsōt hei roh khana hiva mihei êngsetna, ṭhatmakna leh setnahei khôksak pek mak hei roh.

DÂNRABU INHNINA 9:6

Nangni rahōi nansōk jâra hiva ram kaṭha hi Rōngpu’n apek chei changmak ti hi nanta manchên sik kae. Changmak, nangni rahe kase mi chei kae.

HEBREWHEI 3:13

Khava kanek a, nankâra tûte inkhat setna’n ahōn mathlâk makna sik leh amalung asak makna sik, ṭong inthenga “Tuning” inti kha eini chunga manngan achanglai seng nangni khat leh khat ani tina a’nthō nger sik chei kae.

HEBREWHEI 3:15

Ṭong intheng tahri kha hi kae: “Nangni’n tuning Pathen rasa nanthei inchu nanpusōn he’n Pathen anleidōi laia kapōa nanmalung mansak mak ruh.”