NEHEMIAH 9:1 - LEKHARABU INTHENG (BSI)

^1-2 Khava thla mama a ni 24 tluk ning Israel mipuihei kha anset jâra malung inrim malârna buhngōina sik a le’ntûp hei. Anmani kha ram hlop mihei seng leh inṭhendek jo hei. Anmani’n inrimna malârna inkhat a borapōn ansia anlua ravut anleiphi. Khava sōa anmani kangir heia anmani leh anpu anpa he’n anta leitlo setnahei kha anhrisōt manphut jo.

NEHEMIAH 9:1 ပူးပေါင်းရင်းမြစ်များ

SAMUEL INHNINA 1:2

Ajîng kania Saul rekur a inphut rether inkhat hong katlung. Amalung inrim malârna apōnhei akei hlera alua ravut ada. David hneng kasea kajatak a raleia inkun jo.

THUHMINGHEI INHNINA 20:3

Jehoshaphat kha ṭit-inpirna aneia Rōngpu hneng inthōpuina sik ader. Khava sōa ram pumpuia buhngōina sik a ṭong masōna anei.

THUHMINGHEI INHNINA 7:10

khana abân kania thla 7 tlukna kani 23 ning, Solomon in mipuihei kha an-innting atir male jo hei. Rōngpu’n Israel mipuihei leh David, khana Solomon hnenga mahâmṭhat apek heirakip jâra khan anmani le’npâk hei.

EZRA 8:21

Ahava Tuidung hnenga kankhenga kan-Pathen ângshunga buhngōina sik, insinsakna sik khana kanhlam hrona anichingna sik, kansahei leh kankarōi rakip chunga anihrung pekna sik a derna sik a ṭong kamasō jo.

EZRA 8:23

Khava jâra bu kanhngōia anihrungna sik ung derna kanleinei, khana kanderna animasôn pek ung.

NEHEMIAH 8:2

Ezra khan pase, nuhmei, naipang ṭong kalothei sik a katluk a akalen jo mipuihei intûpna hmun a khan Ezra’n ahei choi pek jo hei.

ESTHER 4:16

“Se roh, Susa shunga aka-om Jehudi seng mantûp hei roh; bu hngōi hei sona kei sik a aderpek hei rasoh. Sûn 3 leh jân 3 sâk leh in tlomak ruh. Kasōk nuhmeihei leh kei um khava kapōa kantlo sik. Khava sō leh dân in ahnōm mak ravâng, kei rengpa hneng kase sik eng. Hiva tlo jâra thi sik achang inum, kei kathi sik jo eng!”

ESTHER 4:3

Ramṭhen rakip a, reng ṭong masōna akathei jo hmun rakip a, Jehudihei kha ka-ông heia kaṭap jo hei. Anmani bu anhngōia, kaṭap hei, ṭajai ansuia ka-om hei khana akatam lang in borapōn ansia ravut kâra kaje jo hei.

JOB LEKHARABU 2:12

Anmani’n kahlajap a Job kha anheihmu, tâk ahme kha manhret tor mak jo hei. Anhei manhret pha, anmani ṭajai ansuia kaṭap jo hei, inrim heia anpōnsi ankeihler hei khana thli chunga leh anlu chunga vaiphin ankathek thlōna kae.

ISAIAH 22:12

Chunghnung Rōngpu’n akaṭap sik leh ṭajai kasui sik a, khan chu lu kavo leh borapōn akasi sik a abek chei.

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

LEVI-DÂN 23:39

Nansâng nankhôm pha, hiva revei hi ni 7 hmang ruh, thla 7 tlukna ni 15 ning phut ruh. Ahma inkei ning kha ahlop mônga châm inhngatna sik kae.

JOSHUA 7:6

Joshua leh Israel hlamkakeihei kha anmalung nat a anpōn ankeihler jo, Rōngpu Intepna Bôm hmaikunga inbok jo hei, anmalung inrengna malârna anlu chunga ravut ankanoa khōhlei katlung khan leika-om hei.

ṬONGPHÔNG 11:3

Khana khava kani 1,260 shunga Pathen ṭong thangkōi kahri inthangle sik, bora pōnse kasi sâkhi 2 ke’n kahei tir sik hei.”

ṬONGKATANHEI 20:26

Khan chu Israel mi rakip Bethel a kase heia ṭajai ansui nôk jo. Khana khan Rōngpu ângkunga khōhlei katlunga bu anngōia kae. Inlôikhômna inthoina leh apum a ro-inthoina, akhenga Rōngpu ângkunga antōk a kae.

SAMUEL INKHATNA 4:12

Benjamin phunga mi inkhat rehmun a inphut Shiloa katlâna khava ning bât khan katlung jo. Amalung inrengna kha malârna, apōn ader akei hlera alu chunga vaiphin ada a kae.

SAMUEL INKHATNA 7:6

Khan chu anmani ankhenga Mizpah a intûp jo hei. Tui ajing anthea Rōngpu hnenga inthoina inkhat a anleibun khana khava ning sûn nilun bu anhngōia kae. Anmani’n anti, Rōngpu dōina keini kaset jo ung.” (Hivahi Mizpah a Israelhei kâra innâk-insena, Samuel in intōk inchamna aleitlona kha kae.)