NEHEMIAH 8:8 - LEKHARABU INTHENG (BSI)

⁸ Mipuihei khan anmanhret theina sik a anmani’n Pathen Dân kha anbeia anmalesōt a anhri manchên pek heia kae.

NEHEMIAH 8:8 ပူးပေါင်းရင်းမြစ်များ

RENGHEI INHNINA 23:2

thempu leh sânkathemhei khana mi rakip sara leh haisa ṭhenloa ankhenga Bek-inna kase hei. Anmani ankhengpet hma kunga, rengpa’n Bek-inna antahmu ṭongtep lekha kha kare inshângtak a atei pek hei.

EZRA 4:18

“Nangni’n nantahei manrôn eng lekha kha anmalea kahnenga anteipek jo eng.

NEHEMIAH 8:12

Khava jâra mi rakip inna kase heia ningṭhat pum a ansâk an-ina mi ralak-hei leh antanei kha insem heia kae, ajârchu anhnenga antatei pek hei kha anmanhret joa kae.

NEHEMIAH 8:7

Khava sōa anmani katho heia khana anhmun et a kangir hei, khana athōia Levihei hin anhnenga dân kha anhri manchên pek hei: Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan khana Pelaiah hei seng.

NEHEMIAH 8:9

Dân khan heimo arangei ti kha anmani’n anthei pha, anmalung atôn joa ṭap anleiphut jo. Khava jâra ram vaikarônpa Nehemiah, thempu leh Dân kathem Ezra, Dân kahri inchên Levihei hin mipuihei anmanthei jo hei, “Hiva kani hi Rōngpu nan-Pathen sik a a’ntheng kae, khava jâra nangni ṭajaisui leh ṭapna nantanei mak sik kae.

NEHEMIAH 9:3

Pung 3 kapō hi anhnenga an-Rōngpu Pathen dân kha anleitei pek hei, khana abâna pung 3 khan ansetna anleihrisōt khana an-Rōngpu Pathen kha anleikamuk a kae.

EZEKIEL 46:10

Reng kha mipui he’n anhong pha kahong sik khana anmani’n ansōk pha ama’m kasōk sik.

HABAKKUK 2:2

Rōngpu’n hiva masônna hi apek eng: “Kabeitak a vōi khat ena teithei achangbâtna sik kamanhmu che rakip kha pi apek inkhat a inthenga mazet roh.

LUKE 24:27

Khana ama’n Moses lekha heia inphut sânkathemhei tamazet katlunga ṭong Intheng rabu rakip shunga achungchânga ale’nzet senghei kha aleihri manchên pek jo hei.

LUKE 24:32

Anmani 2 kha inbe heia, “Ama leh hlamlena nihe’n ṭhōisaplai, Ṭong Intheng ahri manchêna a’nbekpui me lai khan nimalung shunga hmei insûk angmak mo?” inti heia kae.

LUKE 24:45

Khava sō tōa Ṭong intheng kha anmanhretna sik anmalung amahlang pek jo hei,

ṬŌNTLOHEI 28:23

Khava jâra Paul leh kanikhō inkhat intep jo hei, khana kanikhō ajōng tluk pha Paul omna hmun a khan mi hingja kahong jo hei. Jîngkâra inphut jân katlung Pathen Rengram ṭong kha ahri manchên pek jo hei, khana Moses Dânrabu leh Sânkathemhei ṭong mazet hei aleipan a Jesu chungchânga anrahlâng theina sik le’nṭanga kae.