NEHEMIAH 8:3 - LEKHARABU INTHENG (BSI)

³ Kekot hnenga telaia khan khōvâra inphut sûn katlung dân kha ama’n atei pek hei, khana ankhenga malung kahluttak a anrangeia kae.

NEHEMIAH 8:3 ပူးပေါင်းရင်းမြစ်များ

NEHEMIAH 10:29

Pathen in asōkpa Moses hneng aleipek Pathen Dân dungjuia kahring sik ung khana khavakha kavōk-khōi inchu hâksêrna kanchen sik tia intepna inkhat thōia kanhlam kakeihei kha kanjui jo hei; khachu Rōngpu kan-Pathen in ṭong apek ung rakip kha kanjui sik; khana adân rakip leh arangei rakip kanjui sik tina kae.

NEHEMIAH 13:1

Moses Dân kha rasa kasōk a mipui hneng antei pha, Ammonhei leh Moab he’n Pathen mihei intûpna kâra area tlâk theimak hei ning tina ṭongrup kha anhmusōt jo.

NEHEMIAH 8:1

Thla 7 tlukna khan Israelhei kha ankhōpui et a khō anleisât jo. Khava thla ahma inkeipen kani ning anmani Jerusalema, Tui Kekot telaia anmani le’ntûp hei. Anmani’n Ezra thempu leh lekha kathemhei hnenga, Israelhei sik a Rōngpu’n Moses hnenga aleipek Dânrabu kha avalôna sik a anleider.

NEHEMIAH 8:18

Revei a’nphut ninga inphut a’nchai ning katlunga anmani’n Pathen Dân kha ani tina ṭhen khat sâm anleitei. Anmani ni 7 rehōi anleitlo, khana ni 8 tluk ning khan Dân dungjuia achaina nitna inkhat le’ntloa kae.

NEHEMIAH 8:4

Khava rōi sik a anta leisyem thing dokhâng chunga Ezra kha kangir. Athōia mihei hi ama changting kangir hei: Mattithiah, Shema, Anaiah, Uriah, Hilkiah khana Maaseiah hei seng; khana athōia hei hi aveiting kangir hei: Pedaiah, Mishael, Malchijah, Hashum, Hashbaddanah, Zechariah khana Meshullam hei seng.

NEHEMIAH 8:5

Ezra’n mipuihei kanek a inshângdet a dokhâng chunga angirlai ankhenga ama anlei en. Ama’n lekha kha amahlang lim leh anmani ankhenga kangirsōt hei.

MARK 12:37

David khet in ama kha ‘Rōngpu’ ati; kha achang inchu heikhong mo huksōtpa Messiah kha David sōn akachang thei sik?” Mipui katamtak in Jesu ṭonghri kha kahōia anleirangei.

LUKE 19:48

tâk khava tlona sik hlam leihmu tor mak hei, ajârchu mi rakip in aṭong hri kha rahme khatbek manhmang loa anlei rangeia kae.

LUKE 8:18

“Khava jâra heikhong mo nanta rangei insing thei ruh; ajârchu heikhat akanei kha inpeksa sik hei, tâk heite akaneimak kha ajingte anei tia amandon kapha losōtpek sik hei kae.”

ṬŌNTLOHEI 13:15

Moses dân a inphut leh sânkathemhei tamazet heia inphut teisōtna anneisō pha; intûpna innpuia vaikarônhei khan: “Sōpuihei, mathokna ṭonghri sik nannei inchu nanta hripek sik ung kanmadu,” tia ṭong anleimanthei hei.

ṬŌNTLOHEI 13:27

Ajârchu Jerusalema ka-om mihei leh anhlam kakeihei khan Jesu hi Huk inhringpa kae ti hi leimanhret mak hei, khana serning akaia antateisōt sânkathemhei ṭonghei kha’m manhret mak hei. Kha’num Jesu anlei masetna vâng khan sânkathemhei ṭong leihri hei kha hui anmathlunga kae.

ṬŌNTLOHEI 15:21

Ajârchu hmalaia inphut Moses Dân hi Châmhngat kani ning akaia intûpna inna ale’ntei ṭhak jo kae, khana aṭonghei hi’m khōpui rakip a ale’nhrile ṭhak jo kae.”

ṬŌNTLOHEI 16:14

Khava kanṭong hri kathei kâra inkhat kha Thyatira a inphut vapuirei pōna inveina katlo Lidya kae. Amanu kha Pathen inmuk nuhmei inkhat kae, khana Paul ṭonghri kha kaṭhatak a arangeina sik a Rōngpu’n amalung aleimahlang pek a kae.

ṬŌNTLOHEI 17:11

Khava hmun a ka-om mihei kha Thessalonica mihei kanek a anmalung le’ntheng. Anmani’n ṭong inhri kha malung kahluttak a anleirangei, khana Paul tahri kha akadik khet mo ti hmusōtna sik a nitina Ṭong intheng anleiteia kae.

ṬŌNTLOHEI 20:11

Khava sōa chungting kaketoua buhlom akhōia ansâk jo. Kani ahong sōk katlunga a’nbekpuisō heia, Paul in adahlon jo hei.

ṬŌNTLOHEI 20:7

Châmhngat kani ning khōhleia lenkhôm thlai kasasōm sik a le’ntûp ung. Ajing kani leh chu akase sik jo ung achang jâra mihei hneng khan jân ṭhangṭim katlung Paul in ṭong aleihri.

ṬŌNTLOHEI 28:23

Khava jâra Paul leh kanikhō inkhat intep jo hei, khana kanikhō ajōng tluk pha Paul omna hmun a khan mi hingja kahong jo hei. Jîngkâra inphut jân katlung Pathen Rengram ṭong kha ahri manchên pek jo hei, khana Moses Dânrabu leh Sânkathemhei ṭong mazet hei aleipan a Jesu chungchânga anrahlâng theina sik le’nṭanga kae.

DÂNRABU INHNINA 31:9

Khava jâra Moses’n Pathen Dân kha amazet a Rōngpu Intepna Thingbôm katinta levi thempuhei hneng leh Israel hlamkakeihei hneng apek hei.

THESSALONIANHEI INKHATNA 2:13

Khana keini’n ahei tik a Pathen kanmanpâk ṭhakna ajâr inkhat ka-om. Ti chu keini’n Pathen ṭong kha kanhei rôn pha, mihring ṭong changloa, Pathen ṭonghrikhet a nangni’n nanlei rahlâng, khavakha akadiktak kae. Ajârchu akataksen nangni kâra Pathen in ṭōn atlo kae.

JOSHUA 8:35

Moses Dân ṭongpek rakip Joshua’n a’ntûp seng, nuhmei leh naipang, khana ankâra ka-om jât-hlop hei hneng atei jo.

ṬONGPHÔNG 2:29

“Khava jâra nang in, kōr nanei inchu, Rathla’n bekrup-hei hnenga ahri kha rangei roh!

ṬONGPHÔNG 3:22

“Khava jâra nang in kōr nanei inchu, Rathla khan bekrup-hei hnenga ahri kha rangei roh!”