NEHEMIAH 8:2 - LEKHARABU INTHENG (BSI)

² Ezra khan pase, nuhmei, naipang ṭong kalothei sik a katluk a akalen jo mipuihei intûpna hmun a khan Ezra’n ahei choi pek jo hei.

NEHEMIAH 8:2 ပူးပေါင်းရင်းမြစ်များ

NEHEMIAH 10:29

Pathen in asōkpa Moses hneng aleipek Pathen Dân dungjuia kahring sik ung khana khavakha kavōk-khōi inchu hâksêrna kanchen sik tia intepna inkhat thōia kanhlam kakeihei kha kanjui jo hei; khachu Rōngpu kan-Pathen in ṭong apek ung rakip kha kanjui sik; khana adân rakip leh arangei rakip kanjui sik tina kae.

NEHEMIAH 13:1

Moses Dân kha rasa kasōk a mipui hneng antei pha, Ammonhei leh Moab he’n Pathen mihei intûpna kâra area tlâk theimak hei ning tina ṭongrup kha anhmusōt jo.

NEHEMIAH 8:18

Revei a’nphut ninga inphut a’nchai ning katlunga anmani’n Pathen Dân kha ani tina ṭhen khat sâm anleitei. Anmani ni 7 rehōi anleitlo, khana ni 8 tluk ning khan Dân dungjuia achaina nitna inkhat le’ntloa kae.

NEHEMIAH 8:9

Dân khan heimo arangei ti kha anmani’n anthei pha, anmalung atôn joa ṭap anleiphut jo. Khava jâra ram vaikarônpa Nehemiah, thempu leh Dân kathem Ezra, Dân kahri inchên Levihei hin mipuihei anmanthei jo hei, “Hiva kani hi Rōngpu nan-Pathen sik a a’ntheng kae, khava jâra nangni ṭajaisui leh ṭapna nantanei mak sik kae.

NEHEMIAH 9:1

Khava thla mama a ni 24 tluk ning Israel mipuihei kha anset jâra malung inrim malârna buhngōina sik a le’ntûp hei. Anmani kha ram hlop mihei seng leh inṭhendek jo hei. Anmani’n inrimna malârna inkhat a borapōn ansia anlua ravut anleiphi. Khava sōa anmani kangir heia anmani leh anpu anpa he’n anta leitlo setnahei kha anhrisōt manphut jo.

ISAIAH 28:9

Anmani’n kei chunga inphin hei. Anmani’n anhri, “Ama mi mantheina kha tu’n mo amandon pek sik? Ama ṭonghri kha tu’n mo arangei pek sik? Naidông veia alakahaibi hei sik rōk a akaṭha hrep kae!

MALACHI 2:7

Pathen kadik a manhretna kha mi manthei sik hi thempuhei ṭōn kae. Mipui he’n kei lungdo anmanhretna sik a anhnenga akase sik hei kae, ajârchu anmani kha Chunghnung Rōngpu ṭongkarônhei kae.

MIJAHEI 29:1

Thla 7 tlukna kanikhō hma-inkei ning, kamukna sik a intûp ruh, ṭōn tlomak sik kae. Khava ning pengkun chen sik hei kae.

ṬŌNTLOHEI 15:21

Ajârchu hmalaia inphut Moses Dân hi Châmhngat kani ning akaia intûpna inna ale’ntei ṭhak jo kae, khana aṭonghei hi’m khōpui rakip a ale’nhrile ṭhak jo kae.”

DÂNRABU INHNINA 17:18

Reng ahongchang pha, Pathen dân leh mantheina lekharabu inkhat levi thempuhei taleida lekharabu marōa inphut a’nsyemsōt kha anei sik kae.

JOSHUA 8:35

Moses Dân ṭongpek rakip Joshua’n a’ntûp seng, nuhmei leh naipang, khana ankâra ka-om jât-hlop hei hneng atei jo.