NEHEMIAH 5:13 - LEKHARABU INTHENG (BSI)

¹³ Khava sōa kakhōna kaleikhit katingsoi kha kalosōt a, kakathingsōt jo. Ke’n kati, “Hing’hin tu nanchang inum nan-intepna kajuimak kha Pathen in akathingsōt sik chei. Pathen in nan-innhei leh nantanei rakip alosōt sik khana heite inkhatbek dahlon mak ning.” Khana aka-om rakip in anhri, “Amen!” antia Rōngpu kha anleimanpâk a kae. Khana hlamkakeihei khan anṭong intepna kha anjui jo.

NEHEMIAH 5:13 ပူးပေါင်းရင်းမြစ်များ

RENGHEI INHNINA 23:3

Ama kha renghei kacho kung hnenga kangira Rōngpu juina sik a intepna anei jo, ama dânhei leh ṭongpek-hei juina sik, khana lekha shunga a’nzet kapōa, intepna shunga dân kha tlosōtna sik. Khana mi rakip in intepna kha juina sik a intep jo hei.

THUHMINGHEI INKHATNA 16:36

Israel Pathen, Rōngpu kha choi ka-ân ruh! Tun um aheitik a’m ama choi ka-ân ruh! Khava sōa mi rakip in “Amen,” anti, khana Rōngpu anmanpâk jo.

NEHEMIAH 8:6

Ezra’n ati, “Rōngpu akalen Pathen kha manpâk ruh!” Mipui seng khan anbân ankadom manshânga anleimasôn, “Amen, Amen!” anti. Anhmai ralei anhnget a anmarkhup anthlep a kae.

HLAHEI 119:106

Namansena akadik-hei kha kamatu manhnetna sik ka-ôrtak a ka’ntepna kha kajui sik.

HLAHEI 50:14

Manpâkna nantanei kha Pathen hneng nan-inthoina chang rasoh, khana nan-intepna rakip Chunghnung hneng pekna nei ruh.

HLAHEI 76:11

Na’ntepna kha na-Rōngpu Pathen hneng pek roh; akahnaia ka-om jât rakip in ahnenga kutchoi heichoi ruh. Mi rakip in anṭitna sik a Pathen in atlo;

ṬONGCHÎK-HEI 28:4

Dân kha nakaja mak inchu, nang kha akaṭhamak-hei langa kakop jo che; tâk najui inchu, mikaṭhamak-hei kahnōm mak che kae.

MI INTHEIPA 5:5

Intepna neia tlomak sik kanek a chu intepmak in kaṭhachet.

MIJAHEI 5:22

Hiva tui hi naphûmpui shunga hlutsona hong manpōr rasoh khana nanaikōk hei hong inkin hei rasoh.” Nuhmeinu’n amasôna ati sik, “Kei kahnōm eng, khava kapōhrep a Rōngpu’n tlo rasoh.”

MATTHEW 10:14

Khana innshung leh khōpui ṭhahrep in anrahlâng mak cheia, khana nanṭong anrangei mak inchu, khava hmun kha dahlon ruh khana nankepha a vaiphin kha kathing mathla ruh.

ṬŌNTLOHEI 13:51

Anchunga malung tlaimak jâra sonlehei khan ankea vaiphin kha ankathing mathlâk khum heia Iconiumting kase jo hei.

ṬŌNTLOHEI 18:6

Anmani’n achunga dōina leh ṭongse anhri pha ama’n atheikada a apōna vaiphin kha akathing thlōn heia hing’hin ahri pek hei, “Nangni nan-inhmang inchu, nanbinga maset nanta’nrôn sik kae! Ke’n mô kha rônmak ning. Tûna inphut chu Jât-hlop hei hneng kase sik jo eng.”

CORINTHIANHEI INKHATNA 14:16

Nangni’n Pathen hneng rathla vâng rōk manpâkna nannei pha, intûpna shunga a’nvei micham he’n heikhong mo nangni manpâkna derna chunga khan, “Amen,” antatipui sik chei? Anmani chu nanta hri kha manhret theina sik ahlam neimak hei.

SAMUEL INKHATNA 15:28

Samuel in ahnenga ati, “Tuning Israel rengram kha nahnenga inphut Rōngpu’n akeihler jo khana nang kanek a akaṭhadet mi inkhat hnenga apek jo.