NEHEMIAH 12:1 - LEKHARABU INTHENG (BSI)

¹ Athōia hei hi rehring sura inphut Shealtiel sapa Zerubbabel khana Thempu Kalen Joshua leh ahe’nle hei man-gôrna kha kae: Seraiah, Jeremiah, Ezra, Amariah, Malluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, khana Jedaiah. Joshua phat a hiva mihei hi anthempu changpui hei kâra hlamkakeihei kha kae. Athōia hei seng hi manpâkna hlasakna manngan hei kae: Jeshua, Binnui, Kadmiel, Sherebiah, Judah khana Mattaniah.

NEHEMIAH 12:1 ပူးပေါင်းရင်းမြစ်များ

EZRA 3:2

khana Jehozadak sapa Joshua, aloi thempuhei, Shealtiel sapa Zerubbabel, khana ama u leh naihei leh Pathen mipa, Moses Dân shunga a’nzet dungjuia ro-inthoina tlotheina sik a Israel Pathen sik maichâm inkhat ansak manther jo.

EZRA 3:8

Khava jâra Jerusalem Bek-inn hmun a anhong inlena thla hni tlukna, ṭōntlo kha anleiphut jo. Zerubbabel, Joshua khana aralak anram mihei seng, thempuhei, Levihei, Jerusalema ahong inle rehring sur hei seng ṭōn tlona le’nveisa hei. Levi mi kum 20 leh achung hei seng kha Bek-inn sak mantherna ka-ensuia anlei manṭang hei.

EZRA 4:2

Khava jâra Zerubbabel leh phungṭhen alu kachang hlamkakeihei inhmupui sik a vakase heia anti, “Bek-inn sak nôkna kha bôm chei rung. Nangni takamuk Pathen kha keini’m kankamuk, khana hiva hmun a omna sik a ani heikatir Assyria rengkalen Esarhaddon pha khana inphut inthoina kanta heitōk ṭhak jo kae.”

EZRA 5:2

Shealtiel sapa Zerubbabel leh Jehozadak sapa Joshua he’n anṭong kha anthei pha, Jerusalema Bek-inn kha sak anphut nôk jo, sânkathem 2 he’n an-inthōpui hei.

NEHEMIAH 11:36

Judah ram shunga aleika-om Levi rup ahlek chu Benjaminhei leh an-omsapna sik a ṭong le’npek hei.

NEHEMIAH 12:10

Joshua kha Joiakim pa kae; Joiakim kha Eliashib pa kae; Eliashib kha Joiada pa kae;

NEHEMIAH 7:7

Anhlam kakeihei kha Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, khana Baana hei seng hi kae.

HAGGAI 1:1

Persia rengkalen Darius vairônna kum 2 tlukna shunga thla 6 tlukna kani hmakakei ning, Rōngpu’n Haggai sânkathem kha ahmanga ṭong ajōng hri. Aṭong khachu Judah ram vaikarônpa, Shealtiel sapa Zerubbabel leh Thempu Kalen, Jehozadak sapa Joshua sik a kae.

HAGGAI 1:12

Khana Babylona rehring sura anlei oma inphut ahong inle jo mihei khana Zerubbabel leh Joshua khan Rōngpu an-Pathen in tlo sik a ahrina kha antlo joa kae. Anmani kha ṭitna aneia Rōngpu sânkathem Haggai ṭong kha anjuia kae.

HAGGAI 1:14

Bek-inn sakna sik a Rōngpu’n mi rakip amathok jo hei: Judah vaikarôn Zerubbabel; Thempu Kalen Joshua, khana rehring sura inphut ahong inle hei rakip. Anmani khan an-Pathen Chunghnung Rōngpu Bek-inn sakna ṭōn kha anmanphut jo,

HAGGAI 2:2

Ama’n Haggai kha Judah vaikarôn Zerubbabel, Thempu Kalen Joshua khana mipuihei hnenga avahri sik kha amanthei jo,

ZECHARIAH 6:11

Anmani tapek sana dangka seng vânga lenlukhu inkhat syem roh, khavakha Thempu Kalen, Jehozadak sapa Joshua luchunga mankhu roh.