NEHEMIAH 1:9 - LEKHARABU INTHENG (BSI)

⁹ Tâk-kha nangni’n kahnenga nanhei inhea khana kaṭong pek chei kha nantlo’nchu, nangni raleichung inchaina katlunga nanlei inchek ṭhen jo’num kei kamukna sik a kakadeisōt hmun a khan kaheiṭhōi nôk sik chei.’

NEHEMIAH 1:9 ပူးပေါင်းရင်းမြစ်များ

RENGHEI INKHATNA 8:48

Khava ram a khan kadik leh inthengtak a an-insir inchu, khana hiva kanpu sōnhei hneng naleipek ram, nakadeisōt khōpui, khana ke’n nang sik kasaksōt hiva Bek-innting hin anhmai anhei hnget a ander inchu,

RENGHEI INKHATNA 9:3

Rōngpu’n ahnenga ati, “Naderna kha kathei jo. Nang in nasaksōt Bek-inn hi ahei tik a kei kamukna sik a kaman thengsōt jo. Ke’n ahei tik a ka-ensui ṭhak sik khana kahrung ṭhak sik.

THUHMINGHEI INKHATNA 16:35

Ahnenga ti ruh, “Eh Pathen kankahukpa, ahuk roh; keini amantûp roh; jât-heia inphut ahuksōt roh, narahming kanmanpâkna sik leh kanchoi ka-ânna sik a.”

EZRA 6:12

Jerusalem kha ama kamukna sik a indeisōt Pathen khan, reng leh jât ralak anchanga, hiva ṭongpek hi vōkkhōina sik akatlo leh khava hmun a Bek-inn manhmangna sik akatlohei kha suk manhmang rasoh. Hiva ṭongpek hi Darius ke’n kapek kae. Hivahi pui katluk a jui sik kha kae.”

HLAHEI 106:47

O Rōngpu, kan-Pathen, ahuk roh, jât-hlop hei kâra inphut keini aṭhōi male nôk roh, keini’n narahming kha kanchoi ka-ân theina sik leh kanmanpâk theina sik che.

HLAHEI 107:3

nisō tlaitlâk, sak leh thlang, miram a inphut aheiṭhōi male jo chei.

HLAHEI 147:2

Rōngpu’n Jerusalem kha aphun ther nôk; hnongsōt a leika-om hei kha aheiṭhōi male nôk hei.

ISAIAH 11:12

Ralei rakir manlia ami Israelhei leh Judah mi a’nchek a ka-om hei kha avea aheiṭhōi mantûp sik hei kha Rōngpu’n jât-hei hmun a sik chîkna pōnlek inkhat atârsōt sik.

ISAIAH 27:12

Khava kani ning khan, Euphrates tuidunga inphut Egypt ramri katlunga, Rōngpu’n amipuihei, inkha-khat a, sarahmu leh sarasi ṭhen kapōa aṭhen mantûp sik hei.

ISAIAH 56:8

Hnongsōt a aka-om ami Israelhei inna anhei kaṭhōi inlepa, Chunghnung Rōngpu’n mi ralak he’m anmani leh a’nchun sik a alaheiṭhōi sik hei tia ahri.

JEREMIAH 12:15

Tâk-kha ke’n anmani kaṭhōisōt sō hei pha, anchunga kalungset sik hei; khana jât rakip ke’n anram et a kaṭhōi male sik hei.

JEREMIAH 3:14

“Taksenthei kachangmak mihei, hong inle ruh; nangni kami chei kae. Khōpui rakip a mi inkhat ṭim, khana phung rakip a mi 2 ṭim kakadei sik chei, khana ke’n Zion Tlânga kaheiṭhōi male sik chei.

JEREMIAH 31:10

Rōngpu’n ahri, “Jât-hei, kaṭong hri hi rangei ruh khana kaṭonghei hi akahlatak tui-ôngpui pang heia vahri manthang ruh. Ke’n kamihei kaleichai kathek hei, tâk-kha ke’n kamantûp nôk sik hei, kemōng kakhem inkhat in ankemōnghei akhem kapōa kakhem sik hei.

JEREMIAH 32:37

Ke’n ram rakip a kamihei, kahnuknat leh kahnuk inthak jâra kavor kachek hei seng kha hiva hmun a hin kakhôm manchun sik hei, khana anmani hiva hmun a hin kaheiṭhōi male heia inhuktak a kaman om sik hei.

JEREMIAH 6:22

Rōngpu’n ahri, “Sakram tinga mipui kahong jo hei, ram kahlatak a ratha kaneitak jât-hei re sik a intluk jo hei.

EZEKIEL 14:6

“Tûnchu Chunghnung Rōngpu ke’n Israel hnenga kahri hi manthei hei roh: hong inle ruh khana mater ka-om nanlimsyem hei kha dahlon hei ruh.

EZEKIEL 36:24

Ke’n jât-hlop heia leh ramlak heia inphut kalosōt sik chei khana nanrama kaheiṭhōi male sik chei.

LEVI-DÂN 26:3

“Kei dân dungjuia nanhringa kaṭong pek nanjui inchu,

ZECHARIAH 8:7

Kamihei rehringa leiṭhōisōtna ramheia inphut kahuksōt sik hei,

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

DÂNRABU INHNINA 12:21

Kamukna sik hmun kha ahlarei inchu, nanmaduna hmuntina, Rōngpu’n apek chei ran a-emak leh kemōng nanthat theia kae, khana ahme kha nan-inna, kamanthei chei kapōa, nansâk thei sik.

DÂNRABU INHNINA 12:5

Nanphung rakip hei ram shunga khan Rōngpu’n hmun inkhat akadei sik khana khan mipuihei ama hmaikunga akahong heia antakamuk sik kae.

DÂNRABU INHNINA 30:1

“Tûn ke’n vângṭhat leh hâksêr kadeina sik a kapek jo chei. Hivaseng hi nanhnenga asōk pha Rōngpu nan-Pathen in inchek-chaia adana chei jât-hei kâra nan-om pha, ke’n kadei sik a kapek chei hi nanhei mandonsōt sik.