NEHEMIAH 1:3 - LEKHARABU INTHENG (BSI)

³ Anmani’n antamanthei eng khachu khava akahringa aka-om hei khana an-inn ramting ahong inle hei kha khōdeng katheitak a ka-om hei, khana anhnenga aka-om ram hlop mihe’n anhnōise hei tia anleihri. Anmani’n anhrisa a, Jerusalem bang kha kakōia laka-om ṭhak khana akekot-hei kha anro mankâng ninga inphut lasyemsōt mak hei anti.

NEHEMIAH 1:3 ပူးပေါင်းရင်းမြစ်များ

RENGHEI INKHATNA 9:7

khan chu ke’n kaleipek hei ram a inphut kami Israelhei kalosōt sik hei kae. Khana kei kamukna sik a kaman thengsōt hiva Bek-inn hi’m kadahlon sik kae. Hmuntina mihe’n Israel hi ṭongsaina annei sik jo khana hnōisetak a antlo sik jo.

RENGHEI INHNINA 25:10

aremi he’n khōpui bang kha anvōk khōisō.

THUHMINGHEI INHNINA 36:19

Ama’n Bek-inn leh khōpuihei hmei aleiro hei, reng-innpuihei leh karōihei seng khana khōpui bang aleivōk-khōi hei.

EZRA 2:1

Rehring surmi katamtak Babylon ram andahlona Jerusalem leh Judah ram a ankhenga ankhōpui et a hong inle jo hei. Reng Nebuchadnezzar in rehring sura aṭhōina heia inphut Babylona an-innshung ankhenga vaka-om jo hei.

EZRA 5:8

“Reng Kalûr in namanhret sik kae khachu keini Judah ramṭhen shunga vakase jo ung Pathen kalen Bek-inn hlung kalen tatak vânga antasak leh abang heia thingtlōn antakhang hei kha kanvahmu jo. Ṭōn hi kasing tak a leh injentak a antloa kae.

NEHEMIAH 11:3

Khōpuite leh khōpui ralak-heia Israel mihei, thempuhei, Levihei, Bek-inn kasak hei khana Solomon sōk-hei sōn leh pârhei kha ankhōpui et a anbing karōi vânga leika-om hei. Athōia hei hi Jerusalema aka-om Judah ram shunga hlamkakeihei kha kae: Zechariah tupa, Uzziah sapa Athaia. Ama apusōn ralak-hei kha Amariah, Shephatiah, khana Mahalalel, leh Judah sapa Perez hei kha inveisa hei.

NEHEMIAH 2:13

Tlaitlâk tinga Phaicham Kekot a inphut khōpui kha kadahlon pha khō la’nthim ṭhak a kae khana thlâng ting kase unga Rihren Tuiripût kanpetana Akachok Kekot ting kase ung. Khanga kanselai, khōpui bang kakōi leh hmei in aleikâng jo kekot kha ka-en lele heia kae.

NEHEMIAH 2:17

Tâk-kha tûnchu ke’n anhnenga kahri, “Enruh eini hi heituk a khōdeng theina aka-om jo me mo, ajârchu Jerusalem hi inhmanga ka-om jo, khana akekot-hei hi’m ansuksetsō jo hei! Khōpui banghei hi sakmanther jo hei rih, khana ni-inzakna hi manbâng jo rih.”

NEHEMIAH 2:3

kalei masôn, “Reng Kalûr ahei tik a hringṭhak roh! Heikhonga mo kanpu kanpahei leivûmna khōpui inhmang leh akekot hmei takângsō jo kha malung kachâmtak a ka-ena aka-om tor sik eng?”

NEHEMIAH 7:6

Rehring surmi katamtak in Babylon ram kha andahlona Jerusalem leh Judah a ama ama khōpui et a hong inle hei. Reng Nebuchadnezzar khan rehringa aleiṭhōi heia inphut an-innkōhei kha surmi kachang heia miram a leika-om jo hei.

ESTHER 1:1

Persia reng khōpui Susa a areng in-ongna inphut Reng Xerxes in India ram a inphut Ethiopia ram katlunga aka-om rengram 127 chunga vai aleirôn.

HLAHEI 79:4

Kansir kanpanga ka-om jât he’n inzak anpek ung; anmanuisō ung, sem anmanlo ung.

ṬONGCHÎK-HEI 25:28

Nahnuknat na’nsur tor mak inchu kurbang kaneimak khōpui kalen atloje ka-om mak, mihei buhlu theina, inhlângpet a ka-om kapō che kae.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

ISAIAH 5:5

Ke’n kavomhrui rahōn chunga katlo sik kha hi kae; akimvea rape kalosōt sik, akhârna hlung bang hi kavōk manchim sik, ramsha he’n sâk jo hei sona chōn rachi jo hei rasoh.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 39:8

Khava lai khan Babylon mihe’n reng-innpuihei leh mipuihei innhei kha hmeia anro heia Jerusalem kurpui banghei kha ansuk manchim jo hei.

JEREMIAH 42:18

“Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

JEREMIAH 52:14

aremi he’n khōpui kurbanghei kha anvōkkhōi jo hei.

ṬAJAISUINA 1:7

Binga ka-om a’nhmangsō jo Jerusalem in tunchu hmalaia alûrna kha amandonsōt jo. Aka-en kadahei kut a atlûk pha, ama inthōpui sik tûte leiom mak hei; amanu tlâksukna kha akator he’n anmanuisōa kae.

ṬAJAISUINA 2:9

Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n Rōngpu a inphut hmangtalâr hmu nôk mak jo hei.

ṬAJAISUINA 3:61

“Kei inzakna antapek eng kha nathei hei, O Rōngpu; nang in anmantlukna rakip namanhret a kae.

ṬAJAISUINA 5:1

O Rōngpu, kanhnenga akasōk hi mandonsōt roh, Ajōng en ung ina, kan-inzakna hi ahmupek ung roh.

LEVI-DÂN 26:31

nankhōpui kha kamanhmang sik, nan-inthoina hei kha rahlâng mak ning.

LEVI-DÂN 26:33

Nanchunga re kamasō sik, mihei ram a kaman chek-chai sik chei. Nanram kha nandahlon sik, nankhōpuihei inhmanga ka-om sik hei.