NAHUM 1:8 - LEKHARABU INTHENG (BSI)

⁸ Tuishâng kalen ahongtlen inhnak kapōa ama ka-en kadahei amanhmangsō hei; ama kadōihei kha thina apek heia kae.

NAHUM 1:8 ပူးပေါင်းရင်းမြစ်များ

JOB LEKHARABU 30:15

ṭitna khan akatōm sō eng; kachunga kajana kha thli kapōa inhmang jo, kakarōi seng sumtuk kapōa kajōng jo.

JOB LEKHARABU 40:11

A’nlensak hei kha en hei roh; nahnuk natna kha heisun mathlâk ina anmani kha mansinsak hei roh.

ṬONGCHÎK-HEI 4:19

Kachanga mikaṭhamak-hei hlam khachu jân kapōa inthim, katlu hei, khana an-inpai inthlûkna kha hmutor mak heia kae.

ISAIAH 13:10

Ârsi khana ârsi rup-hei akavâr hei kha vârmak jo hei ning, khana kani ahei sōk pha inthim sik, khana thla kha’m vârmak jo ning.

ISAIAH 13:9

Raleichung suk mansetna sik leh mikaset-hei suk mansetna sik a ama hnuknat khôkna leh hnuk inthakna kani, Rōngpu kani kha kajōng jo.

ISAIAH 28:17

Ṭongtan kadik kha innhmun kahnet sik a temantōkna hrui kachang sik, khana malung intheng kha anṭōn enmansinna thirhlom hrui kachang sik.” Na’nhngatna maleisei rakip kha thli leh kahre inthōna khan asêm manjōng sik jo, khana nang inhrungna kha tuikalen in asuk manhmang sik jo.

ISAIAH 28:18

Thina leh inhnōmna nantasyem kha la’nhmang sik, khana thina vânhnōi leh inhnōmtōna kha senathei mak jo ning. Suk manrimna ajōng pha nangni akatōm sō sik jo chei.

ISAIAH 28:2

Rōngpu’n ratha kaneitak akahrat anmani kabuhlu sik a a’ntluk mi inkhat anei, thlipui, khō leh kahre inthō inkhat kapōa, khō kasûr inhnak kapōa, tuitlân inhnak leh heirakip akachûmsō kapō mi inkhat kae, khana raleichung asuksetsō sik kae.

ISAIAH 8:22

khana ralei thōiting an-en sik, tâk khō inthim leh inchokna, ṭit ka-om khō kajingpak shunga ṭhōi manhlutna tei loa heite hmumak hei ning.

JEREMIAH 13:16

Rōngpu nan-Pathen kha kaja ruh, ama’n khō amanthim mak hma hin, khana tlângbung heia nan-inpai mak hma hin; nan-inhōrna vâr kha khō inthimpak amanchang pek mak hma chei hin.

JEREMIAH 51:64

khana hri roh, ‘Hivahi Babylona akasōk sik omchen kha kae, Rōngpu’n Babylon chunga suksetna amathlung sik jo jâra khan ama kha katla inhlut sik a kha heisōksōt hêrmak jo ning.’” Jeremiah ṭonghei kha hin achai jo.

EZEKIEL 13:13

Tûnchu hivahi Chunghnung Rōngpu tahri kha kae, “Kahnuknat a nanchunga thlipui kamanhrâng sik, khō kamansûr sik, bang kha suk manhmangna sik kahre kamathlâk sik.

DANIEL 11:10

“Syria rengpa sahe’n re tlo sik a intluk sik hei, remi katamtak anmantûp sik hei. Ankâra inkhat in tuishâng kalen inkhat kapōa inranga kase sik, inrepuihei rekur inkhat asukkhōi sik.

DANIEL 11:22

Ama kadōi rakip, Pathen Thempu Kalen katlung um, suk manhmang sik hei kae.

DANIEL 11:40

“Syria rengpa kha ahong inchai sik jo pha, Egypt rengpa’n ama chunga re aheitlo sik, khana Syria rengpa’n aratha neina rakip asonga shakor gâri, shakor leh tuirakōng katamtak ahmang sik. Ama’n tuikalen kapōa, rengram katamtak a re asō sik.

DANIEL 9:26

Khava pha a’nchai leh Pathen takadeisōt hlamkakei kha dikmaktak a anmahera anthat sik. Khōpui leh Bek-inn kha ratha kaneitak vaikarôn remi he’n ansuk manhmang sik. A’nchaina kha Pathen in amantluksa re leh suk manhmangna ahei rôn kha tuikalen kapōa kahong sik.

AMOS 8:8

Khava jâra, ralei innok sik, mi rakip anmalung inreng sik. Ram pumpui innok sik; Nile tuidung kapōa kaketou sik, kaṭumsuk sik.

NAHUM 1:1

Hivahi Elkosh khōa ka-om Nahum hmangtalâra Nineveh chunga aleihmu ṭong kha kae.

NAHUM 2:8

Tui tingna ngoi akōi pha tuikayâm kapōa Nineveh a inphut mihei katlân jo hei! “Inhnga ruh! Inhnga ruh!” tia rasa ka-ông hei, tâk-kha tûte inlemak hei.

ZEPHANIAH 2:13

Rōngpu’n Assyria mihei thatna sik arathahrat ahmang sik. Nineveh khōpui kha amanram sik, tui ka-om mak nêrdiram amanchang sik.

MATTHEW 7:27

Khō kasûr, tuidung kalen, khana thlipui kahrâng khan inn kha akanok manhnak jo, khana katlu jo. Khana apur kha heituk a a’nhnak hranghra jo mo!”

MATTHEW 8:12

Tâk Rengram a aka-om sik mihei kha inthimna shunga anhlonsōt sik hei, khana khan kaṭap sik hei khana anha ankarôt sik jo,” ati.

SAMUEL INKHATNA 2:9

“Ama’n taksenthei kachang mihei hringkhō kha ahrung, tâk mikaṭhamak-hei khachu inthim thōia inhmanghei; mi inkhat hi arathahrat vânga hme asō changmak.