NAHUM 1:7 - LEKHARABU INTHENG (BSI)

⁷ Rōngpu kha akaṭha kae; amihei khōdengthei pha ahuk hei, ahnenga ahong kahlut hei kha kaṭha a-ensui hei.

NAHUM 1:7 ပူးပေါင်းရင်းမြစ်များ

THUHMINGHEI INKHATNA 16:34

Manpâkna kha Rōngpu hneng pek ruh, ajârchu ama kha akaṭha kae; ama lungsetna kha aheitik a kae.

THUHMINGHEI INKHATNA 5:20

Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

THUHMINGHEI INHNINA 13:18

Khang’khan Judah mihe’n Israel chunga re antor jo hei, ajârchu anmani anpu sōnhei Pathen Rōngpu hnenga inhnga heia kae.

THUHMINGHEI INHNINA 32:11

Keini ratha neina inphut Rōngpu nan-Pathen khan ahuk sik chei tia Hezekiah khan amanthei chei, tâk-kha Hezekiah khan ahōn chei kae khana vonṭâm leh tuihrea athat sik chei kae.

THUHMINGHEI INHNINA 32:21

Assyriahei remi leh anṭōn karônhei kathat sik a Rōngpu’n ngeva ajōngtir jo hei. Khava jâra rengkalen kha inzaktak a Assyria ting inle jo. Ni khat chu apathen bek-inna aleiomlai asapa he’n chemjâm vânga anleituk that jo.

THUHMINGHEI INHNINA 32:8

Ama’n mihring ratha anei, tâk-kha eini chu nire katuk sik a Rōngpu ni-Pathen kha ninei.” Mipuihei kha hiva anrengpa ṭong hin mathokna anei jo hei.

EZRA 3:11

Anmani’n Rōngpu manpâkna hla ave-avea anmalet a hinga ansak: “Rōngpu kha kaṭha, Israel alungsetna kha kumleikōa kae.” Mi rakip in antor chenna kapeng heia Rōngpu kha anmanpâk, ajârchu Bek-inn sakna sik innhmun andeng manphut jo.

HLAHEI 1:6

Mikadik-hei kha Rōngpu’n hlam akei hei khana ahrung hei; Tâk-kha mikaṭhamak-hei chu inrengna hlam anhroa kae.

HLAHEI 100:5

Rōngpu kha akaṭha kae. alungsetna hi kumleikōa kae khana ama taksen theina hi ahei tik a ka-om.

HLAHEI 20:1

Nakhōdengthei pha Rōngpu’n masôn che rasoh! Jacob Pathen khan hrung che rasoh!

HLAHEI 25:8

Ajârchu Rōngpu kha akadik leh akaṭha kae; ama’n mikaset-hei kha antajui sik hlam amanthei hei.

HLAHEI 27:5

Khōdeng theina a-om pha ama’n in-ungna apek sik eng; Abek-inn shunga ama’n kei kahōia ada sik eng khana hlungpui inshâng chunga akahuk a ada sik eng.

HLAHEI 37:39

Rōngpu’n mikadik-hei kha asan hei; khana inrengna pha ahuk hei.

HLAHEI 37:40

A’nthōpui hei khana ahuksōt hei; mikaṭhamak heia inphut ahuk hei, ajârchu huksōtna madu jâra ahnenga kahlut heia kae.

HLAHEI 46:2

Khava jâra ralei a’nnok inum, hmebunghei tui-ôngpui shunga anhlutsō jo’num;

HLAHEI 50:15

Nan-inreng pha leh kei eibe ruh; kahuk sik chei, khana nantamanpâk sik eng kae.”

HLAHEI 59:16

Tâk-kha kei chu nahratna kha hla vânga kasak sik; jîngkâr katai nalungset inthlengmak kha hla vâng inshângtak a kasak sik. Nang chu kei inthupna leikachang che, kalei inrenglai katlungna leikachang che.

HLAHEI 71:3

Nang, inhukna, in-ungna leh akahnet karekur achang pek roh; Nang ka’n-ungna leh anikasen che kae.

HLAHEI 86:7

Khōdeng kathei pha heia kabek che, ajârchu kaderna hei kha namasôn eng.

HLAHEI 9:10

Rōngpu, nang inhret mihei khan antaksen sik che; nahnenga akahong tûte dahlon mak che.

HLAHEI 91:15

Anmani’n anibek pha kamasôn sik hei; khōdeng anthei pha kathlop sik hei. Ke’n kahuk sik hei khana kajana kanei sik hei.

ṬONGCHÎK-HEI 18:10

Rōngpu chu repa hngakna berte kahnettak kha kae, mikadik he’n ṭongpek a inthupthei hei khana inhukthei hei.

ISAIAH 25:4

Sara inṭangpui kaneimak he’n nahnenga hong katlân hei khana inrengna pha inhukna annei che. Thlipui thlihrem kâra leh sûn kani kalum thōia in-ungna napek hei. Mi kakhôk he’n phebi thlipui kapōa mi anbuhlu hei,

ISAIAH 32:2

Anmani inkhat et kha thlipui khōpui kâra mihei inthupna leh thlihrâng pha in-ungna ka-ang sik hei. Anmani kha nêrdiram a kavadung leh ramhânga hlungpui ka-ang sik hei.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 17:17

Kei inpirna kha achang pek mak roh; inrengna ahong pha leh ka’nthupna hmun kha nang che kae.

JEREMIAH 24:5

“Israelhei Pathen, Rōngpu ke’n kamandon khachu Babylona antakei mihei kha theichang kaṭha kapō hei kae, khana ke’n anmani kha lungset a karazen sik hei.

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

ṬAJAISUINA 3:25

Rōngpu kha ama kataksen rakip hnenga akaṭha kae,

DANIEL 3:28

Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 6:23

Rengpa kha inpâk hêr joa shabakkai rōng shunga inphut Daniel kha keisōtna sik ṭong apek jo hei. Khava jâra anmani’n Daniel ankeisōt a, Pathen ataksen jâra ama heite a’ntônmak kha anhmu jo.

JOEL 3:16

Zion Tlânga inphut Rōngpu heika-ông; Jerusalema inphut arasa inhnaktak a hei intlir; ralei leh thangvân innok. Tâk amihei chu ahrung sik hei.

ZEPHANIAH 3:12

Khana khan kei inthōpui sik a akahong sik malung innem leh a’nsinsak mihei kha kada sik hei.

MATTHEW 27:43

Ama’n Pathen ataksen khana Pathen sapa eng kae atia kae. Kaṭha jo, en jo rih, Pathen in ahuk hnōm sik mo!”

MATTHEW 7:23

Khava pha ke’n anhnenga, ‘Manhret hêrmak chei eng. Kahnenga inphut sesōt ruh, mikaṭhamak-hei!’ kati sik.

JOHN 10:14

Kei kemōng kakhem kaṭha eng kha kae. Ke’n Pa kamanhret a, Pa’n kei amanhret eng kapōa, ke’n kakemōnghei kamanhret hei khana kakemōng he’n kei ani manhret. Khana kei anmani sik a kathi ngam eng.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

ROMANHEI 11:22

Hinahin eini’n Pathen kha heituk a lungsetna anei khana heituk a kakhôk mo ti nihmusōt a kae. A’npai inthlûk hei chunga khôk sakna anei; tâk nangni alungsetna shunga nan-om ṭhak inchu, alungset ṭhak sik chei. Tâk-kha khanga achangmak inchu, nangni’m amathlek sik cheia kae.

GALATIANHEI 4:9

Tâk tûnchu nangni’n Pathen kha nanmanhret jo, Pathen in nangni amanhret jo chei kati sik, khan chu heikhonga mo akatlasam leh heite kaemak vaikarôn rathlahei hneng inle nôk sik a nanta madu? Heisa mo anmani sōk chang nôk sik nanta madu?

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”