MICAH 7:9 - LEKHARABU INTHENG (BSI)

⁹ Keini Rōngpu kadōia setna kanleitlo jo, khava sik a tûnchu pha chomkhat sik a ahnuk natna kha kantade sik kae. Tâk-kha achaina ting chu ama’n keini ahrung sik ung khana kanchunga ṭhenahei kha amandikpek sik ung. Khōvâr hmun a aṭhōi sik ung, khana ama huksōtna kahmu theia kahring sik ung.

MICAH 7:9 ပူးပေါင်းရင်းမြစ်များ

SAMUEL INHNINA 24:17

David in mikathat ngeva kha ahmu, khana Rōngpu hneng ati, “Kei akaṭhe eng kha kae. Akadik mak katlo kha kei eng kae. Hiva misarahei hin heimo antatloa? Kei leh ka-innshung jôk nakarâk sik ung kae.”

JOB LEKHARABU 23:10

Achang inum Pathen in kei kethon rakip amanhret; ama’n a-enmansin eng inchu, inthenga ka-omje hi amanhret sik.

JOB LEKHARABU 35:14

Job, nang in Pathen kha hmutor mak eng nati; tâk-kha hngâk-hla hêrloa om roh, naṭong kha akut chunga ka-om jo.

HLAHEI 119:154

Kei langa inṭang ina, amasōsōt roh; naṭongtep kapōa eihuksōt roh.

HLAHEI 37:6

ama’n nadikna kha sûnṭim kanivâr kapōa amanvâr pek sik che.

HLAHEI 43:1

Eh Pathen, ṭhenakase kachang amalârpek roh, khana Pathen kaṭitmak heia inphut ahuk roh; mikaṭhamak-hei leh malei kasei heia inphut akatlensōt roh!

HLAHEI 7:6

O Rōngpu! hnuknat pum a hongthōi roh. Kei inrepuihei hnuk setna kadōi sik a ngir sōt roh; nabinga hongthōisōt ina a’nthōpui roh, ajârchu nang tamadu khachu ṭongtan kadik kha kae,

HLAHEI 94:15

Ṭongtan hmun heia akadik kha inhmusōt nôk sik, khana mikadik rakip hei khan anmajôm sik.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 42:7

Nangni’n hmitkachohei hmit nanmanvâr pek sik hei khana kurkhum inthima a’n-ong hei kha nanmasō sik hei.

ISAIAH 46:13

Ke’n retorna kani kha kahnaitek a kahei rôn sōt sik khavakha akahlatak a ka-om chang hêrmak. Kei retorna kha in-êng mak ning. Ke’n Jerusalem kahuk sik khana khan Israel kajana kahong rôn manhlut sik.”

ISAIAH 51:22

Rōngpu, nan-Pathen in ahrung cheia ahri, “Ke’n kahnuknat a kapek chei kōklei kha kalosōt jo. Khava ju nanlôn invekna kha nangni’n in nôk mak jo tin.

ISAIAH 56:1

Rōngpu’n amihei hneng ahri, “Akadik leh akaṭha kha tlo ruh, ajârchu inranga kahuksōt sik jo chei.

JEREMIAH 10:19

Jerusalem mihe’n ka-ông heia anti, “Heituk-hrep a a’ntôn jo me mo! Ni’ntônna bi hi dammak jo ning. Khana hivahi nidetor sik tia eini’n nilei mandon!

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 51:10

Rōngpu’n ahri, “Kamihei, ông ruh, ‘Rōngpu’n eini kadik me tia amalâr jo. Eini se rih, Jerusalema mihei hneng, Rōngpu ni-Pathen ṭōntlo hi, vamanthei hei rih.’”

ṬAJAISUINA 1:18

“Tâk-kha Rōngpu chu akadik kae, ke’n aṭong kajuimak jâra kae. Hmuntina mihei kaṭong hi rangei ruh; kei inreng hi enruh, Kami rether leh nuhngâk-hei rehringa anṭhōi jo hei.

LEVI-DÂN 26:41

khana inphut anchunga kahnuk leikana a ankadōihei ram a kalei tirna hei, khana inphut hong insir sik hei. Atorna, nansōn he’n an insinsak pha ansetna leh anrahe setna kara kha anchen pha

MALACHI 3:18

Ave nôk a kami he’n mikadik leh mikadik mak hei chunga omchen kasōk, kei inzen leh kei inzenmak mihei kâra akasōk kha anhmu sik jo.”

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

SAMUEL INKHATNA 24:15

Rōngpu’n ṭong atan sik, eini kâra tu mo akaṭhe me, ama’n ṭong amathlâk sik. Hiva ṭong kasōk hi ama’n ensin rasoh, ahrung rasoh, khana nanga inphut kei ahuk rasoh.”

SAMUEL INKHATNA 25:39

Nabal kathi jo ti ṭong David in athei pha, ama’n ahri, “Rōngpu kha manpâk a om rasoh! Kei inzak anikapek Nabal chunga phu ahlō jo khana asōkpa kei dikmak katlo sik a inphut ating eng. Nabal ṭhatmak jâra Rōngpu’n akarâk jo. Khava sōa David in Abigail hneng a-ompuina sik maduna ṭong aleipek jo.

SAMUEL INKHATNA 26:10

David in ahri manjōm a, “Akahring Rōngpu rahminga, ke’n kamanhret khachu Rōngpu khet in Saul hi athat sik kae, athi pha ahong katluk joa angaia thina a-emak leh re shunga thina aratō sik kae.

SAMUEL INKHATNA 3:18

Khava jâra Samuel in akhenga ahrisō pet jo; heite thup neimak jo. Eli’n ati, “Ama kha Rōngpu kae; ama’n kaṭha sik ati kha atlo sik kae.”