MICAH 7:8 - LEKHARABU INTHENG (BSI)

⁸ Nikadōi he’n kantlâksamna chunga inpâkna sik ajâr neimak hei. Keini katlu ung, tâk alakathō nôk sik ung kae. Tûn keini inthim shunga ka-om ung, tâk Rōngpu’n vâr alapek sik ung kae.

MICAH 7:8 ပူးပေါင်းရင်းမြစ်များ

JOB LEKHARABU 31:29

Kakadōi hei khōdeng anthei pha kei kahōi sakmak eng, inhmangna anratō pha inpâk mak eng;

HLAHEI 112:4

Lungset leh maritna kaneihei sik a a’nthim shunga khan mikaṭhahei sik vâr kha jōng kavâr.

HLAHEI 143:3

Ka’nrepui he’n anmanloi eng antorcher jo eng. Anmani’n kurkhum inthim shunga anda jo eng, hmalaia alei kathisa hei kha kapō joa kae.

HLAHEI 20:8

Khang khava mihei kha inpai sik hei khana katlu sik hei, tâk eini chu kathōisōt sik me, khana kangir inhnet sik me!

HLAHEI 27:1

Rōngpu hi kavâr leh kakahuk inhring kae; ke’n tûte ṭitmak ning. Thinathei rakip a inphut Rōngpu’n asan eng, kei heitik che’num ṭimak ning.

HLAHEI 35:19

Ka’nrepui malei kaseihei khan kei re tor makna chunga manuisōna amannei mak hei roh. Ajâr kasea ani kahōt hei khan kamalung inrimna chunga amanuisō mak hei rasoh!

HLAHEI 37:21

Mikaṭhamak in mi hnenga avapûk tâk pek male phungmak, tâk mikaṭhahei chu ankutchoi leh anmalung kalen.

HLAHEI 37:24

Anmani antlûk jo innum khanga omthang mak hei ning; ajârchu Rōngpu’n a’nthōpui sik hei.

HLAHEI 38:16

Kamalung inrengna chunga ka’nrepui he’n manuisōna aneimak hei rasoh; kei tlûkna chunga in-orna neimak hei rasoh!

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

HLAHEI 97:11

Mikadik-hei chunga vâr kha kavâr, khana mikaṭhahei chunga ningṭhatna ka-om.

ISAIAH 2:5

Tûnchu, Jacob sōn leh pârhei, Rōngpu tapek me vâra khan eini se rih!

ISAIAH 49:9

Ke’n kurkhum a ka-om hei hneng kahri sik, ‘Sōksōt jo ruh!’ a’nthima aka-om hei hneng, ‘Vâra hongsōk jo ruh!” kati sik. Anmani kha tlâng chunga phi kasâk kemōng rup ka-ang sik hei;

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 9:2

Khō inthim thōia ka-om mihe’n, vâr kalentak inkhat anhmu jo. Anmani ram kajing rahle thōia leika-om hei. tâk-kha tûnchu vâr in anchunga asat manvâr jo.

JEREMIAH 48:27

Moab, nang in Israel naleimanuisō hei kha mandonsōt mak che mo? Nang in anmani kha mikachomloi tasur hei kapōhrep a naleitlo heia kae.

JEREMIAH 50:11

Rōngpu’n ahri, “Babylon mihei, nangni’n kajât-hei nanchom hei. Nangni inpâk chei khana kahōi chei, hmuchi akachōn rachi inthla sehratche kapōa khana hur inthok a inhrâm shakor kapōa kalônle chei,

JEREMIAH 8:4

Rōngpu’n amihei hnenga hri sik kha amanthei eng, “Tu inkhat atlûk pha, thōisōt phungmak mo? Mi inkhat in ahlam ahroṭhe inchu, ama he’nle phungmak mo?

EZEKIEL 25:6

“Hivahi Chunghnung Rōngpu’n ahri kha kae: Nangni nankut nankaben khana inpâk inchôm chei. Nangni Israel ram chu donmak chei.

EZEKIEL 35:15

Kei karōi, Israel he’n suk inhmangna anchen pha, nangni’n nanning akaṭha kapōa kachang sik. Seir tlâng, ôk, Edom ram pumpui kha inhmangsō sik. Khava sō leh mi rakip in kei hi Rōngpu eng kae tia anhong manhret sik eng.”

EZEKIEL 36:5

Akimvea aka-om jât-hei dōina chunga Chunghnung Rōngpu ke’n kahnuknat a kahrisōt jo, kakhôk det a Edom chunga kahri kae. Manuisōna leh êngset pum a karam kha anhlōa aramhâng hei kha anta anmanchanga kae.

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

OBADIAH 1:12

Nasōpui Judah vângsetna chunga khan na-ê namanjo mak sik kae. Anmani suk inhmang ning khan ningṭhatna naneimak sik kae. Anmani inhmangna chunga khan naleimanuisō mak sik hei kae.

MICAH 4:10

Jerusalem mihei, nuhmei naiha kaphu kapōa inlet ruh inkōi ruh, ajârchu nangni’n khōpui kha nanda hlona ramhânga aka-om sik jo chei kae. Nangni Babylona kase sik chei, tâk khana khan Rōngpu’n nangni nanka-en kada heia inphut ahuk sik chei.

MICAH 7:10

Khavakha kankadōi, “Rōngpu nan-Pathen khon mo ka-om jo?” tia ani kader kankadōi mama hei kha’n anhmu sik khana inzak sik jo hei. Hlam a bōnthlōk kapōa chōnnek a, tor a anka-om kha kanhmu sik hei.

ZECHARIAH 12:8

Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 4:16

Khō inthim thōia ka-om mihe’n vâr kalen inkhat anhmu sik. Khana thina ram daihlim thōia aka-om hei chunga vâr kha hong kavâr sik.”

JOHN 16:20

Akadik kha kahri pek chei kae: nangni ka-ônga kaṭap sik chei; tâk vânhnōi chu a’npâk sik hei kae; nangni chu inrim sik chei, tâk nan-inrimna kha inpâkna ahong kachang sik kae.

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

CORINTHIANHEI INHNINA 4:9

keini kan-inrepui katam hei, kha’num ṭhōn kaneimak chu changdek mak ung; vōi khat leh inhnaktak a antlo manset ung, kha’num asuk manhmang mak hei.

ṬONGPHÔNG 21:23

Khōpuia khan kani leh thla rangei mak, ajârchu Pathen lûrna khan khavakha asat manvâr jo khana kemōngte kha thaihmei vâr kachang jo.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.