MICAH 7:6 - LEKHARABU INTHENG (BSI)

⁶ Hiva phahei hinchu, ansapa he’n anpahei kha mikamoa anlo sik hei, ansanu he’n annuhei andōi sik hei, khana hmōinu he’n anterpi hei an-innâk pui sik hei; mi inkhat inrepui kha a-innshung mi mama kachang sik hei.

MICAH 7:6 ပူးပေါင်းရင်းမြစ်များ

A’NPHUTNA 49:4

Nang chu tuilen inhnak kapō che kae, Tâk-kha apui karônpen changmak tin che, Ajârchu nang in kanuhmei manbo kha na’nchunpui Khana napa jekhum kajana neimak che.

SAMUEL INHNINA 16:11

Khana David in Abishai leh aṭōn karônhei senghei hneng ati, “Kasapa’num that sik a anirei jo eng; heisik a mo hiva Benjamin chunga inlak nasak? Rōngpu’n hâksêrna sik amanthei kae; kachanga abing rōk a dahlon ruh, khanga tlo rasoh.

HLAHEI 41:9

Kaṭhōn kaṭhapen, kataksenpen inkhat, bu kasâkpuisap inkhat khan, kei kadōia inṭang joa kae.

ṬONGCHÎK-HEI 30:11

Anpahei kahâksêr leh annuhei ṭhatna akaphôngsōt hêrmak mi ka-om hei.

ṬONGCHÎK-HEI 30:17

Anpa kha sem anmanloa khana annu kha ahongter pha heia kasak mak hei kha hmuthong in asâk sik hei a-emak leh anhmit hei kha va-âk he’n antakhersōt sik a anrahōi kae.

ISAIAH 3:5

Inkhat in inkhat chunga hnemna anjong et sik. Khangdông he’n an-upahei kajana neimak hei ning, khana mi kahnemmak he’n anchunga mihei kajamak hei ning.

ISAIAH 9:19

Ajârchu Chunghnung Rōngpu kha ahnuk kana jo, ama mi karâkna kha hmei kapōa ram pumpuia kakâng jo khana mihei asuk manhmang jo hei, hivahi anbibinga anchen kae.

JEREMIAH 12:6

Na-innkō shunga mihei, nasōpui kapha he’num anhōn jo che; nang dōina buhluna khan inchunpet jo hei. Ṭim leh re kapōa ṭong anhri che’num, taksen mak hei roh.”

JEREMIAH 20:10

Ke’n mi rakip ṭonghri kachōr kha kathei, “Hmun rakip a ṭitna ka-om! Khava jâra vaikarôn ṭong kaneihei hneng ama maher rih!” anti. Kaṭhōn marit hei kapha’n, kathōi tlâk sik kha anhngâk eng. Anmani’n anhri, “Ama nihōn mathlâk tor sik; ama hi nisur sik khana achunga phu nihlō thei sik.”

JEREMIAH 9:4

Mi rakip in anṭhōnhei dōina inhrung sik hei, tu inkhat in an-u annaihei kha taksen tor mak hei; ajârchu u leh nai rakip Jacob kapōa mikahōn rōk hei kae, khana mi rakip in anṭhōnhei anhrimaset hei.

EZEKIEL 22:7

Khōpui shunga nanmi he’n annu anpa kajamak hei. Khōhmehei nanhōn hei khana renghmeihei leh nu leh pa kasehei chunga hnemna nanjong.

OBADIAH 1:7

Nasap changpui he’n anhōn jo che; narama inphut anhnongsōt jo che. Kamōnga nanta-ompui mihei khan naram anlopek jo che. Bu nasâkpui naṭhōn he’n châng ankampek jo che; anmani’n, ‘Asing athemna seng kha khon mo ka-om jo?’ anti che.

MATTHEW 10:21

“Mihe’n ansōpuihei kha that sik a anpek sōt sik hei, khana pa he’n khang’khan ansapahei anpek sōt sik hei; sahe’n nu leh pa andōi sik khana anthat sik hei.

MATTHEW 26:23

Jesu’n amasôn heia, “Kei leh thleng shunga kut inporsap khan kei apek sōt sik eng.

LUKE 12:53

Pa he’n sahei andōi sik, sahe’n pahei andōi sik hei; nu he’n sanuhei andōi sik, sanu he’n nuhei andōi sik hei; terpi he’n hmōihei andōi sik, hmōi he’n terpihei andōi sik hei.”

LUKE 21:16

Nangni nanpa he’n, nansōpui he’n, nanpare patung he’n, nanṭhōn he’n, mikut a anpek sōt sik chei; nangni ṭhahrep chu anthat sik cheia kae.

JOHN 13:18

“Ke’n nangni nankhenga chungchânga kahri changmak; ke’n kakadei jo hei kha kamanhret hei. Tâk-kha ṭong inthenga, ‘Kabu kasâkpui mi kha kakadōia inṭang,” inti kha hui akatlung nger sik kae.