MICAH 7:2 - LEKHARABU INTHENG (BSI)

² Hiva ram a hin malung intheng om mak jo, Pathen ṭong kajui inkhatbek um om mak. Mi rakip in mi thatna sik a pha kaṭha anhngak a kae. Mi rakip in anram mi anhnong heia kae.

MICAH 7:2 ပူးပေါင်းရင်းမြစ်များ

HLAHEI 10:9

an-inthupna hmun a shabakkaihei kapōa anhlō hei, Sarahei kha anhlō hei; anchâng kam a anman-ôk hei khana ankeisôn hei.

HLAHEI 12:1

A’nthōpui roh, Rōngpu! Mikaṭha inkhatbek om mak jo; khana malung intheng inkhatbek inhmu tor mak jo.

HLAHEI 12:2

Ankhenga inkhat leh inkhat maleisei inhrina hei; khana hmûrthem vâng khat leh khat inhōn hei.

HLAHEI 57:6

Ka’nrepui he’n kasurna sik a anlen anmazer; malung dongna’n kei akatōm eng. Kahlam a khur anchopek eng, tâk anmani kalalen ashunga khan katlasuk hei.

ṬONGCHÎK-HEI 1:11

Anmani’n hinga anti thei, “Hong roh; mi that sik a vajong rih! Ṭhenakase hei vabuhlu hei me sona hōitheina nei rih!

ṬONGCHÎK-HEI 12:6

Mikaṭhamak-hei ṭonghri chu mi thatna kae, tâk mikaṭhahei ṭonghri khan chu maṭhit a ka-om hei kha ahuk hei.

ISAIAH 3:5

Inkhat in inkhat chunga hnemna anjong et sik. Khangdông he’n an-upahei kajana neimak hei ning, khana mi kahnemmak he’n anchunga mihei kajamak hei ning.

ISAIAH 57:1

Mikaṭha kathihei, khana tu inkhat in heikhonga mo ti manhret mak hei khana khôk sakmak hei. Tâk-kha anmani anthi pha, insuk inhmangna khan anmani tôn tor mak hei.

ISAIAH 59:7

Nangni ahei tik a ṭōn kaṭhamak rōk nanmantluk, khana khava tlosōt sik kha nanhngâk hla. Ṭhenakase hei thatna sik malung inkei-chiona neimak chei. Nansena hmun rakip a mansetna leh manhmangna kha nanda hlona kae,

ISAIAH 9:19

Ajârchu Chunghnung Rōngpu kha ahnuk kana jo, ama mi karâkna kha hmei kapōa ram pumpuia kakâng jo khana mihei asuk manhmang jo hei, hivahi anbibinga anchen kae.

JEREMIAH 16:16

Rōngpu’n ahri, “Ke’n hiva mihei kasur sik, nga kasur mi katamtak kajōngtir sik hei. Khava sōa shachâng kaleng katamtak, tlângbung leh hmebung khana hlungkhur shung heia inphut ankahnong sōt sik a kajōngtir sik hei.

JEREMIAH 5:16

Anremi the kachoihei kha ratha kanei remihei kae, lungset manhret loa mikathat-hei kae.

JEREMIAH 5:26

“Kamihei kâra ṭhatmak katlohei kha ka-om hei; vahei surna sik a châng kado hei kapōa mi anhngâk a ka-om hei, khana mihei surna sik a anchâng hei kha ando hei.

JEREMIAH 8:6

Ke’n kaṭha nenga nanṭong karangei, tâk ṭongdik hrimak chei. Mi inkhatbek inum nanṭhat makna chunga malung inrimna neimak chei; nangni tûte inkhat in, ‘Ke’n akadik mak heimo kaleitlo jo,’ tia inder mak chei. Rehmun a shakor atlân inhlut kapōa, nangni inkhat et in nanhlam et a kase chei.

ṬAJAISUINA 4:18

Kan-inrepui he’n ani-en ravet ṭhak a ka-om hei; hlam a kapha sōk tor mak ung. Keini pha kha inchai jo; a’nchaina kani kha kahong jo.

EZEKIEL 22:12

Nanmi ṭhahrep in sêr pek a mikathat ka-om chei. Ṭhahrep in ansōpui Israelhei hnenga sêrpûk masōa sêrthōi kalo khana anmani heia inphut hnemna jonga mikahao ka-om jo chei. Anmani’n kei anmahngi jo eng.” Chunghnung Rōngpu’n ati jo.

EZEKIEL 24:6

Hivahi Chunghnung Rōngpu’n ahri kae: “Mikathat-hei khōpui inhmang jo. Khavakha sôp mantheng loa thir-ek kabek bephu kapō kae. Hmetlang inkha-khat inlosōt a heite inkhatbek um om mak jo.

HOSEA 5:1

“Thempuhei, hiva ṭong hi rangei ruh! Israelhei, malung kahlut a rangei ruh! Reng innshunghei, nangni rangei ruh! Nangni kadik a ṭong nantatan sik rahōi kachang, khava jâra nanchunga ṭong tanna kha ka-om sik jo! Nangni Mizpah a châng, Tabor tlânga lenchâng inzâr,

HOSEA 6:9

Thempuhei kha mi kahlō inru rup kapō hei kae. Hmun intheng sena hlam a Shechema kapha mi anthat a kae. Hiva ṭhatmak hi tlo mông rung tia antloa kae.

MICAH 2:8

Rōngpu’n amasôn, “Nankadōihei chunga nantatlo kapōa kamihei nanbuhlu hei. Inna inhukna kanchen sik tia a’ndon mihe’n rehmun a inphut hong inle hei, tâk nangni khana khan anzakkō kasut sik a nanhlō heia kae.

MICAH 3:10

Nangni’n Pathen khōpui, Jerusalem kha akadik mak leh mithatna innhmun chunga nansak a kae.

MICAH 3:2

tâk nangni’n akaṭha kha nanhōt a akaṭhamak kha nanmadu. Kamihei anhring pum a anvun nanmahlip hei khana anrua inphut anravōi nankhoksōt a kae.

ZECHARIAH 11:6

Rōngpu’n ati, “Raleichunga tûte chunga lungsetna neimak jo ning. Mi rakip anvai karônhei thōia kei khet in kada sik jo hei. Khava vaikarônhei khan ralei hi ansuk manset sik jo, khana anmani ratha neina inphut a huksōt mak jo hei ning.”)

ṬŌNTLOHEI 24:9

Jehudi rakip inum maherna kha anlei manjoma khahei rakip kha kadikpet anleiti.

SAMUEL INKHATNA 24:11

Apa, ke’n kamatu napōn hmor hi enroh! Kathat tor jo che kae, khava kanek a hirōk hi katansōt kae. Hivahin namanhret thei sik khachu ke’n nachunga redōi sik a, sukset sik a intluk mak eng ti kha. Ke’n heite nahnenga dikmak katlomakjen ravâng, nang inchu that sik a namanlōi enga kae.

SAMUEL INKHATNA 26:20

Rōngpu ram a inphut inkârtak a, jât-hlop hei ram a athat mak hei rasoh. Heisa mo Israel reng in kei kapō uihrik kathat a akahong? Heisa mo ram va kapōa kei ahnong sik eng?