MICAH 7:18 - LEKHARABU INTHENG (BSI)

¹⁸ O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MICAH 7:18 ပူးပေါင်းရင်းမြစ်များ

A’NPHUTNA 4:7

Nang in akadik naleitlo’nchu nahmaisō aleikatlâi sik che kae; akaṭhamak natlo jâra setna kha nakot kunga ka-oma kae. Nachunga vai arôn hnōm, tâk nang in atorna natlo nger sik kasōk.”

RENGHEI INKHATNA 8:23

khana ader jo, “Israelhei Rōngpu Pathen, marvân chunga leh ralei thōia nang kapō pathen om mak! Namihei leh na-intepna kha nanit khana malung pumpuia nang anjui che pha nalungsetna kha namalârpek hei.

THUHMINGHEI INHNINA 30:9

Nangni’n Rōngpu hneng nanhong inle’nchu, khava nan-u leh nannaihei kha rehringa ankaṭhōi hei khan lungset anrôn heia innting anheitir male sik hei. Nan-Pathen Rōngpu kha lungset marit kathem kae, ahnenga nan-in le’nchu ama’n arahlâng sik chei.”

THUHMINGHEI INHNINA 6:21

Kei derna athei pek roh khana namipui Israel he’n hiva hmun hi anhnget a derna annei pha anderna theipek hei roh, Marvâna na-inna khan kanderna kha thei inna arangei mandam roh.

NEHEMIAH 9:17

Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

HLAHEI 103:13

Apa’n asa alungset kapōhrep a, ama kaṭit hei kha Rōngpu’n alungset hei.

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

HLAHEI 35:10

Kamalung pumpuia Rōngpu hneng kahri sik, “Nang kapō tûte inkhatbek om mak. Ratha kahrat heia inphut akatlasam hei, mikasuk inrim heia inphut sara khōdeng katheihei kha nahrung hei.”

HLAHEI 65:3

ansetnahei jâra. Kanṭhena khan ator jo ung, tâk nang in narangei mandam hei.

HLAHEI 65:4

Nang in nakadeisōt hei kha, nahmun inthenga aka-om sik a najōngṭhōi hei kha, mikahōihei kae. Na-inn shunga neinâk intheng hei leh nabek-inn intheng shunga vângpekna hei vâng khan, keini katlâi sik ung.

HLAHEI 71:19

Pathen, nadikna khan bōirōk chunghei aphâk. Nang in ṭōn kalen natlosōt hei; nang kapō tûte om mak.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

HLAHEI 89:6

Marvâna nang kapō tûte inkhatbek om mak, Rōngpu; marvâna ka-om inkhatbek in nang in-angpui om mak.

HLAHEI 89:8

Chunghnung Rōngpu Pathen, nang kapō akahrat tûte om mak; heirakip a taksenthei che kae, O Rōngpu!

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 34:9

Ama’n ahri, “Rōngpu, kachunga kadiktak a namalung atlai inchu, a’nṭhōipui roh tia kangek che kae. Hiva mipuihei hi anracham kase, kha’num kanṭhat makna leh kansetna arangei mandam roh, namipui khet a alo ung roh.”

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 33:24

Niram shunga ka-om mi inkhatbek inum dammak eng tia inphin hêrmak jo ning, khana setna rakip inngei indam sik jo.

ISAIAH 38:17

Kamalung inrimna kha malung mōngna inle sik, Nang in kahringkhō insuksetna thei hei senga inphut nahuksōt jo, Kasetna rakip narangei mandam jo eng.

ISAIAH 40:18

Pathen hi tu leh mo tekâkthei sik? Ama hei leh mo a’n-ang nang in heikhonga nahri tor sik?

ISAIAH 40:25

A’ntheng Pathen kha tu leh mo nitekâk sik? Ama kapō alak aka-om mo?

ISAIAH 43:25

Kha achang inum, kei nasetna inngeidam Pathen eng kha kae, Kei hi kei kachangna dungjuia hivahi katlo kae. Nasetnahei kha nang dōina sik daṭhak mak ning.

ISAIAH 44:22

Ke’n nasetnahei sumtuk inthlir kapōa kaphet pek jo che. Kahnenga ho’nle roh; nang kahuksōt kha kei eng kae.”

ISAIAH 55:7

Mikaṭhamak-hei kha’n anhringkhō hlam kha dahlon hei rasoh, khana anmalung mandon hei kha thlenghei sona. Anmani Rōngpu, ni-Pathen hneng inhe hei rasoh; Ama kha lungsetna pui katluk khana rangei mandamna inrang.

ISAIAH 57:10

Pathen ralak-hei jongna nangni kachâmneng chei, kha’num nangni bângmak chei. Nangni mater ka-om limhei khan hratna apek ung tia nanmandon, khava jâra tlâksam hêrmak chei.

ISAIAH 57:16

Kamihei hringna kapek hei, khana anmani maset pek manjôn mak ning, anchunga kahnuk mannat ṭhak mak jo ning.

ISAIAH 62:5

Rether inkhat in nuhngâk intheng inkhat hmōinu sik a a’nṭhōi kapōa Nakasyempa khan lu ahôngpui sik che. Hmōipa inkhat in hmōinu chunga atlai kapōa Na-Pathen kha nachunga amalung katlai sik jo.

ISAIAH 64:9

khava jâra kanchunga nahnuk mannat reimak roh achangmak leh keini dōina sik kansetna hei kha ahei tik a mandonṭhak mak roh. Keini nami ung kae; keini marit arôn roh.

ISAIAH 65:19

Kei khet um Jerusalem leh amihei jâra inpâk na’n kasip sik eng. Khana khan ṭapna om mak jo ning khana inthōpuina sik bekna om mak jo ning.

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 3:5

Nang chu pha rakip a nahnuk natṭhak mak ning; ahei tik a kachunga narahe seṭhak mak ning?’ Israel, nang in khang’khan nati, tâk-kha nator chen a akaṭhamak khachu natlo ṭhak a kae.”

JEREMIAH 31:20

“Eh Israel, nang kasa marit che kae, kalungset pen inkhat che kae. Ke’n narahming kapan akaia, lungset leh inṭhōia kamandon che. Kamalung hi nachunga ka-om; kamarit sik chea kae.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

JEREMIAH 32:41

Ke’n anmani sik ṭhatchômna tlona khan kahōi kasak sik, hiva ram a hin an-omthangna sik kaphunsōt sik jo hei.

JEREMIAH 33:8

Kei dōina anset tloa inphut kaman theng sik hei, khana andōina eng leh ansetnahei karangei mandam sik hei.

JEREMIAH 38:8

Khava jâra Ebedmelech kha rengpa hneng kasea avahri,

JEREMIAH 50:20

Khava pha kha ahong pha, Israel shunga setna inti inhmu mak jo ning khana Judah shunga ṭhatmak om mak jo ning, ajârchu ke’n hringkhō kaṭhen pek jo mihei kha karangei mandam sik jo hei. Rōngpu ke’n kahri jo kae.”

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

EZEKIEL 18:23

Mikaṭhamak inkhat thina kha aka-en hnōm sik a namandon eng mo?” Chunghnung Rōngpu’n ader. “Kha changmak, ama’n amalung ahong thlenga akahring sik kha ka-enhnōm jôk kae.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

EZEKIEL 33:16

Ama’n aleitlo setnahei kha karangei mandam sik, ama kahring sik ajârchu akaṭha leh akadik atlo joa kae.

DANIEL 9:9

Keini’n nang kadōia kanleitlo ravâng nang chu maritna leh ngeidamna kapekthei che kae.

HOSEA 14:2

Rōngpu hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

HOSEA 14:5

Israelhei hnenga kei hi ram chârna khōtui kapō kachang sik eng. Anmani reipâr kapōa kapâr sik hei; anrajung kahnet a anthō sik Lebanona thingkunghei kapōa.

JOEL 2:32

Kha’num Rōngpu hnenga inthōpuina kader rakip huk sik hei kae. Rōngpu’n aleihri kapōa, ‘Jerusalema ṭhahrep chu inphesōt sik hei; ke’n kakadeisōt seng khachu kahring sik hei.’”

AMOS 1:11

Rōngpu’n ahri, “Edom mihe’n ave-avea setna antlo jo, khava jâra karâkna kapek nger sik hei. Anmani’n ansōpui Israelhei anhnong hei, lungsetna neimak hei. Anhnuknat kha abângna om mak, khavakha mandaihêr mak hei.

AMOS 7:8

Ama’n ader eng, “Amos, heimo nahmu?” Ke’n kamasôn, “Tena tekam.” Khava sōa ama’n ati, “Kamihei kha tena tekam leh a’ntōkmak bang kapō anchang kha manhretna sik a hivahi kahmang kae. Anmani karâkna pekna kha avea kamalung thlengmak jo ning.

AMOS 8:2

Rōngpu’n ader enga, “Amos, heimo nahmu?” ati eng. “Hraithuk a theikara” tia kamasôn. Rōngpu’n kahnenga ati, “Kami Israelhei sik a achaina kha kahong jo. Anmani karâkna pek sik a inphut kamalung thlengmak jo ning.

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MICAH 5:3

Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

ZEPHANIAH 3:17

Rōngpu na-Pathen khan a-ompui che! ama rathahrat khan re amantor che. Rōngpu’n nachunga inpâkna anei sik, alungsetna che shunga hringkhōther apek sik che. Nachunga inpâkpuina hla ama’n asak sik,

MIJAHEI 23:21

Ke’n kaleihmu khachu hnunga Israel chunga Vângsetna leh khōdengthei heisōk mak ning. Rōngpu an-Pathen khan a-ompui ṭhak hei; Anmani’n ama hi anreng kae tia anphông.

LUKE 15:32

Tâk-kha nanaipa hichu aleikathi kha tûnchu kahring jo, khana ale’nhmang jo kha, tûnchu nihmu jo, khava jâra revei nitloa a’npâk sik me kae,’ ati.”

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

ROMANHEI 11:4

Pathen in heikhong mo amasôn, “Malei kasei Baal Pathen inmukmak kei sik a mi 7,000 kalada hei.”

DÂNRABU INHNINA 33:26

Israel mipuihei, nan-Pathen kapō pathen lak om mak, bōirōk arakana kalûrtak a kajōng, nankabôm sik a sûmtuk ajōng petan a kae.

JAMES 2:13

Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.