MICAH 7:17 - LEKHARABU INTHENG (BSI)

¹⁷ Mari kapōa vaiphin kâra inkhōn sik hei, ṭit leh innok pum a rekur shunga inphut heikasōk sik hei. Anmani’n ṭitpum a Rōngpu kan-Pathen hneng hong inhe sik hei.

MICAH 7:17 ပူးပေါင်းရင်းမြစ်များ

SAMUEL INHNINA 22:46

Anmani inngamtor mak hei khana anrekur heia inphut ratha innok pum a heikasōk hei.

THUHMINGHEI INHNINA 17:10

Rōngpu’n khava kimvea rengram rakip hei kha Jehoshaphat chunga re dōi sik kha ṭitna aleimannei hei.

HLAHEI 18:45

Anlei inngamna kha inhmang jo, khana anrekura inphut ratha innok pum a jōngkasōk hei.

HLAHEI 72:11

Rn rakip ahmai kunga inkun sik hei, jât rakip in ama anrazen sik.

HLAHEI 72:9

Nêrdiram mihe’n a-âng kunga inkun sik hei; a’nrepuihei khan raleia anbinga inbok sik jo hei.

HLAHEI 9:20

O Rōngpu, anmani’n ṭit hei rasoh. Anmani akathithei mihring hrep hei kae ti kha manthei hei roh.

ISAIAH 25:3

Ratha kahrattak jât-hei khan nang anmanpâk sik che; Mi kakhôk êngkase jât he’n khōpuia nang anṭit sik che.

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ISAIAH 59:19

Nisōa inphut tlaitlâk katlunga mi rakip in ama leh aratha hratna kha anṭit sik jo. Ama kha tuidung alōng inhnak leh thlipui inhnaktak kapōa kajōng sik.

ISAIAH 60:14

Nangni kasuk inrim hei sōn leh pârhei kha kahong sik hei kajana malârna hong-inkun sik hei. Pha khat a nang hnōisea nakatlo hei seng nakekunga antakamuk sik che kae. Anmani’n, ‘Rōngpu khōpui,’ ‘Israel Pathen Intheng khōpui Zion,’ tia anphō sik che.

ISAIAH 64:2

Anmani hmei kaluma tui kachōr kapōa innok inthing sik hei. Jōng ṭum ina narathahrat kha na’nrepuihei hneng malâr roh, khana jât-hei hi na-âng shunga mannok hei roh.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

ISAIAH 7:19

Anmani’n phai kaphok a, hlung kâra khur heia, rahling chap buk leh ramhâng rakip a kasip sō sik jo hei.

JEREMIAH 16:16

Rōngpu’n ahri, “Ke’n hiva mihei kasur sik, nga kasur mi katamtak kajōngtir sik hei. Khava sōa shachâng kaleng katamtak, tlângbung leh hmebung khana hlungkhur shung heia inphut ankahnong sōt sik a kajōngtir sik hei.

JEREMIAH 33:9

Jerusalem hi kei sik a, inpâkna, kajana khana inlensakna jōng sōkna kha akachang sik kae; khana Jerusalem mihei chunga ṭōn kaṭha katlohei khana khōpuia kamanhao hei kha anhmu pha raleichunga jât rakip in anṭit sik a kha innok sik hei.”

ṬAJAISUINA 3:29

Insinsak a aka-om sik me kae, ajarchu tûn katlung inhōrna laka-om theia kae.

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.

DÂNRABU INHNINA 32:24

Anmani vonṭâm tuihrea khana hritluna kathi sik hei; Ṭit ka-om hrisea kathi sik hei. Ankabuhlu sik ramsha kajōngtir sik hei, an-inchuk sik a tûr kanei mari kajōngtir sik hei.

JOSHUA 9:24

Anmani’n anmasôn, “Apu, kanleihōn jo chei, ajârchu Rōngpu nan-Pathen in nanhnenga ram pumpui hi pek sik a leh ram nanheihlō chenna ashunga ka-om mihei kha thatpetna sik a Moses hneng ṭong aleipek kha akadik khet kae ti kha keini’n kanmanhret. Keini’n kanleihōn jo chei, ajârchu nangni kanṭit hêr chei; kanhringkhō sik a leikaṭi jo ung.

ṬONGPHÔNG 3:9

Rangei roh! Seitan ta kachang rup-hei, Jehudi chu changlo heia kachang ung katia malei kaseihei kha, nangni inmuk sik a, nanhmai kunga inkun sik a, kamanhong sik hei kae. Kalungsetna chei hi anmani seng in antamanhret sik kae.

SAMUEL INKHATNA 14:11

Khava jâra Philisti he’n anheihmuna sik heia antlo jo, khana Philisti he’n anti, “Enruh! Hebrew ṭhahrep an-intûpna khur kōk heia inphut heikasōk jo hei!”