MICAH 7:14 - LEKHARABU INTHENG (BSI)

¹⁴ Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

MICAH 7:14 ပူးပေါင်းရင်းမြစ်များ

HLAHEI 100:3

Rōngpu kha Pathen che kae tia hrisōt ruh. Ama’n asyem me khana atâ me kae; eini ama mi me kae, khana ama rup me kae.

HLAHEI 143:5

Aleikathlengsa phahei kha kamandonsōt hei, naleitlosa hei seng chunga kamandon hei, naṭōn leitlo heirakip kha mandonsōtna kaneihei.

HLAHEI 28:9

Rōngpu, namihei huk hei roh, khana nata kachang hei kha vâng pek hei roh. Ankakhempa kha chang pek hei roh, khana ahei tik a tinta hei roh.

HLAHEI 95:7

Ama hi ni-Pathen kae; eini hi ama ta-ensui mipui me kha kae, ama tavei kemōng rup me kha kae. Tuning ama’n heimo ahri kha rangei ruh:

SŌKSŌT 33:16

Nang in nasepui mak ung inchu heikhong mo namipui leh kei chunga namalung katlâi ti mi inkhat in amanhret thei sik? Kankâra na-om hin raleichunga mi ralak-heia inphut ahlop a aṭhen sik ung kae.”

HLAHEI HLA 4:1

Kalungdinu, heituk a akaṭha che mo! Nahmai makhuna pōn thōia nahmit-hei kha heituk a akade hei mo. Gilead hmebung ajōng kaṭumsuk ke rup-hei kapōzek a nasam kha invor nenga kalâm.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 35:2

Nêrdiram in hla asak sik, khan inpâk a ka-ông sik Lebanon tlâng enhnōm ka-om tak a aṭhatna kapōhrep kachang sik, khana Carmel ram leh Sharon ram a hleiheia ralei thai aṭhat kapōa kachang sik. Mi rakip in Rōngpu lûrna leh lenna anhmu sik, Alenna leh arathahrat anhmu sik jo.

ISAIAH 37:24

Nang in kahnenga inlensaktak a akaṭong sik a nasōk-hei nahei tir hei, shakor gâri katamtak vânga, Lebanon tlâng nator hei nati. Cedar thing cypress thing kaṭha leh inshâng tatak natuk thlek hei, khana ratuhmang inthûk katlung um vakatlung jo che.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

ISAIAH 65:10

Anmani’n kei ankamuk sik eng khana ankemōnghei leh anranhei kha tlaitlâk ting Sharon Phaichama khana nisōting Bōina Phaichama ankhem sik hei.

JEREMIAH 49:31

‘Hong ruh! Eini’n sova kahōitak a leh inhuktak a aka-om mihei so, nibuhlu sik hei! Ankhōpui so sōngkot leh akhârna neimak hei, inhrungna omtet lo kae.’

ṬAJAISUINA 1:7

Binga ka-om a’nhmangsō jo Jerusalem in tunchu hmalaia alûrna kha amandonsōt jo. Aka-en kadahei kut a atlûk pha, ama inthōpui sik tûte leiom mak hei; amanu tlâksukna kha akator he’n anmanuisōa kae.

ṬAJAISUINA 5:21

Rōngpu nahnenga aṭhōi male nôk ung roh, Rōngpu aṭhōi male nôk ung roh! Hmalaia kanlûrna kha apek male nôk ung roh.

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

LEVI-DÂN 27:32

Ranhei kha sôma inkhat et Rōngpu tâ kae. Ranhei kha aja antei pha, 10 a inkhat kha Rōngpu chen kae.

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

OBADIAH 1:19

“Thlang tinga Judah mihe’n Edom anhlō sik; tlaitlâk tinga hmebung thōia mihe’n Philisti ansur sik; Israel in Ephraim leh Samaria anchen sik; Benjamin mihe’n Gilead anhlō sik.

MICAH 5:4

Ama ahong phatak leh, Rōngpu leh Rōngpu Pathen ama khet a alûrna inphut ratha hratna akajōng khan ama’n amihei vai arôn sik kae. Ama mihei kamōng tak a ka-om sik hei, ajârchu raleichung pumpuia mihe’n ama lenna anhnōm sik a kae,

ZEPHANIAH 3:13

Alakahringa ka-om Israel mihei khan tûte inkhat hnenga dikmak tlomak hei ning, maleisei um hrimak hei ning, mihōnna’m tlomak hei ning. Anmani kakhangsōt sik hei, inhukna annei sik, tûte ṭitmak jo hei ning.”

ZECHARIAH 10:10

Egypt leh Assyrianheia inphut innting kaheiṭhōi sik hei anrama khō kamansyem sik hei. Gilead leh Lebanon kha’num khō kamathlâk sik hei; ram pumpui kha mi kasip sik hei.

ZECHARIAH 11:7

That sik akemōng heikakeia akajōrhei khan kei hi kemōng kakhem sik a anmanchang jo eng. Ke’n khōnghre 2 kachoi, inkhat kha, “lungset” tia kaphō, khana ahlop inkhat nôk kha “Pum khat” tia kaphō. Kemōnghei kha kakhem jo hei.

MALACHI 3:4

Khan chu hmalaia kapōa, Rōngpu hnenga Judah leh Jerusalem mihei inthoina heichoi kha amalung tlaina kachang sik jo.

MIJAHEI 23:9

Hlungpui inshânga inphut anmani kajōng hmu hei; hmebunga inphut kajōng ensuitor hei. Anmani anbing rōk a akahring jât-hei kae; jât-hlop hei kanek a mahâmṭhat anchenna kha inhret hei.

MIJAHEI 32:1

Reuben leh Gad phung he’n se katamtak anleidôna,

MATTHEW 2:6

‘Judah ram shunga Bethlehem, Judah khōpuihei kâra nang akasinpen changmak che; ajârchu kami Israelhei ka-ensui sik mi kha nanga inphut hlamkakei inkhat akajōng sik kae.’”

JOHN 17:16

Kei raleichung ta kachangmak kapōa anmani raleichung ta changmak hei.

DÂNRABU INHNINA 33:28

Khava jâra Jacob sōnhei kamōnga ka-om hei, bōirōk a radaitui in ralei tui apekna hmun a hmuchi leh vomhrui ju siptakna ram a inngama ka-om hei.