MICAH 7:12 - LEKHARABU INTHENG (BSI)

¹² Namihei aram aram a inphut hong inle sik jo hei, nisōtinga Assyria inphut, thlang tinga Egypt a inphut, Euphrates ramkeia inphut, tui-ôngpui hmun kahla leh tlâng kahla tatak a inphut a kahong sik hei.

MICAH 7:12 ပူးပေါင်းရင်းမြစ်များ

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 11:16

Anpu anpa he’n Egypt anleidahlon pha hlampui aleika-om kapōa, Assyria inphut hlampui inkhat, khava hmun a ami Israel alakahring hei sik a ka-om sik.

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

ISAIAH 49:12

Kamihei kha ram kahlatak a inphut kahong sik hei sak ting leh tlaitlâk a inphut, khana thlang tinga Aswan ram a inphut kahong sik hei.”

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 31:8

Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 46:27

“Kamihei ṭitmak ruh, Israel mihei inpir mak ruh. Nangni khuma nan-omna ram a inphut, khava ram kahlatak a inphut ke’n nangni kahuk sik chei. Nangni inna hong inle sik chei khana kamōng tak a ka-om sik chei. Nangni inhuktak a ka-om sik chei, tûte inkhat in maṭhitmak chei ning.

EZEKIEL 29:21

“Khavakha asōk pha, Israel mipuihei ratha kamanngar pek sik hei khana Ezekiel, nang kare kha mi rakip in antheina sik hmun a, anmani’n kei Rōngpu eng kae tia anmanhretna sik eng, ṭong kamanhri sik jo che.”

EZEKIEL 37:21

Khana Chunghnung Rōngpu ke’n Israelhei kha jât rakip kâra anleiomna inphut kalosōt sik hei, kamantûp sik hei khana anrama kaheiṭhōi male sik hei tia anhnenga manthei hei roh.

HOSEA 11:11

Anmani Egypt a inphut va kapōa khana Assyria inphut vaṭhu kapōa inrangtak a kahong sik hei. Ke’n anmani an-inna kaheiṭhōi male sik hei. Rōngpu, ke’n kahri jo kae.”