MICAH 6:8 - LEKHARABU INTHENG (BSI)

⁸ Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MICAH 6:8 ပူးပေါင်းရင်းမြစ်များ

A’NPHUTNA 18:19

Asahei leh asōn apâr he’n kaṭong anjuina sik, akadik leh akaṭha antlona sik, amansena sik hei tia ama hi kakadeisōt jo kae. Anmani’n khanga antlo’nchu ke’n ahnenga kalei intepna hei seng kha ama sik a katlo pek sik.”

A’NPHUTNA 5:22

Khava sōa Enoch in Pathen leh inthlop a kum 300 leika-om, sa alak alamajōrsa hei.

THUHMINGHEI INHNINA 30:11

Kha’num, Asher, Manasseh leh Zebulun phung heia inphut ṭhahrep hei chu Jerusalema hong sik a anmadu.

THUHMINGHEI INHNINA 32:26

Achaina, hei-hei achang inum Hezekiah leh Jerusalema mipuihei kha insinsak jo heia Hezekiah athimak kârseng chu Rōngpu’n karâkna leipek mak heia kae.

THUHMINGHEI INHNINA 33:19

Rengpa derna khana Pathen masôna, ama’n amalung athleng mak hma asetna tlohei, ṭhatmak atlo hei, khōvelhei kamukna hmun, khana ama’n aleisyem Asherah pathennu limhei, khana ama’n akamuk limsyem ralak-hei ankhenga Sânkathemhei Thuhming Rabu a inzet heia kae.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

THUHMINGHEI INHNINA 34:27

khana ke’n Jerusalem leh amihei karâkna sik a kamaṭhit hei pha, kahma kunga insir chea insinsak jo che, napōn nakei hlera kaṭap che. Naderna ke’n kathei jo,

NEHEMIAH 9:13

Marvâna inphut Sinai Tlânga jōng kaṭum che; namihei hneng ṭong naleihri khana dân kaṭhahei leh ṭongpek kaṭhahei naleipek hei.

HLAHEI 101:1

Kahlasak hi ṭongjui leh ṭongdik chunga phōna kae, khana hivahi nahnenga kahong sak kae, O Rōngpu.

HLAHEI 112:4

Lungset leh maritna kaneihei sik a a’nthim shunga khan mikaṭhahei sik vâr kha jōng kavâr.

HLAHEI 112:9

Sarahei kha malung kalentak a apek hei, khana alungsetna kha tlâksam hêrmak; ama kha ratha anei sik khana kajana achen sik.

HLAHEI 37:26

Pha rakip a anmani’n pekna a ankut kayâng, milak-hei sêr anmanpûk hei, khana asahei kha anvâng chen hei kha kae.

HLAHEI 73:28

Tâk-kha kei sik chu, Pathen hnenga oma Chunghnung Rōngpu sânsōtna jonga aṭōntlo rakip hrimanthang sik hi heituk a akahōi inlak jo mo!

ṬONGCHÎK-HEI 21:3

Akadik leh akaṭha kha tlo roh; Rōngpu hneng neinâk tōk sik heichoi kanek a ama tlaina sik kha tlo roh.

MI INTHEIPA 12:13

Hiva chunga hin, hri sik inkhat rōk laka-om: Pathen kha ṭit roh, khana aṭongpek-hei jui roh, ajârchu hiva sik pena eini hi asyem me kae.

ISAIAH 56:1

Rōngpu’n amihei hneng ahri, “Akadik leh akaṭha kha tlo ruh, ajârchu inranga kahuksōt sik jo chei.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

JEREMIAH 22:16

Sarahei kadiktak a ṭong atanpek hei, mi rakip leh kahōitak a le’nṭhōi hei. Khavakha kae Rōngpu manhret inti kha.

JEREMIAH 22:3

“Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

JEREMIAH 9:23

Rōngpu’n ahri, “Mikasing he’n ansing jâra a’nlensak mak sik hei kae. Mikahrat he’n anratha hrat jâra, khana mikanei he’n annei anhao jâra a’nlensak mak sik hei kae.

ṬAJAISUINA 3:26

Khava jâra ahukna sik me thōk-hrat leh inṭhōia hngâk sik hi eini sik a akaṭhapen kae,

EZEKIEL 16:63

Nang in akadik mak natlo rakip karangei mandam sik che, tâk nang chu khahei rakip namandonsōt a inzakrei chea nabei kapha mahlang tor mak tin che.” Chunghnung Rōngpu’n ati jo.

EZEKIEL 33:14

Mikaṭhamak inkhat kha athina sik a gîkna kapekthei, tâk-kha aset tlo kha abânga, akaṭha leh akadik atlo jo’nchu–

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

HOSEA 12:6

Khava jâra tûnchu, Jacob sōn leh pârhei, nan-Pathen kha taksen ruh, ahnenga hong inle ruh. Ama jui ruh, kadik a om ruh, nan-Pathen ṭōn tlo sik kha dehrattak a hngâk ruh.

HOSEA 6:6

Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

LEVI-DÂN 26:41

khana inphut anchunga kahnuk leikana a ankadōihei ram a kalei tirna hei, khana inphut hong insir sik hei. Atorna, nansōn he’n an insinsak pha ansetna leh anrahe setna kara kha anchen pha

AMOS 5:24

Khava kanek a, ṭongdik kha kavadung kalōng kapōa lōng rasoh, khana dikna khan chârloa akalōng tuidung kapōa lōng rasoh.

MICAH 6:9

Rōngpu ṭit sik hi akasing ṭōn kae. Ama’n khōpui abek a ati, “Khōpuia a’ntûp a ka-om nangnihei, rangei ruh!

ZEPHANIAH 2:3

Ram shunga malung innem nangni, ama ṭongpek kajuiseng, Rōngpu hneng he’nhe ruh. Akadik kha tlo ruh, Rōngpu hmaikunga insinsak ruh. Rōngpu’n ahnuknat amalâr ninga karâkna inphut nansōk theina sik kae.

ZECHARIAH 7:9

“Tenlai khan hiva ṭongpek hi kamihei hneng kaleipek hei: ‘Akadik nanta tlo-nger sik kae, khana khat leh khat chunga inlungset leh maritna nantamalâr sik kae.

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

MATTHEW 5:7

“Milak chunga lungsetna kaneihei kha anmahâm kaṭha; Pathen in alungset sik hei!

LUKE 10:42

tâk madu rangeipen inkhat ka-om. Mary in akadik kha akadeisōt jo, ama a inphut inlosōt mak jo ning.”

LUKE 11:42

“Nangni Pharisee sik a heituk ṭitpek aka-om chei mo! Nangni’n reihing, lenghum, patikhôm, apha-pha a anse-hleina sem sôm chu nanpek, tâk Pathen sik a ṭongtan kadik leh lungsetna chu donmak chei. Alak he’m heisakmak tlo loa, hihei hi nantatlo sik kha kae.

LUKE 12:14

Jesu’n amasôn, “Eh kaṭhōn, nangni nei kasem sik a leh nanṭong katan sik a kei tu’n mo amatung eng?”

LUKE 6:36

Nanpa lungset kathem achang kapōa nangni lungset them ruh.

ROMANHEI 7:16

Ke’n kamadumak kha katlo jâra, Dân kha kadik ti kahnōmna kha a’nlâr kae.

ROMANHEI 9:20

Tâk-kha, Eh kaṭhōn, Pathen hnenga ṭong insôn sik, nang kha tu che mo? Ralei bephu inkhat in akasyem hneng, “Heisa mo hinga nasyem eng?” tia ader thei sik mo?

CORINTHIANHEI INKHATNA 7:16

Eh Christian nuhmei, napuise kha nang in nahuk manhring tor mak sik kha heikhong mo namanhret? Achangmak leh Eh Christian puise, nang in nanuhmei kha nahuk manhring tor mak sik kha heikhong mo namanhret?

EPHESIANHEI 4:32

Khava nek a, Pathen in Christa a arangei mandam jo chei kapōa, khat leh khat malung innema lum inlo una inngei indam ruh.

DÂNRABU INHNINA 27:10

khava jâra aṭong jui ruh khana tuning ke’n kapek chei adân rakip hei hi jui ruh.”

DÂNRABU INHNINA 30:15

“Tuning ke’n akaṭha leh akaṭhamak khana thi leh hringna kâra inkhat kadeina sik a kapek jo chei.

COLOSSIANHEI 3:12

Nangni Pathen mi chei kae; atâ kachang sik a alungset chei khana akadei jo chei. Khava jâra lungsetna, lum lona, insinsakna, nunkahōi leh dehratna kha a’nvon nger sik chei kae.

THESSALONIANHEI INHNINA 2:16

Ani’nlungset leh amaritna vâng akatlasam mak ratha hrokna leh inhōrna kahnet anikapek ni-Pa Pathen leh ni-Rōngpu Jesu Christa khet khan,

JAMES 2:20

Eh mikamo! Ṭōn kase taksen khachu ahnemna om mak ti malârpek sik che namadu mo?

JOSHUA 24:14

“Joshua’n ahrisa a, “Tûnchu, Rōngpu kha kaja ruh khana malung inthengtak a leh taksentak a ama razen ruh. Mesopotamia leh Egypt a nanpusōn he’n antakamuk pathenhei kha hlonsōt ruh, khana Rōngpu rōk kha razen ruh.

PETER INKHATNA 3:8

A’nchaina: nangni nankhenga malung pumkhat a mandonna inkhat rōk nantanei sik kae; sōpui kapōa inkhat leh inkhat inlungset ruh, inkhat leh inkhat insinsak leh lum inlona nei ruh.

SAMUEL INKHATNA 12:23

Kei sik a chu, nangni sik derna neiloa oma, ama dōina setna tlo sik hi Rōngpu’n ahnōm pek mak a kae. Khava kanek a, akaṭha leh akadik nantatlo sik kha kamanthei sik chei.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.