MICAH 6:6 - LEKHARABU INTHENG (BSI)

⁶ Marvân Pathen, kamukna sik a kahong pha ke’n Rōngpu hneng heimo kahei choi sik? Sehrat rala kaṭhapen kha romanvâm inthoina sik kahei choi sik mo?

MICAH 6:6 ပူးပေါင်းရင်းမြစ်များ

SAMUEL INHNINA 21:3

Khava jâra David in Gibeon mihei kha abek heia anhnenga ati, “Ke’n heimo katlo pek tor sik chei? Nangni’n Rōngpu mihei kha mahâmṭhat nanpek theina sik a nanchunga ṭōnse le’ntlo kha kamandikpek hnōm chei.”

HLAHEI 116:12

Rōngpu kha kei hneng aṭhatna rakip jâra heimo kapek tor sik?

HLAHEI 22:29

Mi inlensak rakip ahnenga inkun sik hei; akathithei rakip in ahmai kunga inkun sik hei.

HLAHEI 95:2

Manpâkna pekna leh inṭhōia a-âng kunga hong rih khana inpâk a achoi ka-ânna hla sak rih.

HLAHEI 95:6

Hong ruh, eini inkun me sona kamuk rih; ani kasyem, Rōngpu hmaikunga nimarkhup thlep rih.

SŌKSŌT 12:5

Nangni’n kemōng a-emak leh ke kum khat katluk ache, heite nōrna kase inkhat et nankadei thei.

SŌKSŌT 23:15

Egypt a inphut nanhong sōksōtna Tebe thla shunga kaṭong leipek jo chei dungjuia Che philo Buhlom Revei hmang ruh. Khava ni 7 revei shunga khan che inphia buhlom ansyem heikhat sâk mak ruh. Tōk sik heikhat choiloa kei kamukna sik a hong hêrmak ruh.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 21:3

Akadik leh akaṭha kha tlo roh; Rōngpu hneng neinâk tōk sik heichoi kanek a ama tlaina sik kha tlo roh.

ISAIAH 40:16

Lebanon ratua ramshahei seng kha ni-Pathen hnenga inthoina sik a tlukmak hei, khana thingkunghei seng kha’m hmeia ti sik a katlôm hêr hei.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

EZEKIEL 46:9

“Mipui he’n revei rakip a Rōngpu inmuk sik a anhong pha, sak tinga kot a akahlut hei khan kamukna anneisō leh thlâng tinga kot a khan akasōk sik hei kae, khana thlâng tinga kot a akahlut hei khan sak tinga kot a khan akasōk sik hei kae. Tûte inkhat in ahong hlutna kot a khan sōk theimak ning, ahlop kot a akasōk sik kae.

DANIEL 3:26

Khava jâra Nebuchadnezzar in hmeipun omna kot a kasea abek a, “Sadrakh! Meshach! Abednego! Chunghnung Pathen sōk-hei! Heisōk ruh!” Inrangtak a heikasōk heia kae.

DANIEL 4:9

Belteshazzar, hnungṭong kasânhei lu kachingpa, a’ntheng pathenhei rathla nashunga ka-om ti kamanhret, khana nang in ṭong in-ip rakip namanhretsō. Hivahi karahmang kae; heitina mo ahri pek roh.

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

DANIEL 5:21

Ama kha mihei kâra inphut hnongsōt a ka-om, khana amalung kha shahei malung hong ka-ang jo. Ama ram a shakōrtung hei leh ka-omsap hei, sehratche kapōa phi asâk jo khana achunga radaitui kakhâr sik a heite omlo ramhânga kaje jo. Achaina pena chu Chunghnung Pathen in mihring rengram rakip akhim, vai arôn khana ama’n akadeisōt hei hneng apektor ti hi ama’n aheihnōm jo.

HOSEA 5:6

Anmani’n ansehei leh ankemōnghei Rōngpu hneng inthoina tōk sik a ankei hei, tâk khava khan akaṭha tlopek dekmak hei. Anmani’n ama hmutor mak hei ajârchu ama’n adahlon jo heia kae.

AMOS 5:22

Nangni’n ro-inthoina leh hmuchi tōkna nanheichoi pha ke’n rahlâng mak ning. Nangni’n kei hneng heikei sik a ran nantamanthai hei ke’n rahlâng mak ning.

MATTHEW 19:16

Vōi khat mi inkhat Jesu hneng kahonga ahnenga ahongder, “Oja, ke’n kumleikōa hringna sik ṭōn kaṭha heimo katlo sik?”

MARK 12:33

Khana namalung, namandonna, khana naratha hratna akhenga Pathen nalungset sik, khana nabinga a’nlungset che kapōa nakhō naven nalungset sik kae tina hin ranhring inthoina leh ro mankhutna kanek a akarôn pen kae.”

MARK 5:7

khana ka-ônga, “A’nshângpen Pathen Sapa Jesu! Kei heimo namanlo hnōm eng? Pathen jâra, kangek che, kei karâkna apek mak roh!” ati.

LUKE 10:25

Jesu ka-ensin sik a dân oja inkhat hong kangirsōt a ader, “Oja, kumsôt hringna kaneina sik ke’n heimo katlo sik?”

JOHN 6:26

Jesu’n amasôn hei, “Akadiktak kahri pek chei kae: ṭōn-inlak katlohei ariṭong nanmanhret jâra nantajong eng changmak, buhlom kha kakhōp a nansâk jâra nantajong eng kae.

ṬŌNTLOHEI 16:17

Amanu khan Paul leh keini kahnung ajuia, “Hiva mihei hi A’nshângpen Pathen sōk-hei kae! Anmani’n heikhong mo huksōt akachang sik chei tia antaphông kae!” tia ka-ông.

ṬŌNTLOHEI 16:30

Khava sōa aṭhōisōt heia ader hei, “Ojahei, heimo katlo’nchu hukmanhringna kachen sik?”

ṬŌNTLOHEI 2:37

Mipuihei khan hivahi anthei pha, anmalung leikadong hêr jo, khana Peter leh sonle lak-hei hneng, “Heimo kantatlo sik, sōpuihei?” anleiti!

EPHESIANHEI 3:14

Khava jâra ke’n Pa ângshunga kamarkhup kathlep a a’nkun eng kae,

HEBREWHEI 10:11

Jehudi thempu rakip in ani tina razenna antloṭhak khana inthoina angaia ave-avea antōk a kae; tâk hiva inthoinahei hin setnahei kha hlonsōt tor mak.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.