MICAH 6:4 - LEKHARABU INTHENG (BSI)

⁴ Egypt a inphut kaheiṭhōisōt chei; nansōk changna inphut kahuksōt chei; nangni kaṭhōisōt sik a Miriam, Aaron khana Moses kahei tir hei.

MICAH 6:4 ပူးပေါင်းရင်းမြစ်များ

SAMUEL INHNINA 7:23

Israel jât kapōa nami manchang sik a ansōk changna inphut nalei huksōt raleichunga phunglak om mak. Anmani sik a ṭōn kalen leh ṭōn-inlak naleitlo pek hei, raleichung pumpuia narahming inthang. Nang in nahnong sōt hei khan vânhnōi raleia narahming anmanthang. Nami sik a Egypt a inphut namasōsōt hei khan hmating anhei jōn pha, jât-hlop hei leh an-pathenhei kha nahnong sōt pek ri hei.

HLAHEI 77:20

Kemōng kakhem kapōa namipuihei kha, Moses leh Aaron nanganse heia naṭhōi hei.

SŌKSŌT 12:51

Khava ning khan Rōngpu’n Israelhei kha Egypt ram a inphut aṭhōisōt jo hei.

SŌKSŌT 20:2

“Egypt ram a nansōk changna a inphut nanhei kaṭhōisōt kei Rōngpu, nan-Pathen eng kae.

SŌKSŌT 3:10

Anrama inphut kamihei nakeisōt torna sik heia tûn ke’n nang Egypt rengpa hnenga katir che kae,” ati.

SŌKSŌT 4:10

Tâk-kha Moses’n, “Rōngpu, kei atir mak roh. Kei chu ṭonghri kathem hongchang hêrmak eng khana ka-hnenga ṭonghri nahei phut khana inphut um ṭonghri lathem mak eng. Kei chu ṭonghri kathem mak, a’n-êng leh a’nphalam thei mi eng kae,” ati.

SŌKSŌT 4:16

Ama kha naṭong kahri mi kachang sik khana mipuihei hneng nang sik a ṭong ahri sik. Khava sōa, heimo hri sik kha nang in ama nahong manthei sik a kha nang in Pathen nahongpō sik.

SŌKSŌT 6:27

Egypt rengpa hnenga Israelhei masōna sik ṭong avakahri hei kha anmani kae.

JEREMIAH 32:21

Ṭōn-inlak leh det-hla ka-om tlona vâng khan kan-indōipuihei khan ṭit leh inpirna annei, nang in Egypt a inphut namihei heiṭhōisōtna sik a narathahrat leh natorna kha nahmang heia kae.

AMOS 2:10

Ke’n nangni Egypt a inphut kaheiṭhōisōt cheia, kum 40 nêrdiram a hlamkakei chei, khana nangni sik a Amorhei ram kha kapek jo chei.

MIJAHEI 12:1

Moses’n Kushit jōr inkhat a-ompui jo jâra Miriam leh Aaron in anhrimaset.

MIJAHEI 33:1

Moses leh Aaron hlamkeina thōia phung rakip in Egypt ram andahlon kahnunga Israelhei rephōr matungna hmun kha athōia hin inpek a kae.

ṬŌNTLOHEI 7:36

Mipuihei Egypt ram a inphut aleiṭhōisōt hei, Egypt ram shunga leh Tuipui Kasen chunga khana nêrdiram a kum 40 shunga det-hla leh ṭōn-inlak hingja aleitlo.

DÂNRABU INHNINA 15:15

Egypt a nangni sōk nanlei changna inphut Rōngpu nan-Pathen in amasō chei kha mandonsa ruh; khava jâra ke’n tûn hiva ṭong hi kapek chei kae.

DÂNRABU INHNINA 24:18

Egypt a nangni sōk leikachang cheia Rōngpu nan-Pathen in amasōsōt chei kha mandon ruh; khava jâra nanhnenga ṭongpek hi kapek chei kae.

DÂNRABU INHNINA 4:20

Tâk nangni chu khava hmeipun kasuk, Egypt ram a inphut ahuksōt mipui chei kha kae. Tuninga nan-e kapōa, ama mi kachang sik a aheiṭhōisōt chei kae.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.

DÂNRABU INHNINA 5:6

‘Sōk nanlei changna Egypt ram a inphut nankahuksōt, kei hi Rōngpu nan-Pathen eng kha kae.

DÂNRABU INHNINA 7:8

Tâk Rōngpu’n nangni alungset chei khana nanpu-nanpahei hnenga ale’ntepna kha hme asō hnōm. Khava jâra aratha hratna vâng ahuksōt cheia Egypt rengpa sōk changna inphut ahei masōsōt chei kae.

DÂNRABU INHNINA 9:26

Khana ke’n kaleider, “Chunghnung Rōngpu, Egypt a inphut nahratna leh naratha vâng naheiṭhōisōt hei namihei kha nang in suk manhmang mak hei roh.

SAMUEL INKHATNA 12:6

Samuel in amanjōm a, “Egypt ram a inphut nanpusōn ankaṭhōisōt Moses leh Aaron indeisōt kha Rōngpu kha kae.