MICAH 6:16 - LEKHARABU INTHENG (BSI)

¹⁶ Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

MICAH 6:16 ပူးပေါင်းရင်းမြစ်များ

JEREMIAH 51:51

Nangni’n nanti, “Keini hi hmaimôkna kanchen jo khana inzakna anpek jo ung; heite inthōpui kaneimak kachang jo ung, ajârchu ram hlop mihe’n Bek-inna hmun intheng hei anhlōsō jo.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 19:8

Ke’n hiva khōpui chunga hin ṭit ka-om tak suk mansetna kamasō sik, ahnenga avakase mihei khan andet-hla sik khana inlak ansak sik.

ISAIAH 25:8

Chunghnung Rōngpu’n thina kha ahei tik a sik a asuk manhmang sik jo! Mi rakip hmit-rathli ahni manhi pek sik hei, khana raleichung pumpuia amihei inzakna kha alosōt pek sik jo hei. Rōngpu ama khet in ahri jo kae!

HLAHEI 44:13

Kanven he’n kanchunga natlona seng kha anhmu, khana anmani’n anmanuisō ung, semtlo hōina annei ung.

ṬONGPHÔNG 2:20

Tâk-kha nachunga kahnōm makna hi ka-om: Pathen ṭong thangkakōi a’nchang saknu Jezebel kha nahnōm pek. Amanu’n limsyem hnenga inthoina hme kasâk sik a leh ṭhatmak omchen katlo sik a kasōk hei amanthei heia hlam kadikmak a aṭhōi heia kae.

HOSEA 5:11

Israel in suk manrimna kha athōk a inreng jo; aram inchêntak kha’m inhmang jo. Ajârchu inthōpui theina kaneimak hei hneng kase hnōm ṭhak a kae.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

EZEKIEL 39:26

Pha khat a anrama kahōia an-om nôk pha, tûte inkhat in amaṭhit mak hei pha, kei anhlonsōt eng jâra heikhonga mo hmaimôk anta leichen ti kha anmahngi tor nôk sik.

ṬAJAISUINA 5:1

O Rōngpu, kanhnenga akasōk hi mandonsōt roh, Ajōng en ung ina, kan-inzakna hi ahmupek ung roh.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

ISAIAH 9:16

Hiva mi hlamkakei he’n mihei kha hlam kalet a anṭhōi hei khana pum manhmak a anmanhmak hei.

HLAHEI 1:1

Mikaṭhamak-hei mansena inhlângmak, mikaset-hei omchen kajuimak, a-emak leh Pathen sik a hnemna kase hei kâra akatlamak mihei kha mikahōihei kae.

THUHMINGHEI INHNINA 34:25

Anmani’n anhlonsōt enga pathen ralak hnenga inthoina anneia kae, anṭōntlo rakip hei khan kahnuk anmannat a kae. Kahnuknat kha Jerusalem chunga inhnak a kae, khana hivahi bângmak jo ning.

RENGHEI INHNINA 21:3

Apa Hezekiah in atasuk manhmang limsyem kamukna hei kha ama’n asak nôk heia kae; Baal kamukna maichâm asyem hei khana Ahab taleitlo kapōa Asherah, intinu lim inkhat um aleisyem. Manasseh’n marvân ârsihei um aleikamuk a kae.

RENGHEI INHNINA 16:3

Israel renghei omchen ajuia kae. Israelhei anhonghlut bia Rōngpu’n ahnong sōt mihei omchen amajôm a, asapatak kha limsyem hnenga inthoina aneia, ro-inthôi tōksōtna aneia kae, khava mater ka-om tak omchen kha Israel he’n hmating re annam pha Rōngpu’n ram a inphut ahnong sōt mihei chônngai kha antalo kae.

RENGHEI INKHATNA 18:4

khana Jezebel in Rōngpu sânkathemhei athat lai hei, Obadiah hin sânkathem 100 aṭhōi heia, 50 et a hlungkōk inhnia athup heia antasâk sik bu leh tui avathak hei.)

RENGHEI INKHATNA 9:8

Hiva Bek-inn hi suk manchim abuk hongkachang sik, khana khava hnenga akase rakip in anmalung atôn sik khana inlak ansak sik. Anmani inder sik hei, ‘Heisa mo Rōngpu’n hiva ram a leh Bek-inn chunga hinga atlo?’

JEREMIAH 25:18

Anmani kha nêrdiram, ṭit ka-om leh hmit ena malung tôn ka-om anchangna sik, tuning katlunga antatlo ṭhak kapōa anrahming kha hâksêrna ṭong inkhat a mihe’n anhmangna sik a Jerusalem leh Judah khōpui rakip, anrenghei leh anhlam kakeihei kha, hiva kōklei hi aman in jo hei.

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

HOSEA 12:14

Israel mihe’n Rōngpu kha ahnuk anmannat hêra kae, anṭhena jâra thi sik a rahōi kasōk hei. Ama chunga hmaimôkna anmansō jâra an-Rōngpu’n karâkna apek sik hei.

MICAH 2:6

Mihe’n kahnenga anhrilea anti, “Kanhnenga hrile mak roh. Khava rakip chungchânga hrile mak jo roh. Pathen in hmai kayum renga adamak ning.

MICAH 6:13

Khava jâra, nansetnahei jâra nangni manhmangna sik leh suksetna sik ṭōn kha kaphutdek jo kae.

THUHMINGHEI INHNINA 22:4

Ama’n Rōngpu dōina setna aleitlo, ajârchu apa thisōa Reng Ahab innshunga mihlop he’n ama mansena anhongneia kae, khana ama tlâksukna hongkachang.

HLAHEI 44:14

Jât-hei kâra mihnōise inkhat a nasyem jo ung; anmani’n anlu ankachuk khum jo ung.