MICAH 5:8 - LEKHARABU INTHENG (BSI)

⁸ Jât-hei kâra dahlona aka-om hei kha ratu shunga a-emak leh ramhânga sâk kajong shabakkai kapō hei kha kae: kemōng rup kâra kahlut a anmani asur heia, ahar-ahak a akapirtan sik hei, inhukna sik a inhōrna om mak a kae.

MICAH 5:8 ပူးပေါင်းရင်းမြစ်များ

A’NPHUTNA 49:9

Judah chu shabakkai kapō kae, Athat sik kha avathat khana akhura hong inle Inthlōnga kaje Tûte inkhat in kachok ngammak hei.

HLAHEI 104:20

Jân pha nasyema, khō ahon’thim pha ramsha rakip hei kha hong kasōk hei.

HLAHEI 44:5

Khana nang tlotorna vâng khan kankadōi hei kha kantor hei.

HLAHEI 50:22

“Kei ani kateitôm hei, hivahi rangei ruh; achangmak inchu ke’n kasuk manhmang sik chei; khana nankahuk sik tûte om mak ning.

ṬONGCHÎK-HEI 30:30

Shabakkaihei, sha rakip hei kâra ratha kaneipen tûte ṭit loa inngamtak a kalôn.

ISAIAH 5:29

Anremihei ông rasa kha shabakkai he’n ramsha anthat pha tûte inkhatbek inum akasut tor makna hmun a antatlensōt a a’nhrung kha ka-ang.

EZEKIEL 39:10

Dahlonsa hmangchâk kha annei sik jâra anmani’n ramhânga leh ratu shunga thing vajong sik khana vatuktan sik a rangei mak hei ning. Anmani ankasukset hei leh ankachom hei kha anmani’n ansukset heia anchom nôk sik hei.

HOSEA 5:14

Judah leh Israelhei chunga shabakkai kapōa kabuhlu sik hei. Kei khet in anhar anhak a kakeihler heia kadahlon sik hei. Ke’n kakeisôn hei pha tûte’num huk tor mak hei ning.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 4:13

Rōngpu’n ahri, “Jerusalem mihei, se ruh, nan-inrepuihei kha vakarâk hei ruh! Ke’n nangni thir raki kanei, sum-êng ke matin kanei sehratche kapōa ratha hratna kapek sik chei. Nangni’n jât katamtak nansuk manram sik hei khana rumhrat a mihei nei leh hao antachom kha, vânhnōi pumpui Rōngpu kei hneng nanta heitōk sik kae.

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MICAH 5:3

Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

ZECHARIAH 10:5

Remi he’n an-indōipui hei hlamlena dôp shunga antachōn manbek hei kapōa Judah mipuihei khan re antor sik. Rōngpu’n anmani a’nṭhōipui hei jâra anmani’n re antlo sik, khana an-indōipui hei shakor remihei kapha’m antor sik hei.

ZECHARIAH 11:6

Rōngpu’n ati, “Raleichunga tûte chunga lungsetna neimak jo ning. Mi rakip anvai karônhei thōia kei khet in kada sik jo hei. Khava vaikarônhei khan ralei hi ansuk manset sik jo, khana anmani ratha neina inphut a huksōt mak jo hei ning.”)

ZECHARIAH 12:3

Tâk-kha khava kani ajōng tlung pha, Jerusalem kha hlung kahriktak kapōa kasyem sik jo, khava indom sik a a’ntluk jât khan abinga intôn sik. Raleichunga jât rakip ama buhluna sik a inchun sik jo hei.

ZECHARIAH 14:18

Egypt mihe’n Rabuk Kût annit hnōm mak a enchu, khanga akase hnōm mak jât rakip chunga Rōngpu’n hrise aleimathlâk kapōa anchunga amathlâk sik.

ZECHARIAH 9:15

Chunghnung Rōngpu’n amihei ahrung sik hei, khana anmani’n an-indōipui hei kha ansuk manhmang sik jo hei. Anmani’n ju-inruihei kapōa rehmun a ka-ông sik hei an-indōipui hei thisen anmasō sik; inthoina thisen kapōa kalōng sik kōkleia inphut maichâm chunga jōngsun inthla kapōa.

MALACHI 4:3

Ke’n ṭōn kha katlosōt ning khan, nangni’n mikaṭhamak-hei kha nantor sik hei, anmani kha nankebōk a vaiphin kapō kachang sik jo hei.

MIJAHEI 24:9

Hiva jât hi shabakkai inkhat kapō kae; Ama aje pha, tûte’n mathōi ngammak hei. Tu enum Israel vângṭhat kapek kha vângṭhat achen sik kae. Khana tu enum Israel hâksêr kapek kha hâksêr achen sik kae.”

MATTHEW 10:14

Khana innshung leh khōpui ṭhahrep in anrahlâng mak cheia, khana nanṭong anrangei mak inchu, khava hmun kha dahlon ruh khana nankepha a vaiphin kha kathing mathla ruh.

ṬŌNTLOHEI 18:6

Anmani’n achunga dōina leh ṭongse anhri pha ama’n atheikada a apōna vaiphin kha akathing thlōn heia hing’hin ahri pek hei, “Nangni nan-inhmang inchu, nanbinga maset nanta’nrôn sik kae! Ke’n mô kha rônmak ning. Tûna inphut chu Jât-hlop hei hneng kase sik jo eng.”

HEBREWHEI 12:25

Khava jâra ṭong kahripa ṭong kha nanthei kada makna sik insing thei ruh. Raleichunga rathla ṭong kapekpa inngeimak kha leitlânsōt tor mak. Kha achang inchu marvâna inphut ṭong jōng kahripa ṭong kha nirangei mak inchu heituk kakhe chet a tlânsōt a’ntak sik mo!

HEBREWHEI 2:3

Khan chu, khangtuk hrep akalen hukmanhringna inkhat kha eini’n heitea nisakmak inchu, heikhong mo a’nhuk inhringtor sik me? Rōngpu khet khan ahma inkeia hukmanhringna hi aleiphông, khana aṭong hri katheihei kha’n kanhnenga hivahi kadik tia anhri manchên pek ung.