MICAH 5:7 - LEKHARABU INTHENG (BSI)

⁷ Alakahring seng Israel mihei kha Rōngpu’n jât rakip sik a ajōngtir hlimsengna radaitui kapō kha ka-ang sik hei, phidông kakek chunga khō rahme kasûr kapō kae sik. Khahei kha mihring chunga changloa, Pathen chunga a’nngai sik hei kae.

MICAH 5:7 ပူးပေါင်းရင်းမြစ်များ

SAMUEL INHNINA 17:12

David kha khova hmun a a-om inum nihmusōt sik, khana mantlukna hei hi amanhret mak hma nibuhlu sik kae. Ama leh amihei inkhatbek hringmak hei ning.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HLAHEI 133:3

Khavakha Zion hmebung heia ajōngkatla, Hermon tlânga radaitui kapō kae. Khavakha Rōngpu’n avângpek sik ale’ntepna hmun kae, hringkhō inchai hêrmak apekna kha kae.

HLAHEI 72:6

Rengpa kha hleipuk a khō kasûr kapō, tlâng kachâra khō cher-cher katla kapō ang rasoh.

ṬONGCHÎK-HEI 19:12

Rengpa hnuknat chu shabakkai inhrung kapō kae, tâk ama lum lona chu sûrtui niratō kapō kae.

ISAIAH 32:15

Tâk-kha vōi khat chu Pathen in arathla kha eini sik ajōngtir sik. Ramhâng hei kha ralei thai ṭhatna hmun lahong kachang sik, khana hleihmun a kara katamtak lahong inlōk hi sik.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 55:10

“Kei ṭong hichu kavur katla leh khōsûr kapō raleia tui kachep sik a marvâna inphut ajōng kasur kha kae. Khava khan hmuchi kha amankek vor sik a hmuchi leh sâk sik a thlai apek.

ISAIAH 66:19

khana anmani karâkna ankapek kha kei eng kae tia anmanhret sik jo. “Tâk-kha anmani ṭhahrep kaṭhen sik hei khana jât-hlop hei leh ram kahlatak a kei rahming inthang alakathei mak hei, kalûrna leh kalenna alakahmu mak hei hneng katir sik hei: Spain, Libya khana Lidya leh anthe kakâp kathemhei hneng khana Tubal leh Greek ramheia. Hiva jât-hei kâra kei lenna kha anphông sik a kae.

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

EZEKIEL 14:22

Tu mo inkhat kahringa asahei ahuk he’nchu, nahnenga anhong pha en hei roh. Heituk a akaṭhamak hei mo en hei roh, Jerusalema ke’n karâkna kahei rôn sōt hi kadik tia hnōm roh;

EZEKIEL 47:1

Mipa khan Bek-inn hlutna kot a aṭhōi male eng. Khava ahlutna thōia inphut tuisam hong kapût a nisōting, Bek-inn hmai hngetna ramkeiting kalōng. Khavakha Bek-inn thlang intonga aṭhen khat thōia inphut maichâm thlâng sir kha apetanna kalōng inthla.

EZEKIEL 5:5

Chunghnung Rōngpu’n ati, “Jerusalema enroh. Ke’n amanu hi raleichung alaitak a kada kae, akimvea ram hlop rakip kada hei.

DANIEL 11:32

Rengpa’n ami hōnna vânga, anbekna kadahlonsa hei inthōpuina kha achen sik, tâk Pathen kahnung kajuihei khan chu re ande sik.

HOSEA 14:5

Israelhei hnenga kei hi ram chârna khōtui kapō kachang sik eng. Anmani reipâr kapōa kapâr sik hei; anrajung kahnet a anthō sik Lebanona thingkunghei kapōa.

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

JOEL 2:32

Kha’num Rōngpu hnenga inthōpuina kader rakip huk sik hei kae. Rōngpu’n aleihri kapōa, ‘Jerusalema ṭhahrep chu inphesōt sik hei; ke’n kakadeisōt seng khachu kahring sik hei.’”

AMOS 5:15

Akaṭhamak kha mater ruh, akadik kha madu ruh, khana ṭong tanna hmun a akadik manleng ruh. Kha achang inchu tûn katlunga kahringa dahlon jât-hei chunga Rōngpu’n lungset a alarônthei heia kae.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 4:13

Rōngpu’n ahri, “Jerusalem mihei, se ruh, nan-inrepuihei kha vakarâk hei ruh! Ke’n nangni thir raki kanei, sum-êng ke matin kanei sehratche kapōa ratha hratna kapek sik chei. Nangni’n jât katamtak nansuk manram sik hei khana rumhrat a mihei nei leh hao antachom kha, vânhnōi pumpui Rōngpu kei hneng nanta heitōk sik kae.

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MICAH 5:3

Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

MICAH 5:8

Jât-hei kâra dahlona aka-om hei kha ratu shunga a-emak leh ramhânga sâk kajong shabakkai kapō hei kha kae: kemōng rup kâra kahlut a anmani asur heia, ahar-ahak a akapirtan sik hei, inhukna sik a inhōrna om mak a kae.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

ZEPHANIAH 3:13

Alakahringa ka-om Israel mihei khan tûte inkhat hnenga dikmak tlomak hei ning, maleisei um hrimak hei ning, mihōnna’m tlomak hei ning. Anmani kakhangsōt sik hei, inhukna annei sik, tûte ṭitmak jo hei ning.”

ZECHARIAH 14:8

Khava kani kha ajōng tlung pha, Jerusalema inphut tui insim kapût sik, khava tui aṭimkhat kha Tuipui Kathi dîra kalōng sik, khana aṭim inkhat in Mediterranean tuipuia kahlut sik. Kum katlung bit a, sûrkhō leh ṭhekhōa khō kasûr injôn sik.

ZECHARIAH 9:13

Judah hi remi inkhat, sai kapōa kahmang sik Israel khan, the kapōa kahmang sik. Zion mihei kha chemjâm kapōa kahmang sik hei, Greek remihei re kadōi sik a.”

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

ṬŌNTLOHEI 11:15

Khana ke’n ṭonghri kahei phut pha, aphutna pet a eini chunga ajōng katlung kapōa, anmani chunga’m Rathla Intheng kha jōng kaṭum jo.

ṬŌNTLOHEI 13:46

Achang ravâng kangam chet a Paul leh Barnabas in kaṭongsōt jo hei: “Nangni hnenga Pathen ṭong hi hri masa pen sik arangei. Tâk-kha nanrahlâng mak jâra leh kumsôt hringna kachen sik a nanbinga rahōi kasōkmak a nan indon jâra, kantadahlon cheia Jât-hlop hei hnengting jôk akase sik jo ung kae.

ṬŌNTLOHEI 16:9

Khava ning jân khan Paul in Macedonia mi inkhat kangira, “Macedonia ting hong inna ahong inthōpui roh!” tia ngekna aleinei kha hmangtalâra aleihmua kae.

ṬŌNTLOHEI 9:15

Rōngpu’n ahnenga, “Se roh, ajârchu ama hi Jât-hlop hei leh renghei khana Israel mipui he’n karahming anmanhretna sik, kei inzen sik a kakadeisōt jo kae.

ROMANHEI 10:20

Khana Isaiah khan kangam chet a hinga ahri: “Kei kajong mak mihei khan anhmu eng; Kei intōpui sik a akadermak mihei hnenga kei inlâr eng.”

ROMANHEI 11:12

Jehudihei setna khan vânhnōia mahâmṭhat katamtak ajōng rôn, khana anmani rathla langa antlâksamna khan Jât-hlop hei mahâmṭhat katamtak ajōng rônna kha kachang jo. Khana khan Jehudi ankhenga an-inveisa inchu mahâmṭhatna kha heituk-hrep akalen sik mo!

ROMANHEI 9:30

Khava jâra eini’n niti khachu Jât-hlop hei anbinga Pathen leh akadik a omsapna sik aleikajong mak hei kha, taksen jâra ama leh akadiksap amanchang jo hei.

CORINTHIANHEI INKHATNA 3:6

Ke’n hmuchi kha kavor, Apollos in tui kha asō, tâk a’nkek khachu Pathen kae.

DÂNRABU INHNINA 32:2

Kei mantheina hi khōtui kapōa katla sik, raleichunga radaitui ka-ang sik. Kaṭong hi hardông chunga khō rahme kapōa katla sik phidông chunga khōtuidi ka-ang sik.

ṬONGKATANHEI 6:36

Gideon in Pathen hneng ader, “Rōngpu nang in Israelhei huksōtna sik a kei hi nahmang sik eng naleiti.