MICAH 5:6 - LEKHARABU INTHENG (BSI)

⁶ Nimrod ram a Assyria mihei kha re hmangchâk ratha neina vânga anmani’n antor sik, khana Assyria he’n nirama re anheitlo pha anmani’n Assyrianheia inphut anhuk sik me.

MICAH 5:6 ပူးပေါင်းရင်းမြစ်များ

RENGHEI INHNINA 15:29

Peka rengchang laia kae, Assyria reng kalenpa Tiglath Pileser in Ijon khōpuihei, Abel Beth Maacah, Janoa, Kedesh, khana Hazor khan chu Gilead ramṭhen, Galilee, khana Naphtali a mihei kha rekahringa asur heia Assyria ram a aṭhōi hei.

THUHMINGHEI INKHATNA 1:10

Cush hin asapa Nimrod inti ahma kakeia mikalûr vânhnōi kahlōsō inkhat ahong kachang kha aleinei.)

THUHMINGHEI INHNINA 33:11

Khava jâra Rōngpu’n Assyria remi hlamkakeipa kha Judah chunga re amansōa kae. Anmani’n Manasseh kha ansur jo, ataksa chunga kōikim anmando jo, thirhrui vânga ankhit jo, khana Babylona ankei jo.

JOB LEKHARABU 29:22

Kaṭong hri heia abân hrisana sik leiom mak. Kaṭong hri hei khōtui kapō leikachang.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HLAHEI 72:6

Rengpa kha hleipuk a khō kasûr kapō, tlâng kachâra khō cher-cher katla kapō ang rasoh.

ISAIAH 14:2

Jât-hlop katamtak in anmani Rōngpu tapek anrama anhe’nle nôkna sik an-inthōpui sik hei, khana khan jât-hlop he’n Israelhei sōk kachang sik heia anrazen sik hei. Pha khat a Israel aleikasur hei kha tûn Israel he’n ansur sik hei, khana Israelhei chunga mikasuk inrim hei kha Israel he’n anchunga vai anrôn sik jo.

ISAIAH 14:25

Ke’n Assyriahei kha karam Israel shunga kasuk manhmang sik hei, khana katlang chung heia anmani kachōn kahnur sik hei. Kamihei, Assyriahei rîngkea inphut leh antathōk sik anrôn kahrik a inphut kamasō sik hei.

ISAIAH 33:1

Eini kadōihei kha inhmang jo hei! Anmani kha tûte’n anchom mak heia anhōn mak hei inum, anmani’n mi anchom heia anhōn heia kae. Tâk-kha anmani’n mi antahōnna leh anchomna sik pha kha ho’nchai sik jo, anmani khet kha chom sik leh hōn sik jôk kha hongkachang sik jo hei.

ISAIAH 37:36

Khana marvân ngeva inkhat Assyriahei ṭhumhmuna kasea remi 185,000 athat jo hei. Khang’khan ajing jîng khōvâr pha mihei kha ankhenga kajea kathisō jo hei.

ISAIAH 37:37

Khava pha, Assyria rengpa Sennacherib kha Nineveh ting inle jo.

ISAIAH 6:13

Mi 10 shunga inkhat akathi inhlei a-om inum, ama kha’m suk manhmang sik kae; ama kha sasōkung tuktansa akungmui ka-ang sik.” (Thingkungmui hin Pathen mihei athera hong inphutna manhmuna inkhat kae.)

JEREMIAH 14:22

Jât-hei limsyem inkhatbek inum khōtui mansûr tor mak ning; bōirōk inum abinga khōtui mansûr tor mak. O, Rōngpu, kan-Pathen, nang chunga keini inhōrna kannei, ajârchu hiva rakip akatlo hi nang che kae.

NAHUM 2:11

Shabakkaihei khur ka-ang jo, shabakkai terehei inveina, shabakkai pui leh ache hei sele honglena a’nte hei inhukna khurpui kapō jo kha tûnchu khōpui kha khon mo aka-om jo?

ZEPHANIAH 2:13

Rōngpu’n Assyria mihei thatna sik arathahrat ahmang sik. Nineveh khōpui kha amanram sik, tui ka-om mak nêrdiram amanchang sik.

ZEPHANIAH 3:12

Khana khan kei inthōpui sik a akahong sik malung innem leh a’nsinsak mihei kha kada sik hei.

LUKE 1:71

khachu eini inrepui heia inphut, eini kahōt hei ratha hratna inphut ahuk sik me.

LUKE 24:27

Khana ama’n Moses lekha heia inphut sânkathemhei tamazet katlunga ṭong Intheng rabu rakip shunga achungchânga ale’nzet senghei kha aleihri manchên pek jo hei.

DÂNRABU INHNINA 32:2

Kei mantheina hi khōtui kapōa katla sik, raleichunga radaitui ka-ang sik. Kaṭong hi hardông chunga khō rahme kapōa katla sik phidông chunga khōtuidi ka-ang sik.