MICAH 5:4 - LEKHARABU INTHENG (BSI)

⁴ Ama ahong phatak leh, Rōngpu leh Rōngpu Pathen ama khet a alûrna inphut ratha hratna akajōng khan ama’n amihei vai arôn sik kae. Ama mihei kamōng tak a ka-om sik hei, ajârchu raleichung pumpuia mihe’n ama lenna anhnōm sik a kae,

MICAH 5:4 ပူးပေါင်းရင်းမြစ်များ

HLAHEI 145:12

khan chu nahratna ṭōntlo leh narengram kalûrtak a kajana kha mi rakip in anmanhret sik jo.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

HLAHEI 72:8

Arengram kha tui-ôngpui inkhat in inkhat a sunbit rasoh, Euphrates tuidunga inphut ralei inchaina katlung chang rasoh.

HLAHEI 93:1

Rōngpu kha reng kae. Ama lûrna leh ratha hratna kha pōn invona invon; ralei hi kahnettak a ahmunna ada khana inhlingtor mak.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

SŌKSŌT 23:21

Ama kha malung kahluttak a rangei ruh khana aṭong jui ruh. Ama kha indōipui mak ruh, ajârchu ama kha kajōngtir jo kae, khana ama kadōihei kha rangei mandam mak hei ning.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 49:5

Ka’ntet mak hma, Rōngpu’n kei aleikadei jo eng; ama’n amihei kaṭhōi inle sik a asōk a asyem eng, Israel a’nchekchai kaṭhōi inle sik a. Rōngpu’n kajana apek eng; ama kha kahratna kung kha kae.

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 52:13

Rōngpu’n ahri, “Kasōkpa kha aṭōn tlona khan hme asō sik; ama kha inshângtak a kajana achen sik.

ISAIAH 8:7

Rōngpu ke’n Assyria rengkalen leh aremi rakip Judah re kasō sik a kajōngṭhōi sik. Anmani kha Euphrates Tuidung in tui alen pha tuipang achûmsō kapōa hongkahlut sik hei.

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

ZECHARIAH 9:10

Rōngpu’n ahri, “Israel heia inphut re shakor gâri kha kalosōt sik jo khana Jerusalema inphut Shakor kalosōt sik jo; re tlona saihei kasuk manhmang sik jo. Narengpa khan jât-hei kâra intōk inchamna ajōng rôn sik jo; ama’n tuipui inkhat a inphut inkhat a vai arôn sik, Ephrath tuidunga inphut raleichung inchaina katlung.”

MALACHI 1:5

Israel he’n anhmit khet a hivahi anhmu sik, khana anmani’n, “Israel ramri kakhe katlunga Rōngpu chu ratha anei!” anti sik.

MATTHEW 16:18

Khava jâra Eh Peter, nahnenga kahri kae: nang hlungpui che kae, khana hiva hlungpui innhmun chunga hin ka-Bekrup kasak sik kae, khana thina kapha’n khava chunga ratha nei tor mak ning.

MATTHEW 2:6

‘Judah ram shunga Bethlehem, Judah khōpuihei kâra nang akasinpen changmak che; ajârchu kami Israelhei ka-ensui sik mi kha nanga inphut hlamkakei inkhat akajōng sik kae.’”

MATTHEW 25:31

“Mihring Sapa kha Reng kapōa marvân ngevahei leh inṭhōia ajōng pha, alen in-ongna chunga in-ong sik,

LUKE 1:32

Ama hong kalen sik khana A’nshângpen Pathen Sapa a’nti sik kae. Rōngpu Pathen in ama apusōn David kapōa reng inkhat amanchang sik,

JOHN 10:38

Ke’n aṭōn kha katloa nantaksen mak enga achang inum, Pa kha keia ka-om, kei hi Pa a ka-om eng ti hi nanmanhret thangna sik kaṭōntlo bek khachu taksen ruh.”

JOHN 20:17

Jesu’n amanu hneng, “Asit mak roh, ajârchu kei Pa hneng lasemak hi eng. Tâk-kha nang kasōpuihei hneng vase ina vahri pek hei roh, “Kapa khana an-Pa, ka-Pathen khana an Pathen hneng a’nle sik jo eng kae.”

EPHESIANHEI 1:3

Ni-Rōngpu Jesu Christa Pa leh Pathen kha eini’n manpâk rih! Ajârchu Christa leh ni’nchunna shunga hin, Pathen in marvân ram a rathla vângṭhat rakip kha apek mea mahâm kaṭha amanchang me.

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”